1 तिमोति 1:18 - माडिया गोंड पवित्र सास्त्रम

¹⁸ इंजेके तिमोति नावा पेकानिन, पोग़ोन रासतद बेद जबब्दर नीक ईतन, अद पूना पोल्‍लो आयो. इतेके मुने देवुळता कबुरतोर नीवा लोप्पा बाताङ बाताङ वेहतोर, अहलेह्‌काने नना नीकु इव पोल्‍लोङ वेहतह्‌नन. इव पोल्‍लोनु सीता कीतेके, निमा जोल काग़्हमुळतुनु विरुद कीसोर मनदा पग़यकिन.

1 तिमोति 1:18 Iomraidhean Croise

बळयिर 16:1

पया पोलु, (सीलास, गलाति पटटा) दिरबे ओसो लुस्त्रा, इव सहर्कने अतोर. लुस्त्रा सहरतगा तिमोति पेदिरतोग़ ओर्वोग़ विस्वसि मतोग़, ओना तपे युनानि जाततोग़ु, मति तलोग़ि यहुदि आंचाळ आंदु, अद विस्वस वने कींदु.

1 कुरिंततोर 4:17

इदे पोल्‍लोतेनाह्‌क नना तिमोतिन मियगा लोहतन. ओग़ नावा जीवा कीतोग़ मग़ना लेह्‌कान आतोग़. ओग़ किर्स्तुना सेवाते, मुर्तिय नाळेह केवोग़. किर्स्तुना अग़दे नना बेद्रम ताकलाह आतन इनजोर, ओग़ मीक सीता अर्हचीयनोग़. नना सबे जागाने, सबेटोर विस्वसिरा मुडोरगा वने, अवे पोल्‍लोन काग़्हतह्‌नन.

1 कुरिंततोर 9:7

सीपय कबळ केवाल मन्कल, तनाङे कोताङ कर्सा कीसि, अद कबळ कीस्तोग़ा? लका ओग़्सतोग़ु, अग्डाङ पंडिङ तिनवा मनदनोग़ा? कोंदाङ-एर्रेङ अय केवाल, अविस्कना पाल उनवा मनदनोग़ा?

पिलिपितोर 2:22

मति तिमोति अद्रमतोग़ आयोग़. ओग़ सेतेम बुदतोग़ आंदोग़, इदिन मीट इतेके पुतिरे. मग़ि तपेना सेवा कीतप लेह्‌का, किर्स्तुना बेसता कबुरतुन पोकुर कीयलाह, नावा संगे कबळ कीतोग़.

1 तिमोति 1:2

तिमोति, नीके नना इद सीटि रासिह्‌नन. विस्वसताङ पोल्‍लोन निमा नयग्डाहि कग़यसोर वातिन इन्जि, निमा नावाये मग़ना लेह्‌काडोनिन. मावा देवुळबाबाल ओसो मावा येसुसामि किर्स्तु, नीकु देय्वा ईयिर, जीवा लोपिर, अह आसि निमा सुकमते पिसा.

1 तिमोति 1:5

ओरिन बाराह्‌कु रोमिह कीयलाह वेहतन इतेके, अगा विस्वसिर जग्ळा-बोबा केवालेवा, गूनमते मनदना गावले. गूनमते मनदना इन्जि, बेसताङ विचर्कु, नेह्‌ना-लाग्वा पुन्जि ताकनद बुदि, ओसो देवुळतगा सेतेमता विस्वस मनदना गावले.

1 तिमोति 4:14

विस्वसिराङ मुक्यालोर नीवा पोग़ोन तमाङ कय्क तासतोर, अह कीसि देवुळि इतद पोल्‍लो वेहचि, नीक ताना कबळतेनाह्‌क निल्पिह कीतोर. अस्के देवुळता जीवाते नीक दोर्कतद बुदतुन माग़्ङमा.

1 तिमोति 4:4

बह इतेके, नना पुटिह कीतव कतमे बेस मन्ह्‌ताङ इन्जि, देवुळ इन्ह्‌ता. (इवु देवुळता कयदाहि वाताङ इन्जि,) माट तान जोहर कीसि अविस्किन तिनदना,(अस्के माट कळ्‍वोग़आयवल). अदिह्‌क बेदाय तिंडटुन पोलो इनदनद आयो.

1 तिमोति 6:20

मन्कलोर देवुळतुन सीता केवा, लाग्वाङ-लाग्वाङ वेहतह्‌तोर. (माट काग़्हतद पोल्‍लोतुन विळ्सिस,) एत्लम पोल्‍लो काग़्हतह्‌तोर; ओसो अदिन निटम बुदता पोल्‍लो इन्ह्‌तोर. तिमोति, निमा ओरगा अनमा, मति देवुळि नीवा कयदे ईतद कबळतुन बेस-नेह्‌ना तासा.

2 तिमोति 4:7

(ओर्विह्‌क-ओर्वोग़ लळेम आयवालोर, पूरा लाव कीस लळेम आयना लेह्‌कान,) नना पूरा लाव कीसि, बेचोको तिपल्कना नडुम, नावा सेवातुन विळ्सोन. (कग़्सवाल मन्कल जेक वितिसि, सीनातगा एवयना लेह्‌कान,) देवुळ नाक ईतद कबळतुन नना मारिह कीतन. देवुळ नावा पोग़ोन बर्वस तासतपु, नना सेतेमते ताकतन, (बेस्केन पेग़्के अरवोन).

पिलेमोन 1:10

(नीवा वित वातोग़ ओर्युलतोग़) उनेसिमुसना लोप्पा, नीक अर्जि कीयलाह आतन; ओग़ नावा मग़ना लेह्‌का आतोग़. नना इगा जेलते मनदह्‌पा, ओग़ विस्वस कीताह्‌कु, नना ओना तपेना लेह्‌का आतन.