1 तिमोति 5:6 - माडिया गोंड पवित्र सास्त्रम

⁶ मति तमाय कुसितेनाह्‌क पिसनव रांडे आस्कु, जीवात मतेक वने, डोलतप लेह्‌कान मन्ह्‌ताङ.

1 तिमोति 5:6 Iomraidhean Croise

मत्याल 8:22

“आयो, निमा नावा संगे इंजेकेन वय. देवुळता जीवालेवोरु हातपे मन्ह्‌तोर, ओरे तमाङ हातोरिन पोहिर!” इन्जि येसु ओन इतोग़.

लूकाल 12:19

अगा पया नावा सबे अनमतुन ओसो मालसोमतुन तासिसि, नावा जीवातुन इनदकन, “अले जीवातिन, इंजेक नीवासाटि वेल्‍लाङे वर्साङ एवनाह तिनदलाह मालसोम, अनम-दनम मन्ह्‌ता. निमा पका तिनु, उनु, बेस गिर्दा-वेळ्काते मनु,” इनदकन’ इन्जि, ओग़ विचर कीतोग़.

लूकाल 15:13

पया वेल्‍ला दिया आयवाय मता, ओग़ उड्लोग़ मग़ि तना मालसोमतुन पूरा ओप्पे कीसि, लोतोरग्डाह एग़िस वेल्‍ला जेकता देसेमते अतोग़. अन्जि अगा तना मालसोमतुन बेदे कबळतुह्‌क अरवाहु, लाग्वाङ कबस्कने इके-अके उगसिन पोहतोग़.

लूकाल 15:24

वेग़ नावा मग़ि डोलिस मतोग़, इंजेक जीवा अरतोग़. लेसिस मतोग़, मति वेग़ दोर्कतोग़,’ इनजोर वेहतोग़. इद्रमलेह्‌का ओर गिर्दा कीयलाह बोटटोर.

लूकाल 15:32

मति वेग़ नीवा तमोग़ डोलिस मतोग़, इंजेक जीवा अरतोग़. लेसिस मतोग़, ओसोवने दोर्कतोग़. अदिनेनाह्‌क माट गिर्दा आयना गावले’ इतोग़,” इनजोर येसु इद्रम पीटो वेहच मारिह कीतोग़.

लूकाल 16:19

“ओसो उंद पोल्‍लो केंजाटु. ओर्वोग़ पका साव्कर मन्कल मतोग़. ओग़ डुंगा पंडलेह्‌काडा रंगताङ, पका दाराताङ गेंदेङ केग़्न्दोग़. ओसो दिनमे बेस सुकमते, गिर्दा-वेळ्काते ओसो बेरा गिजुरते मंदोग़.

लूकाल 7:25

बार रेसेम गेंदेङ उहतोग़ मन्कन ऊळलाह अन्जिया? केंजाटु, रेसेम गेंदेङ उहतोर मन्कलोर, सबे रीतिना मालसोम मनवालोर, पेळ्ह्‌कल बूमतगा मनोर, ओर राजमिदेनगा मन्ह्‌तोर.

इपिसुसतोर 2:1

मीट मुने देवुळताङ अडोनु बूळे कीसोर मतिर, ओसो पापम कीसोर मतिर. अदिनेनाह्‌क डोलतप लेह्‌का मतिर.

इपिसुसतोर 2:5

बह कीता इतेके, मावा पापमते माट डोलतोरा लेह्‌कान मतल, मति माक पूना पिसमुळ ईसि, किर्स्तुना संगे माक वने जीवा अर्हता. देवुळि दया कीताह्‌के, मीट पिसतिर.

इपिसुसतोर 5:14

बेव कबस्कनगा वेह्‌च दींचिह्‌ता, अव वने दींचिह्‌ताङ. अदिनेनाह्‌क इद्रम वेहतद मन्ह्‌ता: “ए पापमते उंजवानिन! तेदा! देवुळतग्डाहि एग़िसि, डोलतप लेह्‌का मनवानिन. इंजेके जीवा अर्मु! किर्स्तु तना वेह्‌चतुन नीवा पोग़ोन अर्हतनोग़” इनजोर वेहतद मन्ह्‌ता.

कुलुसितोर 2:13

मीट मुने पुन्जि कसुर्क कींदिर, मीट यहुदिर आयवाह्‌कु, देवुळता लोकुर आयवा मतिर, अदिनेनाह्‌क देवुळता मुनेह डोलतप मतिर. मति देवुळि मावाङ सबे कसुर्किन मापि कीता. ओसो माक सिक्सा आयना इन्जि, मावाङ कसुर्क तोहतनद सीटि मावा विरुद मता. मति अद सीटटुनु, देवुळि किर्स्तुना संगे हव्कनागुटातगा मोल्‍लाङ कोटटप लेह्‌का मायिह कीता. इद्रमलेह्‌का देवुळि माक कसुरलेवोर कीसि, किर्स्तुना संगे जीवा अर्हता.

2 तिमोति 3:6

वेरग्डाहि उच्वुर बह कीस्तोर: तेल्वलेवव, पका पापम कीताह्‌कु, जीवा चुहेम आयवव, दुस्राङ-दुस्राङ लाग्वाङ लालुस्कनगा सीता कीस मनदनव आस्कनाङ लोह्‌क-लोह्‌क तिरियिह्‌तोर, ओसो अव आस्किन तमाङ कय्कने कीस्तोर.

याकुब 5:5

मीट इद बूमतगा सबे रीतिनाङ विचर्क वातप ताकतिर. मति (बेद्रम नेंड नग़्का नाक अस्कनुर इन्जि, एर्रे पुनवा बेस मेयिह्‌ता, अद्रम) मीट वने देवुळ माक बूळे कीयलाह आता इनजोर पुनवा, गिर्दा-वेळ्काते मह्‌निर.

तोहचीतव पोल्‍लोङ 18:7

अद सहर तना इद्रम सीता कीयलाह आता: नना रानिना लेह्‌कान उदतन! नना रांडे आंचानन आयोन! नना बेस्केन दुकम आयोन आयकन इनजोर, सीता कीयलाह आता. अदिनेनाह्‌क अद बेचोन पोग़यिंदु, बेचोन विचर वातप सबे बेसता मादुन दोर्किह कींदु, अचोन तान्क सिक्सा ईम्ह्‌टु, दुकम ईम्ह्‌टु.

तोहचीतव पोल्‍लोङ 3:1

“सरदिस सहरता विस्वसिरा मुडा देवतुलतुह्‌क इद्रम रासा: देवुळतग्डाङ एळुङ जीवानु बूममेंड लोहवाल, एळुङ उकान पोयतोग़ु, मीट विस्वसिरिन इनदलाह आतोग़: मीट बेद्रम ताकलाह आतिर इनजोर, नना पुतन. मीवा विस्वस जीवात मन्ह्‌ता इनजोर, लोकुर इन्ह्‌तोर; मति निटम ऊळतेके, अद डोललाह आता.