1 तिमोति 4:15 - माडिया गोंड पवित्र सास्त्रम

¹⁵ इवे पोल्‍लोन सीता कीसोर मन. इवे पोल्‍लोङ वेहतप ताका. अस्के निमा विस्वसते बेर्ससोर दायनद सबेटोर मन्कलोरिह्‌क दिसग़ा.

1 तिमोति 4:15 Iomraidhean Croise

मत्याल 5:16

इद्रमलेह्‌का मीवाङ सेतेम कबस्क लोकुरा मुनेह वेह्‌चलेह्‌का दिसिङ. अस्के ओर अव कबस्किन ऊळिसि, देवुळदीपते मनवाल मीवा बाबान मान ईयनुर.

बळयिर 6:4

मति माट बळयिरोम इतेके, पार्तना कीयनद ओसो देवुळता पोल्‍लोतुन पोकुर कीयनदे सेवाते मनदकोम,” इनजोर इतोर.

1 कुरिंततोर 16:15

मावोर विस्वसिरिर! मीवा अकाया पटटे, मुनेतोर विस्वसिर इतेके इस्तिपनासना लोतोर विस्वस कीतोर, ओर देवुळता मन्कलोरा सेवा कीयनद कबळतेने मन्ह्‌तोर इनजोर पुतिर. ओरा लेह्‌काडोर मन्कलोरा पोल्‍लोतुन केंजिसि मन्ह्‌टु इनजोर, नना मीक अर्जि कीय्ह्‌नन. अहे ओसो सामिना कबळते तोळ आसि, कह्‌टेम केवालोर सबेटोर मन्कलोरा पोल्‍लोतुन केंजिस मन्ह्‌टु.

2 कुरिंततोर 4:14

येसुसामि डोलतस्के, देवुळि ओन ओसोवने जीवा अर्हता इनजोर, माट पुह्‌नल. माट येसुना संगे जोळेम आताह्‌कु, माक वने जीवा अर्हतग़ा, ओसो मीवा संगे माक वने तना मुनेह निल्पिह कीयग़ा इनजोर पुतोम.(पुन्जि माकु वळ्ह्‌कलाह दीरा दोर्किह्‌ता.)

2 कुरिंततोर 8:5

माट बेद्रम विचर कीस मतोम, तान्काय एक्‍वा ओर कीतोर. इतेके माट सामिनेनाह्‌के पिसकोम इन्जि, मुनेन करल कीस मतोर. पया देवुळता विचर मतप, मावा पोल्‍लो केंजलाह वने, तयर आतोर.

1 तिमोति 4:14

विस्वसिराङ मुक्यालोर नीवा पोग़ोन तमाङ कय्क तासतोर, अह कीसि देवुळि इतद पोल्‍लो वेहचि, नीक ताना कबळतेनाह्‌क निल्पिह कीतोर. अस्के देवुळता जीवाते नीक दोर्कतद बुदतुन माग़्ङमा.

1 तिमोति 4:16

निमा बह पिसिह्‌निन, बेव पोल्‍लोङ काग़्हतह्‌निन, इदिन सीतात तासा. अस्के नीकु ओसो नीवाङ केंजवालोरिन वने, पिसिह कीया पग़यकिन.

1 तिमोति 4:6

नना वेहतव इव पोल्‍लोङ विस्वसिरिन काग़्हा. निमा विस्वसताङ पोल्‍लोनु, ओसो इचानाह केंजसोर वातिन अव बेसताङ पोल्‍लोन कग़यिसि, विस्वसते बेर्सतिन. बेर्सताह्‌कु किर्स्तु येसुना बेसतोग़ सेवक आयकिन.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.