1 तिमोति 4:12 - माडिया गोंड पवित्र सास्त्रम

¹² निमा लेयोनिन इनजोर, बोग़े नीक पास्कमाकेग़. मति निमा बेद्रम वळ्ह्‌किह्‌निन, बेद्रम देवुळतुह्‌क विचर वातप ताकिह्‌निन, बेद्रम जीवा कीय्ह्‌निन, बेद्रम विस्वस कीय्ह्‌निन, विस्वसिर इविन ऊळिसि, बेस कग़यिर.

1 तिमोति 4:12 Iomraidhean Croise

मत्याल 18:10

“उसरते मन्ह्‌ट, नाक नमवालोर उड्लोरिनु बोने बार मीट पोहचीतप ऊळमाटु. बाराह्‌क इतेके वेरिन ऊळनव देवतुल्कु देवुळदीपते मन्ह्‌ताङ, अविस्किह्‌क अमेसा नावा बाबाना मुनेह अन्जि वेहतलाह अदिकर मन्ह्‌ता, इदिन मीट सीताते तासाटु.

1 कुरिंततोर 11:1

नना किर्स्तु ताकतद अग़दे ताकिह्‌नन. अद्रमलेह्‌का मीट वने नना ताकनद अग़दे ताकाटु.

पिलिपितोर 4:8

मावोरिर! इद उंद पोल्‍लो पिसता, बेव पोल्‍लोङ बेस-नेह्‌ना, असलताङ मन्ह्‌ताङ, अवे पोल्‍लोने सीता कीसोर मन्ह्‌टु: इतेके बर्वस लायकताङ पोल्‍लोङ, मानेम आयना लेह्‌काडाङ पोल्‍लोङ, सेतेमताङ पोल्‍लोङ, पवित्र पोल्‍लोङ, गिर्दाताङ पोल्‍लोङ, बेस विचर वायनव पोल्‍लोङ, इविस्किने सीता कीसोर मन्ह्‌टु.

1 तिसलुनितोर 1:6

मीट वने येसुन विस्वस कीताह्‌कु, पकाय तिपलते अरतिर. तेला मति देवुळता जीवा, मीक ईतद गिर्दाते, बेसता कबुरतुन नमतिर. अचोन तिपलते वने, बेसता कबुरतुन नमताह्‌कु, मावा लेह्‌का ओसो सामिना लेह्‌का ताकलाह आतिर.

1 तिसलुनितोर 2:10

मीट विस्वसिरिर पुतप लेह्‌का, माट मीवा संगे मनदह्‌पा, मावा ताकमुळ पवित्र, सेतेमता ओसो कसुरलेवा मता, इदिना मीट साक्सि मह्‌निर, ओसो देवुळ वने साक्सि मन्ह्‌ता.

1 तिमोति 1:14

ओसो बल्क अरतपु, ओग़ नाक देय्वा ईतोग़, अह आसि इंजेक नावा ओनगा विस्वस मन्ह्‌ता, ओनग्डाहि जीवा कीयनद बुद वाता.

2 तिमोति 2:15

निमा इद्रम मन: देवुळि नीक ऊळिस बेस गिर्दा आनाह मनदलाह, अद्रम मन. बेस-नेह्‌ना कबळ कीतेके, लजा अरनाह आयो. निमा देवुळता सेतेम पोल्‍लोतुन तपवालेवा काग़्हचि, बेस-नेह्‌ना कबळ केवाल मन्कना लेह्‌कान मन.

2 तिमोति 2:22

अदिनेनाह्‌क तिमोति, लेयोर मन्कलोरगा मनदनव लालुस्कनाहि जेक विता. बेसता विचरते सामिना पेदिरतुन केयवालोरा संगे मन्जि, सेतेमते पिसलाह, सामिन विस्वस कीस पिसलाह, जीवा कीसोर मनदलाह, ओर्विह्‌क-ओर्वोग़ कलियिस मनदलाह पर्ह्‌का.

2 तिमोति 2:7

नना वेहतह्‌नन अव पोल्‍लोना लोप्पा सीता कीम, देवुळि सबे पोल्‍लोने नीक तेल्व ईयग़ा.

तीतुस 2:15

अदिनेनाह्‌क तीतुस नना वेहतह्‌नन, इव सबे पोल्‍लोन विस्वसिरिन वेहचि, ओरिह्‌क दीरा ईम. पूरा अदिकरते कळक पोल्‍लोते वेहचोर मन. बोग़े नीक पास्कमाकेग़.

तीतुस 2:7

सबे पोल्‍लोने मन्कलोर नीक ऊळिस कग़यना लेह्‌का, निमाये बेसताङ कबस्क कीस तोहा. मावा लोप्पा बेदे लाग्वा पोल्‍लो वळ्ह्‌क पग़वाह, नीक विरुद केवालोर मन्कलोरिह्‌क लजा वायना लेह्‌का, जोल इनजोर वेहता पग़वपे, निमा सेतेमते काग़्हा. मन्कलोर नीवा पोल्‍लोतुन केंजना लेह्‌का बेस काग़्हा.

याकुब 3:13

ओसो बोग़ मीवा नडुम बुदतोग़ु, तेल्वतोग़ मतेके, ओग़ उड्ला बुदते ताकसोरे, तना बुदताङ कबस्क कीस तोहेग़.

याकुब 3:17

मति देवुळतग्डा बुद मनवाल, देवुळतगान पूरा सीता तासिह्‌तोग़, दुस्रोरा संगे गूनमते मन्ह्‌तोग़, कुलुल बुदते ताकिह्‌तोग़, दुस्रोरा पोल्‍लो केंजिह्‌तोग़, जीवा लोपिह्‌तोग़, अमेसा बेसताङ कबस्क कीस्तोग़, उड्लोग़-बेरोग़ इद्रम इनोग़, ओसो सोङ केवाल आयोग़.

1 पत्रु 5:3

मीट ऊळेवाळे कीयना इन्जि, देवुळि ईतोर लोकुरा पोग़ोन पका अदिकर ताकिह केवा, ओरिह्‌क अग़ तोहवानलेह्‌का मन्ह्‌टु.