1 तिमोति 5:7 - माडिया गोंड पवित्र सास्त्रम

⁷ अदिनेनाह्‌क विस्वसिर बोन्के कसुर दिसवप मनदलाह, ओरिन उकुम ईम.

1 तिमोति 5:7 Iomraidhean Croise

पिलिपितोर 2:15

अस्के मीट कसुरलेवोरिर, लाग्वदिन पुनवोरिर, देवुळताङ पेकोरिर दिसकिर. तेल्वेरा ओसो करब बुदतोर मन्कलोरा नडुम मन्जि, पोग़ोटाङ उकाना लेह्‌का, ईकळते मांजवालोरिर दिसकिर.

1 तिमोति 1:3

इंजेके इपिसुस सहरते उय्तुर लोकुर जोल काग़्हवालोर मन्ह्‌तोर. ओरु जोला-जमाताङ लेकाङ-जोकाङ कीसि, लाट-लाट सास्त्रह्‌क पुटिह कीस वेहतह्‌तोर. अवटे जग्ळा-बोबाये पुटिह्‌ता. मति विस्वस कीतेकेने, देवुळताङ विचर्कु करल आयनुङ. अदिनेनाह्‌कु इपिसुस सहरताहि, मकिदुनिया पटटके दायलाह पेसतन अस्के, “तिमोति, निमा इगाने मन्जि, वेर जोल काग़्हवालोरिन रोमिह कीम,” इनजोर नीक वेहच मतन.

1 तिमोति 4:11

इव पोल्‍लोना उकुम ईस काग़्हा.

1 तिमोति 6:17

इद दुनियातोर मता मन्कलोरिन इद्रम उकुम ईम: ओर पोग़यसोर तिरियमाकिर. कोताङ नेंड मन्ह्‌ताङ, नाळि मनोङ. अदिनेनाह्‌क कोताना पोग़ोन आसा तासमाकिर, मति देवुळता पोग़ोन आसा तासिर. माट सुकमते मनदलाहि, अदे माक सबे मादुन आलिस पिसनाह ईस्ता.

2 तिमोति 4:1

देवुळि ओसो किर्स्तु येसु (ओग़े किर्स्तु उंद दिया तना राजेमतुन निल्पिह कीयलाह मल्स वायनोग़; अस्के हातोरा-पिसतोरा नेयम केवाल आयनोग़); वेरा अदिकरते नना नीक इद उकुम ईय्ह्‌नन:

तीतुस 1:13

ओग़ सेह्‌नाल वेहतद पोल्‍लो निटमे. अदिनेनाह्‌क यहुदिर वेहतनव उगसताङ पीटोन, सेतेमतुन पास्कवालोरा उकुमतुन केंजवा, सेतेम काग़्हमुळतुन पोस नमिर इनजोर, विस्वसिरिन तेर्हचोर मन!

तीतुस 2:15

अदिनेनाह्‌क तीतुस नना वेहतह्‌नन, इव सबे पोल्‍लोन विस्वसिरिन वेहचि, ओरिह्‌क दीरा ईम. पूरा अदिकरते कळक पोल्‍लोते वेहचोर मन. बोग़े नीक पास्कमाकेग़.