1 तिमोति 6:14 - माडिया गोंड पवित्र सास्त्रम

¹⁴ इतेके, नना नीक वेहतव पोल्‍लोन तपवालेवा, नियगा कसुर दिसवपु, केंजिस ताका. मावा येसुसामि किर्स्तु ओसो वानाह्‌जोम, केंजसोर मन.

1 तिमोति 6:14 Iomraidhean Croise

1 कुरिंततोर 1:8

तना ओसोवने वायनद दियाते, मीट बाताले कसुरलेवाह दिसना इन्जि, मावा येसुसामि किर्स्तु मीक आक्रि एवनाह, मेग़्किह कीस तासिह्‌तोग़.

इपिसुसतोर 5:27

मुर्तिय कसुरलेवा, बाताले कमिलेवा, बाताले डागिललेवा, पूरा पवित्रता सोबा अग़्के तनगा ततलाहि, तना जीवा ईतोग़.

पिलिपितोर 1:10

इद्रम आतेके, बेसताङ-बेसताङ पोल्‍लोङ बेव इनजोर पुनदा पग़यकिर. इद्रमलेह्‌का किर्स्तु वायनोग़ अस्के, मीट नेह्‌नोरिर ओसो कसुरलेवोरिर मनदकिर.

पिलिपितोर 1:6

देवुळि मियगा इद बेसतल कबळ कीयलाह सुरु कीता, अद कबळतुन कीसोरेन मनदग़ा. अद्रमे येसु किर्स्तु ओसो वायनद दिया एवनाह, तान मारिह कीयग़ाये, इद पोल्‍लोतगा नावा पूरा बर्वस मन्ह्‌ता.

पिलिपितोर 2:15

अस्के मीट कसुरलेवोरिर, लाग्वदिन पुनवोरिर, देवुळताङ पेकोरिर दिसकिर. तेल्वेरा ओसो करब बुदतोर मन्कलोरा नडुम मन्जि, पोग़ोटाङ उकाना लेह्‌का, ईकळते मांजवालोरिर दिसकिर.

कुलुसितोर 1:22

अद्रम मन्जाय मति, ताना मग़ि मन्कना मेंदुल अग़्के, बूमतगा वास मियेनाह्‌क डोलताह्‌कु, देवुळि मीक तना संगे कलियिह कीता. मीट ताना मुनेह नितस्के पवित्र मनदना, बाताले डागिललेवा मनदना, बाताले कसुरलेवा मनदना इनजोर, तना संगे कलियिह कीता.

कुलुसितोर 4:17

ओसो अरकिपुसिन इद्रम वेहाटु: “सामि नीवा कयदे ईतद सेवातुन मारिह कीमु,” इनजोर वेहाट.

1 तिसलुनितोर 5:23

सुकम ईयनद देवुळि मीक पूरा पवित्र कीयि; मीवा बुदतुन, मीवा जीवातुन, मीवा मेंदुलतुन पूरा राका कीयि; अस्के मावा येसुसामि किर्स्तु ओसो वायह्‌पा, मीट बेदे कसुरलेवा मनदकिर.

2 तिसलुनितोर 2:1

मावोर विस्वसिरिर! इंजेके मावा येसुसामि किर्स्तु ओसोवने वायनदिना लोप्पा, अहे माट ओनगा जमा आयनदिना लोप्पा, उंद पोल्‍लो वेहतह्‌नन:

2 तिसलुनितोर 2:8

ओग़ मायतस्केने, देवुळताङ अडोन पास्कवाल दिसनोग़. मति येसुसामि वातस्के, ओग़ अडोन पास्कवान तना ऊकुरते हव्कनोग़. येसुसामि वायनदिन ऊळिसिये, ओग़ लाग्वोग़ु बूळेम आयनोग़.

1 तिमोति 6:20

मन्कलोर देवुळतुन सीता केवा, लाग्वाङ-लाग्वाङ वेहतह्‌तोर. (माट काग़्हतद पोल्‍लोतुन विळ्सिस,) एत्लम पोल्‍लो काग़्हतह्‌तोर; ओसो अदिन निटम बुदता पोल्‍लो इन्ह्‌तोर. तिमोति, निमा ओरगा अनमा, मति देवुळि नीवा कयदे ईतद कबळतुन बेस-नेह्‌ना तासा.

2 तिमोति 4:1

देवुळि ओसो किर्स्तु येसु (ओग़े किर्स्तु उंद दिया तना राजेमतुन निल्पिह कीयलाह मल्स वायनोग़; अस्के हातोरा-पिसतोरा नेयम केवाल आयनोग़); वेरा अदिकरते नना नीक इद उकुम ईय्ह्‌नन:

तीतुस 2:13

माट इद्रम पिससोर, पका बेसता पोल्‍लोतुन आसा कीयलाह आतल इतेके: माक पिसिह केवाल बेरोग़ येसु किर्स्तु देवुळि, तना डीसाते बूमतगा वायनद दिसग़ा इनजोर, आसा कीयलाह आतल.

इब्रितोर 9:14

अह इतेके, किर्स्तुना नेतुर बेचोन वीळिस एडिह कीया पग़यह्‌ता! देवुळता अमेसा मनदनद जीवा, ओन तना जीवातुन देवुळतुह्‌क मुर्तिय डागिललेवद मोक ईयनाह कीता. मावा जीवातुन हामुरतके ओसीयनव लाग्वाङ कबस्कनाहि, ओना नेतुर एडिह कीस्ता. कीयनाह्‌कु, माट जीवात मनदनद देवुळतुन माळ पग़यह्‌नल.

इब्रितोर 9:28

अद्रमे किर्स्तु उंदिय मल्का, वेल्‍लाटोर मन्कलोरा पापमतुन ओयलाह, तना नेतुर पोहच डोलतोग़. ओग़ ओसोवने दिसनोग़; इद मल्का पापमतुन ओयलाह वावोग़, मति तनेनाह्‌क केपतोरिन, पूरा पिसिह कीयलाहि वायनोग़.

1 पत्रु 1:7

इव दुकह्‌कु मीवा विस्वसता पट ऊळिह्‌ताङ. बह इतेके वेल्‍ला दाराता बंगरि, किसतगा वाटिस जूत कीतेक तेला, आक्रिते बूळेम आस्ताये. मति मीवा विस्वस इंका बंगरतुह्‌काय एक्‍वा दाराता. अदिनेनाह्‌कु अदु मीवा विस्वस, किसलेह्‌काडा तिपलताहि दीराते पेसिस वाता इतेके, मीट असलतोरिर इन्जि, देवुळि मीकु वेल्‍ला कदर ईयग़ा. इद बेस्के आयग़ा इतेके, येसु किर्स्तु पूरा दुनियातोरिह्‌क दिससोरे वायनोग़, अस्केने.

2 पत्रु 2:21

इतेके, वेर देवुळता सेतेम अग़दुन पुनवा मन्ज मतेके, वेरिह्‌क बेस ओप्पिस मनालि. “नयु तना ककतदिने नाकलाह मलयह्‌ता, नोग़तद पदि मल्स चिक्‍लातगाने दोळ्गलाह दास्ता,” अद्रमलेह्‌काने आतोर; वेर देवुळ तोहतद अग़दुन पुन्ज मन्जि, अद पवित्र अग़दुन विळ्सिसि, (तमा पाळ्ना अग़दुने ओसोवने पोयतोर).

2 पत्रु 3:14

नावा गोततोरिर! इव पोल्‍लोङ आयनुङ इनजोर, मीट अग़ ऊळलाह आतिर. अग़ ऊळसोर, पापमता डागिललेवा, कसुरलेवा मन्जि, नावा संगे कलियिस मतोर इनजोर, देवुळ इनाह पिससोर मन्ह्‌टु.

2 पत्रु 3:2

वेल्‍लाय मुने, देवुळता पवित्र कबुरतोर तानाङ पोल्‍लोन वेहतोर; ओसो मावा पिसिह केवाल येसुसामि किर्स्तु ईतद उकुम, ओनाङ बळयिरा तोडटे मियगा वाता. इव मीट कग़यतव पोल्‍लोन सीता कीम्ह्‌टु इनजोर, नना वेहतलाह आतन.

1 योहन 3:2

ए गोततोरिर, इंजेके माट देवुळताङ पेकोरल मह्‌नल निटमे! मति पया वायना कालमते माट बेद्रमतोरल आयकल, इद पोल्‍लोतुन पुनवल. तेला मति माक इद पोल्‍लो एर्का मन्ह्‌ता इतेके, किर्स्तु देवुळदीपताहि बेस्के मल्स वायनोग़ अस्के, किर्स्तु बह मन्ह्‌तोग़, अद्रमे ओग़ माक दिसनोग़. दिसतस्के, माट वने ओना लेह्‌का आयकल.

यहुदाल 1:24

मीट पापमते अरवालेवा, मीक राका कीयलाहि देवुळि पग़यह्‌ता. मीक बेदे कसुरलेवा, पका गिर्दा आनाह कीसि, तना मिळ्स्कनद डीसाता मुनेह, निल्पिह कीया पग़यह्‌ता.

तोहचीतव पोल्‍लोङ 1:7

ऊळाट, ओग़ मोयुलते वायलाह आतोग़; सबेटोर ओन ऊळनुर. ओन मोल्‍लाङ कोटिस हव्कतोर इंका ऊळनुर. दुनियाताङ सबे जातिनोर, ओनेनाह्‌क अर्युल पासोर केयनुर. इंगो आमेन.