1 तिमोति 6:20 - माडिया गोंड पवित्र सास्त्रम

²⁰ मन्कलोर देवुळतुन सीता केवा, लाग्वाङ-लाग्वाङ वेहतह्‌तोर. (माट काग़्हतद पोल्‍लोतुन विळ्सिस,) एत्लम पोल्‍लो काग़्हतह्‌तोर; ओसो अदिन निटम बुदता पोल्‍लो इन्ह्‌तोर. तिमोति, निमा ओरगा अनमा, मति देवुळि नीवा कयदे ईतद कबळतुन बेस-नेह्‌ना तासा.

1 तिमोति 6:20 Iomraidhean Croise

बळयिर 16:1

पया पोलु, (सीलास, गलाति पटटा) दिरबे ओसो लुस्त्रा, इव सहर्कने अतोर. लुस्त्रा सहरतगा तिमोति पेदिरतोग़ ओर्वोग़ विस्वसि मतोग़, ओना तपे युनानि जाततोग़ु, मति तलोग़ि यहुदि आंचाळ आंदु, अद विस्वस वने कींदु.

बळयिर 17:18

अस्के इपिकुरि तुंगाता ओसो इस्तोयिकि तुंगाता गूरुर वने, ओना संगे वेल्‍लाङे पोल्‍लोङ वळ्ह्‌कतोर. ओसो उय्तुर “वेग़ पोमाडेङि बाताङ वेहतलाह आतोग़ रा?” इतोर. येसुना लोप्पा, ओसो ओग़ डोलिस जीवा अरतद बेसतल कबुरतुन वेहतह्‌पा केंजिसि, “वेग़ु, माट पुनवाङ पेन्कनाङ पोल्‍लोन पोकुर कीस्तोग़ बहे,” इनजोर उय्तुर इतोर.

बळयिर 17:21

(इंजेके एतेंस सहरतोर, ओसो पलतेनाह अगा वासि पिसवालोर लोकुर, पूनाङ-पूनाङ पोल्‍लोङ वेहतना ओसो केंजना, इदे कबळते अमेसा मंदुर.)

रोम सहरतोर 3:2

(अस्के नना इनेनन: यहुदि मन्कल आसि डायना रिवज कीतोग़ इतेके,) पका पाय्दा दोर्किह्‌ता. मोदुल पोल्‍लो इद इतेके, देवुळि तना सास्त्रमतुन, माक यहुदिरिह्‌के ईस मता.

1 कुरिंततोर 2:6

आं! विस्वसते मेग़्कतोरगा बुदताङ पोल्‍लोन वेहतह्‌नोमे! मति देवुळतुन पुनवोरा लेह्‌काडा बुदि आयो, दुनियातोर मुक्यालोरा लेह्‌काडा बुदि आयो, ओरा राजेम कोनि इंजेके मायलाह आता!

1 कुरिंततोर 3:19

बाराह्‌क इतेके दुनियातोर बेदिन बुदि इन्ह्‌तोर, तान देवुळि बुदलेवद इन्ह्‌ता. तेना लोप्पा देवुळता सास्त्रमतगा इद्रम रासतद मन्ह्‌ता: देवुळि, बुदतोर मन्कलोरिन तमा सत्रल बुदतेने एग़्कनाह कीस्ता, इनजोर रासतद मन्ह्‌ता.

कुलुसितोर 2:18

मीक जोल काग़्हवालोर इद्रम वेहतह्‌तोर, “मावा लेह्‌का तिपलता नोमळ कीयना, पोग़ोटाङ देवतुल्किन मोळ्कना,” इन्ह्‌तोर. इद्रम वेहचि, मीट देवुळता राजेमता लायकतोरिर आयविर इनजोर, मीवा पोग़ोन कसुर ओपलाह एमाटु. अद्रमतोर मन्कलोर इद्रम-इद्रमताङ लेकाङ ऊळतोम इनजोरे, तमाय मन्कना बुदते उगसे पोग़यसोर तिरियिह्‌तोर.

कुलुसितोर 2:8

इदिन पुन्ज मन्ह्‌टु! मन्कलोर वासि, मन्कना बुदताहि पुटटव पोल्‍लोनु, (देवुळताङ पोल्‍लोङ इनजोर) काग़्हतह्‌तोर. ओर पका बुदतोर दिसतेक तेला, ओराङ पोल्‍लोङ उगसताङ ओसो जोल पोल्‍लोङ आंदुङ. लोकुर वेहतव अव इद दुनियाताङ अङ्ळमताङ पाय्दालेवाङ उतुर्कनाङ पोल्‍लोङ आंदुङ, किर्स्तुनग्डाह वातव आयोङ. अदिनेनाह्‌क अव पोल्‍लोङ काग़्हचि तमा कयदे कीयलाहि, ओरिह्‌क मीट अग़ एमाटु.

2 तिसलुनितोर 1:4

अदिनेनाह्‌क माट (नाह्‌क-नाह्‌क वेलियिह्‌पा,) इद पोल्‍लोतुन वेहतह्‌नोम: तिसलुनितोर विस्वसिरिन, लोकुर पकाय तिपल कीस्तोर, पकाय सिक्सा कीस्तोर. तेला मति ओर दीरा पोस मन्ह्‌तोर, विस्वस कीसोरेन मन्ह्‌तोर इनजोर, देवुळता विस्वसिरा मुडा मुनेह, मीवा लोप्पा पोग़यिह्‌नोम.

2 तिसलुनितोर 2:15

अदिनेनाह्‌क मावोर विस्वसिरिर! मीवा विस्वसते मेग़्किस मन्ह्‌टु. माट मावा तोडटे आयि, सीटटे आयि, काग़्हतव पोल्‍लोन पोस ताकाटु.

1 तिमोति 1:11

इद सेतेमता काग़्हमुळ इतेके, मावा कूब असलता, डीसाता देवुळता बेसता कबुर आंदु. इद बेसता कबुर दुस्रोरिन वेहतलाहि, देवुळ नाकु निल्पिह कीता.

1 तिमोति 1:2

तिमोति, नीके नना इद सीटि रासिह्‌नन. विस्वसताङ पोल्‍लोन निमा नयग्डाहि कग़यसोर वातिन इन्जि, निमा नावाये मग़ना लेह्‌काडोनिन. मावा देवुळबाबाल ओसो मावा येसुसामि किर्स्तु, नीकु देय्वा ईयिर, जीवा लोपिर, अह आसि निमा सुकमते पिसा.

1 तिमोति 1:6

इविन विळ्सिसि, ओर जोलताङ काग़्हवालोर उगसता वळ्ह्‌कमुळतके मिळ्न्दतोर.

1 तिमोति 1:9

इद पोल्‍लो माक एर्का मन्ह्‌ता इतेके, सेतेमतोर मन्कलोरेनाह्‌क काय्दा तासोर. मति काय्दातुन माळवोरु, कैंगम आयवालोरु, देवुळतुन नमवोरु, पाप्यहलोरु, देवुळतके सीता केवोरु, देवुळतुन मान एवोरु, तलोग़-तपेन हव्कवालोरु, मन्कन हव्केर, सिंड्रि-साट्याल आयवालोरु, आंचाळ-कोय्तोग़ कलियतपु कोय्तोना संगे कोय्तोग़ मनवालोरु, मन्कन कलिस वमवालोरु, जोलहालोरु, जोल साक्सि एवालोरु, ओसो बोराय सेतेमता काग़्हमुळतुन माळवोरु, वेरा लेह्‌काडोरेनाह्‌के काय्दा तासिह्‌तोर.

1 तिमोति 4:7

सेळोस्क वेहतनव पीटोना लेह्‌काडाङ, देवुळतुन सीता केवव पोल्‍लोनु, ओसो बुदलेवव पोल्‍लोन केंजमा. मति निमा देवुळतुह्‌क विचर वानाह पिसलाह, कग़यसोर मनु.

1 तिमोति 6:11

मति तिमोति! (निमा वेर मन्कलोरा लेह्‌का आयविन,) निमा देवुळता मन्कनिन. अदिनेनाह्‌क इव लाग्वाङ पोल्‍लोनाहि अबर विता. अविस्कनग्डाह जेक मन्जि, इद्रमलेह्‌का मनदलाह पर्ह्‌का: सेतेमते पिसना, देवुळतुह्‌क विचर वानाह पिसना, विस्वसते ताकना, जीवा कीयना, तिपलते विस्वसतुन विळ्सवा मनदना, कुलुल बुदते मनदना.

1 तिमोति 6:14

इतेके, नना नीक वेहतव पोल्‍लोन तपवालेवा, नियगा कसुर दिसवपु, केंजिस ताका. मावा येसुसामि किर्स्तु ओसो वानाह्‌जोम, केंजसोर मन.

2 तिमोति 2:1

अदिनेनाह्‌क बाबा, किर्स्तु येसुना मेटे, देवुळि माक देय्वा ईता. अद देय्वाते, दीराते सेवा कीसोर मन.

2 तिमोति 2:16

देवुळतुन सीता केवा, उगस-उगसताङ पोल्‍लोङ वळ्ह्‌कवालोरगा अनमा. अद्रम वळ्ह्‌कवालोर देवुळतग्डाहि पका जेक आसोर दास्तोर.

तीतुस 1:9

येसुनाङ बळयिर काग़्हतद बेस्केन चुकवद कबुरतुन बेस-नेह्‌ना पोस मनवाल मनदना. अस्केन चुकवाङ पोल्‍लोन काग़्हचि, केंजवालोरिह्‌क दीरा ईया पग़यह्‌तोर, ओसो सेतेम पोल्‍लोतुन पास्कवालोर मन्कलोरिन सुद्रे कीया पग़यह्‌तोर.

तीतुस 3:9

मति उगसताङ पोल्‍लोने गिटोगटो आयनगा, जोला-जमाताङ लेकाङ-जोकाङ कीयनगा, यहुदिराङ अडोना लोप्पा जग्ळा-बोबा कीयनगा अनमा. अव पोल्‍लोङ उगसताङ, पाय्दालेवाङ आंदुङ.

तोहचीतव पोल्‍लोङ 3:3

मुने मीट बेद्रम देवुळता पोल्‍लोतुन केंजिसि, तान मीवा जीवातगा तासतिर, इदिन सीता कीस ऊळाट. सीता कीसि ताना लेह्‌का पिसाट. पापमता अग़दाहि मल्म्ह्‌टु. मीट उसरते मनवेक अचोन, कले वायना लेह्‌कान, नना मियगा दोम्ह्‌क्ने वायकन. नना बेद वेलाते वायकन, इदिन मीट मुर्तिय पुनविर आयकिर.