Biblia Todo Logo
Bìoball air-loidhne

- Sanasan -




1 तिमोति 4:8 - माडिया गोंड पवित्र सास्त्रम

8 मेंदुलतुन बेस तासतेके, माक उचुने पाय्दा आस्ता, मति देवुळतुह्‌क विचर वानाह पिसतेके, सबे रीतिने पाय्दा आस्ता. बह इतेक, अद्रम मतेके इंजेके वने, पया वने, देवुळता पिसमुळ दोर्किह कीय्ह्‌नल इनजोर, बेस-नेह्‌ना पुन्ज मह्‌नल.

Faic an caibideil Dèan lethbhreac




1 तिमोति 4:8
52 Iomraidhean Croise  

अहे बोग़ माने-मन्कना नडुम पुटटोना अडम वळ्ह्‌किह्‌तोग़, ओन इंका देवुळि मापि कीया पग़यग़ा. मति देवुळता पवित्र जीवाताङ कबस्किन बोग़ उस्किह्‌तोग़, ओन देवुळ मापि केवो आयग़ा. इद कालमते आयि, वायना कालमते आयि, बेस्केन मापि केवो आयग़ा.


ओसो बोर नयेनाह्‌क तमा लोन-दुवरतुन, दादाल-तमोनु, एलाळ-बायिनु, तलोग़-तपेनु, पिलाङ-पेकोरिन, जागा-बूमतुन, कतम विळ्सिह्‌तोर, ओरिह्‌कु देवुळि लेकालेवा सम्सरम ईयग़ा, अचोने आयो मति ओसो अमेसाता पिसमुळ वने ईयग़ा.


देवुळि मीवा नडुमि राजेम कीयना इतेके, ताना सेतेमतुन मीट सबेटविह्‌क मुने, इदे मोदुल पोल्‍लो इन्जि पर्ह्‌काटु. अह पर्ह्‌कतिर इतेके, मीक बाताङ गावले मन्ह्‌ताङ, अव कतमे देवुळि मीक ईयग़ा.


ओन्क इद कालमते लेकालेवा सम्सरम ओसो एळ्म-दळ्मतोर दोर्कनुर. अहे नावा मन्कल आताह्‌कु, लोकुर ओन तिपल वने कीयनुर. मति वायना कालमते, ओन्क अमेसाता पिसमुळ वने दोर्कग़ा.


अदिनेनाह्‌क मिङतद अंगुर जोमातुन, पूना तोलाजोर्कातगान वळयना, पूना तोलाजोर्का आङतेके अग़वो आयग़ा.


देवुळि मुनेन विचर कीस तासतपु, बोन-बोन केयता, ओरे तान जीवा कीस्तोर. ओरिह्‌क बेवे आयिङ, देवुळि अव सबेटविना मेटे, ओरेनाह्‌क बेसताङे पोल्‍लोन पुटिह कीसीस्ता इनजोर, माट पुतल.


नना पोलुनन आयि, अपुलोस आयेग़, पत्रु आयेग़, माट मीवाय पाय्दातेनाह्‌क सेवा कीय्ह्‌नोम. मीवाय पाय्दातेनाह्‌क देवुळि दुनियाते मनदनविन पंडटा. मीवा जीवात मनदनदु, मीवा हामुरि, नेंड आयनव पोल्‍लोङ, नाळ आयनव पोल्‍लोङ, कतमतविन देवुळि मीके तना बर्कत दोर्कनाह कीस्ता.


इंजेके तिनदनद तिंडि माक देवुळतुह्‌क ओप्पनाह केवो इनजोर पुन्ह्‌टु. माट अदिन नोमतेके, बाताले नुस्कन आयो, ओसो नोमवेक वने बाताले पाय्दा आयो.


सेळोस्क वेहतनव पीटोना लेह्‌काडाङ, देवुळतुन सीता केवव पोल्‍लोनु, ओसो बुदलेवव पोल्‍लोन केंजमा. मति निमा देवुळतुह्‌क विचर वानाह पिसलाह, कग़यसोर मनु.


इंजेके बोग़ाय माट काग़्हतव पोल्‍लोन विळ्सिसि, दुस्राङ पोल्‍लोङ काग़्हतह्‌तोग़, मावा येसुसामि किर्स्तुनाङ सेतेम पोल्‍लोन केंजोग़ आस्तोग़, अमेसा देवुळतुह्‌क विचर वानाह, पिसिह कीयनव सेतेम पोल्‍लोन वने केंजोग़ आस्तोग़;


इद्रमतोर लाग्वा बुदतोर आंदुर, ओसो सेतेम पोल्‍लोताहि जेक आतोर, रोमवालेवा जग्ळम आसोर मन्ह्‌तोर. इद्रमतोर देवुळतुन माळिसि, पका कोताङ कमय कीसि माक पाय्दा आस्ता इनजोर, विचर कीस्तोर.


मति मतेकाय, लेवेकाय, सुकमते मनदनदे बेसु. अह मन्जि, देवुळतुह्‌क विचर वानाह ताकतेकेने, बेरा पाय्दा दोर्किह्‌ता.


वेर अमेसा देवुळतुन सेवा कीतप लेह्‌का, सोङ कीयनुर; मति ताना लावतुन निटम मानेम आयोर आयनुर. तिमोति, निमा इद्रमतोर मन्कलोरग्डाह जेक मन.


इंजेके नना रासतन अव पोल्‍लोङ जोलताङ आयोङ. नना नीक वेहतह्‌नन, इव मोदुल पोल्‍लोङ इन्जि, इविस्किन तेळियिह कीसोर मन. अस्के देवुळतुन विस्वस कीतोरु, बेसताङ कबस्क कीयना सीतातेन मनदनुर. नना वेहतव पोल्‍लोङ सबेट्काय बेसताङ, ओसो मन्कलोरिह्‌क पाय्दाताङ पोल्‍लोङ आंदुङ.


अदिह्‌क बोग़ाय वासि, मीट पुनवव, पूनाङ पोल्‍लोङ काग़्हचि, मीक देवुळता सेतेम पोल्‍लोताहि लेसिह कीयलाह एमाटु. इव तिनदनव, इव तिनवव इनजोर मन्कलोर वेहतनव अडोन केंजताह्‌क आयो; मति देवुळि मीक दया कीताह्‌कु, मीवा जीवा मेग़्कनद बेसु. अद्रमताङ अडोन केंजिसि ताकवालोरिह्‌क बातालाय दोर्कताया? बाताले दोर्को!


येसु माक अमेसाता पिसमुळ ईकन इनजोर, पोल्‍लो विळ्सतोग़.


बोर बोर लाग्वाङ पोल्‍लोन गेल्सनुर, ओरिन नावा देवुळता मंदिरतगा, रायि मुंडाता लेह्‌कान निल्पिह कीकन. बोग़े ओरिन अग्डाहि जर्गिह केवोग़ आयनोग़. ओरा पोग़ोन नावा देवुळता पेदिरतुन रासकन. अहे ओर नावा देवुळता सहरतोर आयनुर; अद सहर इतेके, नावा देवुळता जागातग्डाहि रेगनदु पूना येरुसलेम. ओसो नावाय पूना पेदिरतुन वने ओरा पोग़ोन रासकन.


बोर बोर लाग्वाङ पोल्‍लोन गेल्सनुर, ओरिनु नना नावा संगे राजेम ताकिह कीयलाह अदिकर ईकन. बेद्रम नना लाग्वाङ पोल्‍लोन गेल्सिसि, नावा बाबाल उदिस ताकिह कीयनद राजकुर्सतगा ओना संगे उदतन, अद्रम ओरिन उदिह कीकन.


Lean sinn:

Sanasan


Sanasan