1 तिमोति 6:5 - माडिया गोंड पवित्र सास्त्रम

⁵ इद्रमतोर लाग्वा बुदतोर आंदुर, ओसो सेतेम पोल्‍लोताहि जेक आतोर, रोमवालेवा जग्ळम आसोर मन्ह्‌तोर. इद्रमतोर देवुळतुन माळिसि, पका कोताङ कमय कीसि माक पाय्दा आस्ता इनजोर, विचर कीस्तोर.

1 तिमोति 6:5 Iomraidhean Croise

मत्याल 12:33

“केंजाटु, मराङ तमाङ कायानग्डाहे पुनदा वास्ताङ. मरा बेसतल इतेके, तानाङ कायाङ वने बेसताङ. अहे मरा लागो इतेके, तानाङ कायाङ वन लागोङ.

मत्याल 21:13

अह कीसि येसु ओरिन इतोग़, “ ‘नावा लोतुन मोळ्कनद जागा इनदनुर,’ इन्जि देवुळ इन्ह्‌ता, इद्रम सास्त्रमते रासतद मन्ह्‌ता. मति मीट देवुळता लोतुन डाकुरा डेरा कीतिर!” इतोग़.

मत्याल 23:13

“ए सास्त्रमगूरुरिर ओसो परुसिरिर, मीट सोङ केवालोरिर! देवुळि मीक पका सिक्सा ईयग़ा! बाराह्‌क इतेके देवुळता राजेमतके वावालोरा अग़ मीट केहतह्‌निर. मीट कुद वने ओळियविर, ओसो ओळियवालोरिन वने दाया एविर.

1 कुरिंततोर 11:16

इद पोल्‍लोता लोप्पा बोग़ाय नावा संगे गिटोगटो आयना इतेके, ओग़ पुनेग़: नना इद्रमे काग़्हतह्‌नन, सबे नाह्‌कने देवुळता मुडोर वने इद्रमे कीस्तोर.

2 तिसलुनितोर 3:6

इंजेके मावोर विस्वसिरिर! मावा येसुसामि किर्स्तुना पेदिरते, मीक उकुम ईयलाह आतोम: उच्वुर विस्वसिर कबळतुह्‌क लंडालोर आतोर, माट मीक काग़्हतव पोल्‍लोना लेह्‌का ताकोर. अद्रम मनवालोरा संगे गोत आयमाट.

1 तिमोति 1:6

इविन विळ्सिसि, ओर जोलताङ काग़्हवालोर उगसता वळ्ह्‌कमुळतके मिळ्न्दतोर.

1 तिमोति 3:3

ओग़ कल लोटि मनदनद आयो, नल्हतना-कोह्‌कना केवाल मनदनद आयो, वह्‌चळ केवाल मनदनद आयो, मति गूनमते वळ्ह्‌कवाल मनदना, ओसो कोताना लालुस मनदनद आयो.

1 तिमोति 3:8

अद्रमलेह्‌का विस्वसिरा मुडगा, सेवा केवालोरिन वने तासनदु. बेद्रमतोर सेवा केवालोरिन निल्पिह कीयना इतेके, नाटेनोर ओरिन कदर एवालोर मनदना गावले. ओरु कल लोटिर मनदनद आयो, नाळेह कीस तिनवालोर मनदनद आयो. ओसो ओरगा रेंड वेंजेह्‌कना बुद मनदनद आयो.

1 तिमोति 4:7

सेळोस्क वेहतनव पीटोना लेह्‌काडाङ, देवुळतुन सीता केवव पोल्‍लोनु, ओसो बुदलेवव पोल्‍लोन केंजमा. मति निमा देवुळतुह्‌क विचर वानाह पिसलाह, कग़यसोर मनु.

1 तिमोति 4:8

मेंदुलतुन बेस तासतेके, माक उचुने पाय्दा आस्ता, मति देवुळतुह्‌क विचर वानाह पिसतेके, सबे रीतिने पाय्दा आस्ता. बह इतेक, अद्रम मतेके इंजेके वने, पया वने, देवुळता पिसमुळ दोर्किह कीय्ह्‌नल इनजोर, बेस-नेह्‌ना पुन्ज मह्‌नल.

1 तिमोति 6:6

मति मतेकाय, लेवेकाय, सुकमते मनदनदे बेसु. अह मन्जि, देवुळतुह्‌क विचर वानाह ताकतेकेने, बेरा पाय्दा दोर्किह्‌ता.

2 तिमोति 3:5

वेर अमेसा देवुळतुन सेवा कीतप लेह्‌का, सोङ कीयनुर; मति ताना लावतुन निटम मानेम आयोर आयनुर. तिमोति, निमा इद्रमतोर मन्कलोरग्डाह जेक मन.

2 तिमोति 3:8

बेद्रम मुनेटा कालमते यनेस ओसो यम्बरेस इनवालोर, (मिसर देसेमतोर गूनयालोर) मोसा मुय्तोन विरुद कीस मतोर, अद्रमे इंजेटा कालमते वेर मन्कलोर सेतेमता विरुद कीस्तोर. वेर ओसोय लाग्वा बुदतोर आंदुर; येसुन विस्वस कीयनद पोल्‍लो वेरिह्‌क मुर्तिय तेळियो.

तीतुस 1:11

इद्रमलेह्‌का ओप्पवव पोल्‍लोन काग़्हचि, वेल्‍लाङे लोह्‌कनोरिन लेसिह कीस्तोर. लाग्वा कबळते कोताङ कमय कीयलाह, इद्रम कीस्तोर. इद्रमताङ ओप्पवव पोल्‍लोङ काग़्हवालोरिन, केमेन कीयना गावले.

2 पत्रु 2:15

वेर सीदा दायनद अग़दुन विळ्सिस लेसतोर. वेर मन्कलोर बहोर इनवाल मुय्तोना मग़ि, बलामि इनवाना अग़दुन पोयतोर. वेग़ बलामि इतेके, लाग्वद कबळताङ कोतान जीवा कीस मतोग़.

2 पत्रु 2:3

जोल पोल्‍लोङ काग़्हवालोर कोताना लालुसतुह्‌क, तमाय पुटिह कीतव पोल्‍लोन वेहतनुर. ओसो अविस्किन वेहचि, मीक नाळेह कीयनुर. ओरिन सिक्सा ईयनद देवुळि, वेल्‍लाय जोमताहि तयर मन्ह्‌ता. अद ओरिन बूळे कीयग़ा; अद कूर्कसोर मनो.

यहुदाल 1:11

वेरिह्‌क गोसा आयि! वेरु, (तना तमिन हव्कतोग़) काय्नुना अग़दे ताकवालोरु. बलामि इनवाल कोतानेनाह्‌क पापम कीतोग़, वेर वने ओना लेह्‌कान कीयलाह कंद्रेम आस्तोर. कोराल इनवाना लेह्‌का, वेर वने देवुळतुन विरुद कीताह्‌कु, कोरान बूळे कीतप लेह्‌का, वेरिन वने देवुळि बूळे कीयग़ा.

तोहचीतव पोल्‍लोङ 18:13

बेस गब वायनव मस्लाङ, दूपमि, गम-गम एग़्स्कनद अतर्नेय, बेस-नेह्‌ना एग़्स्कतद एवेग़ि, अंगुर जोमा, जय्तुन नेयु, असलता गोह्‌क पिंडि ओसो गोह्‌कु, कोंदाङ-मूरेङ, गोरेङ, एर्रेङ, कोडाङ, कोडा गाडाङ, ओर्युलतोरु, इव सबेटविन असवालोर बोरे इलेर इनजोर अळयनुर.