1 तिमोति 1:3 - माडिया गोंड पवित्र सास्त्रम

^3-4 इंजेके इपिसुस सहरते उय्तुर लोकुर जोल काग़्हवालोर मन्ह्‌तोर. ओरु जोला-जमाताङ लेकाङ-जोकाङ कीसि, लाट-लाट सास्त्रह्‌क पुटिह कीस वेहतह्‌तोर. अवटे जग्ळा-बोबाये पुटिह्‌ता. मति विस्वस कीतेकेने, देवुळताङ विचर्कु करल आयनुङ. अदिनेनाह्‌कु इपिसुस सहरताहि, मकिदुनिया पटटके दायलाह पेसतन अस्के, “तिमोति, निमा इगाने मन्जि, वेर जोल काग़्हवालोरिन रोमिह कीम,” इनजोर नीक वेहच मतन.

1 तिमोति 1:3 Iomraidhean Croise

बळयिर 18:19

उदिसि आसिया पटटा इपिसुस सहरते रेगतोर. रेगतापया ओर आळ इर्वुर उंद अग़दे अतोर. पोलु बार देवुळता पार्तनाता लोन अतोग़, अन्जि यहुदिरिह्‌क येसुनाङ पोल्‍लोङ वेहतोग़.

बळयिर 18:21

“देवुळता विचर मतेके, नना ओसो मियगा वायकन” इनजोर वेहचि, इपिसुस सहरताहि (केसरिया सहरते दायलाह,) ओडातगा उदतोग़.

रोम सहरतोर 15:26

येरुसलेमते मनवालोर मावा ऐंगेटोर गरिब विस्वसिर तिपलते मन्ह्‌तोर इन्जि, मकिदुनिया पटटोर ओसो अकाया पटटोर यहुदि आयवोर विस्वसिर, ओरेनाह्‌क कोताङ अर्हचि लोहचीयना इनजोर, विचर कीतोर. इवे कोताङ एव्सिह कीयलाहि, नना इंजेके दायलाह आतन.

रोम सहरतोर 16:17

इंजेके, मावोरिर! इद उंद पोल्‍लोतुन अर्जि कीस वेहतलाह आतन. उय्तुर मन्कलोर मन्ह्‌तोर, ओरु मीट कग़यतव पोल्‍लोन नमवा, दुस्राङे पोल्‍लोन काग़्हचि, विस्वसिरा मुडोरगा कोंटेङ पुटिह कीस्तोर. ओसो बोर-बोरिन विस्वसतुन विळ्सनाह कीस्तोर. अदिह्‌क मीट उसरते मन्ह्‌टु, ओरग्डाहि जेक मन्ह्‌टु.

2 कुरिंततोर 11:4

अद बह इतेके, माट मीक येसुना पोल्‍लोतुन पोकुर कीतोम, मति पूनोर मन्कलोर वासि, माट वेहतदिन विळ्सिसि, ओना लोप्पा दुस्राङ पोल्‍लोन पोकुर कीयह्‌पा, बेस केंजतिर! मीट मुने देवुळता जीवातुन दोर्किह कीतिर, मति ओर दुस्रा जीवाता पोल्‍लोतुन वेहनेके, मीट अदे पोल्‍लोतुन नमतिर. माट मीक वेहतद बेसता कबुरतुन विळ्सिसि, ओर वेहतद दुस्रा कबुरतुन बेस केंजतिर! अदिनेनाह्‌क मीट लेसतिरा बहु इनजोर रेयतन.

इपिसुसतोर 4:14

अदिनेनाह्‌क वायनव दियाने, माटु उड्लोरा लेह्‌का मनवल. बोळ्से मन्कलोर तमा सत्रल बुदते, माक लेसिह कीयनदायो. ओर काग़्हतव दुस्राङ-दुस्राङ पोल्‍लोन केंजिसि, वळ्यु इके-अके तिर्हतनद ओडाता लेह्‌का माट आयनदायो.

पिलिपितोर 2:24

मति नाक मियगा वायलाह चट्पिटे अग़ दोर्कग़ा इनजोर, सामिना पोग़ोन नना आसा तासतन.

1 तिमोति 4:11

इव पोल्‍लोना उकुम ईस काग़्हा.

1 तिमोति 4:6

नना वेहतव इव पोल्‍लोङ विस्वसिरिन काग़्हा. निमा विस्वसताङ पोल्‍लोनु, ओसो इचानाह केंजसोर वातिन अव बेसताङ पोल्‍लोन कग़यिसि, विस्वसते बेर्सतिन. बेर्सताह्‌कु किर्स्तु येसुना बेसतोग़ सेवक आयकिन.

1 तिमोति 5:7

अदिनेनाह्‌क विस्वसिर बोन्के कसुर दिसवप मनदलाह, ओरिन उकुम ईम.

1 तिमोति 6:17

इद दुनियातोर मता मन्कलोरिन इद्रम उकुम ईम: ओर पोग़यसोर तिरियमाकिर. कोताङ नेंड मन्ह्‌ताङ, नाळि मनोङ. अदिनेनाह्‌क कोताना पोग़ोन आसा तासमाकिर, मति देवुळता पोग़ोन आसा तासिर. माट सुकमते मनदलाहि, अदे माक सबे मादुन आलिस पिसनाह ईस्ता.

1 तिमोति 6:3

इंजेके बोग़ाय माट काग़्हतव पोल्‍लोन विळ्सिसि, दुस्राङ पोल्‍लोङ काग़्हतह्‌तोग़, मावा येसुसामि किर्स्तुनाङ सेतेम पोल्‍लोन केंजोग़ आस्तोग़, अमेसा देवुळतुह्‌क विचर वानाह, पिसिह कीयनव सेतेम पोल्‍लोन वने केंजोग़ आस्तोग़;

2 तिमोति 1:18

तना नेयम कीयनद दियाते, सामिनाहि ओन्क दया दोर्कि. नना इपिसुस सहरते मतस्के वने, ओग़ नाक बेद-बेद सेवा कीसीतोग़, इदिन निमा बेस-नेह्‌ना पुतिन.

2 योहन 1:7

लोकुरिन नाळेह कीस लेसिह केवालोर वेल्‍लाटोर, दुनियाते पेसतोर. येसु किर्स्तु मन्कल मारियिस इद बूमते वावोग़ इनजोर, ओर वेहतलाह आतोर. इद्रम वेहवालोरे लेसिह केवालोरु, ओसो किर्स्तुना विरुदतोर आंदुर.

तोहचीतव पोल्‍लोङ 2:14

मति उचुक पोल्‍लोना लोप्पा नना मीवा अडम मह्‌नन, अद इद्रमि: वेल्‍लाय मुने बलामि पेदिरतोग़ गूनयाल, मोवब इनदनद देसेमतोग़ बलाकि इनवाल राजान इद्रम काग़्हतोग़: ‘निमा अन्जि, इस्रयेल मन्कलोरिन एग़्किह कीयलाह, ओरिन पेन-बोमानेनाह्‌क मोळ्कतविन तिनाह, ओसो साट्याल कबळ कीयनाह कीम,’ इनजोर काग़्हच मतोग़. इंजेके मीवा मुडोर उच्वुर मन्कलोर, बलामि काग़्हतप लेह्‌कान कीस्तोर. इद पोल्‍लो नाक विचर वावो.

तोहचीतव पोल्‍लोङ 2:20

मति उंद पोल्‍लो नाक विचर वावो: मीवा मुडगा इजेबेलना लेह्‌काडा आंचाळि, नना देवुळता कबुर वेहतनदिनन इनजोर, नाळेह कीस्ता; ओसो नाक माळवालोरिन साट्याल कबळ कीयलाह, पेन-बोमानेनाह्‌क मोळ्कतविन तिनदलाह काग़्हचि लेसिह कीस्ता. मीट तान लेसिह कीयलाह ईय्ह्‌निर. इद नाक विचर वावो.