1 तिमोति 1:13 - माडिया गोंड पवित्र सास्त्रम

¹³ ननान कोनि मुने येसुन उस्किस-पास्किस वळ्ह्‌कतोनन, येसुनोरिनु तिपल कीतोनन, पका मोर्दोप मन्कनन मतन. तेला मति, पुनवालेवा ओग़ इद्रमताङ कबस्क कीस्तोग़, इंकातेला ओग़ नाक नमोग़ इन्जि, किर्स्तु येसुसामि नाक दया कीतोग़.

1 तिमोति 1:13 Iomraidhean Croise

लूकाल 12:47

“अदिनेनाह्‌क बोग़ मेटिह्‌क तना माल्काल वेहतद कबळ पूरा एर्का मन्जि तेला, ओग़ मुर्तिय तयरते मनोग़, ओसो तना माल्काना विचरता लेह्‌का, ओग़ कबळ वने केवोग़ इतेक, ओग़ मन्कह्‌कु पका देबाङ अरयनुङ.

लूकाल 23:34

अस्के “ए बाबा! वेर नाक हव्कवालोर लोकुर बाताल कीस्तोर, अदिन पुनोर, वेरिन मापि कीमु!” इनजोर देवुळतुन येसु पार्तना कीतोग़. पया सीपय्कु सीटिङ वाटिसि, येसुनाङ गेंदेङ तूसतोर.

बळयिर 22:4

अदिह्‌क येसुसामिना अग़दे ताकवालोर आस्क-कोय्तोरिन दोहच, जेलतगा वाटिंदन. ओरिन हव्कनाह तिपल कीसोर मतन.

बळयिर 3:17

“मावोरिर! मीटु, मीवा मुक्यालोर बार कलियिस, (येसुन हव्कनाह कीतिर. मति ओग़ बोग़ आंदोग़ इनजोर) पुनवालेवा अह कीतिर, इद नाक एर्काये.

बळयिर 8:3

अद तूकने सोलु बाताल कींदोग़ इतेके, विस्वसिरा मुडुन बूळे कीयलाहि, लोह्‌क-लोह्‌क ओळियिसि, विस्वस केवालोर आस्क-कोय्तोरिन पोसि, जेलतगा वाट वेहन्दोग़.

बळयिर 9:1

इद्रम आनेके, सोलु येसुना विस्वसिरिन हव्किह्‌नन इनजोर, रेय्‍पिह कींदोग़. रेय्‍पिह कीसोर, उंद दिया मोदुल पेर्मानगा अन्जि, इद्रम इतोग़:

बळयिर 9:13

इतस्के अनन्याल इतोग़, “अलो सामि, ओग़ मन्कल येरुसलेम सहरतगा बेद्रम नीवा मन्कलोरिन पकाय तिपल कीतोग़ इनजोर, वेल्‍लाटोर लोकुर नाक वेहतोर.

बळयिर 9:5

अस्के सोलु इतोग़, “सामि, निमा बोनिन आंदिन?” इतस्के, येसु इतोग़, “निमा बोन तिपल कीयलाह आतिन, ओग़े येसुनन आंदन.

1 कुरिंततोर 15:9

बाराह्‌क इतेके, मुने देवुळता मुडुन नल्हतना-कोह्‌कना कीसोर मतन. अदिनेनाह्‌क बोग़े नाक किर्स्तुना बळयि इनदना लायक इलोन. नना किर्स्तुनाङ बळयिरग्डाह सबेट्क उड्लोनन इनजोर पुतन.

1 कुरिंततोर 7:25

कुव्रा मनवालोरा पोल्‍लोतुन ताल्ह्‌किस मतिर, तान रासकन: इद पोल्‍लोता लोप्पा, नाक सामि ईतद उकुम दोर्को. मति सामि नाक दया कीताह्‌कु, नना वेहतनद पोल्‍लो केंजना लायकता आंदु.

गलातितोर 1:13

(नाकु मन्कनग्डाहि इद बेसता कबुर दोर्को, मति किर्स्तुनग्डाहे दोर्कता इतेके,) यहुदि जाततोरगा नावा मुनेटा मनमुळता लोप्पा मीट केंजिस मतिर. नना अस्के देवुळता मुडुन पकाय कुळ्सा अंदन. ओरिन बूळे कीयलाह ओरा पेग़्के दल्गिस मंदन. मावा यहुदि रीतरिवजतुन माळलाहि, नावा ऐंगेटोरिह्‌काय वीळिस बेचोनो मुनेह मंदन. इतेके नावाङ मुनेतोर तादोर-बाबोर काग़्हतनाङ उतुर्क कग़यलाहि, नावा पकाय जिदि मंदु, इदिन मीट पुतिर.

पिलिपितोर 3:6

अडोङ नोमलाहि नना इचोन जिदतोनन मतन इतेके, विस्वसिरा मुडुन तिपल कीसोर मंदन. अहे बोर अडोङ नोमिसि सेतेमतोर आयलाह ऊळिंदुर, ओर नावा बेदे तप तोहता पग़वोर.

1 तिमोति 1:16

मति अदिनेनाह्‌के येसुसामि नाक दया कीतोग़. नना पापि लोकुरग्डाह मुक्यानन मन्ज तेला, नावा पापमताहि नना मल्स वायलाह, येसु किर्स्तु वेल्‍लाजोमताह केपसोर मतोग़. पया नयिद्रमतोर पापि लोकुरिन इंका, येसुसामि मापि कीस्तोग़, तान ऊळिसि दुस्रोर वने ओन नमलाह आयनुर. नमिसि ओरिह्‌क ओना संगे अमेसाता पिसमुळ दोर्कसोर दायग़ा, इद्रम येसुसामिना विचर मता. अदिनेनाह्‌क नाक इंका ओग़ गूनम तोहतोग़.

इब्रितोर 4:16

माक बेस्के गर्ज अरयह्‌ता, अस्के देवुळ माक ऊळिस जीवा लोपि, दया कीस तोळ ईयि इनजोर, दया कीयनद देवुळता एरे, माट दीरा पोस दाकल.

1 पत्रु 2:10

देवुळता कबुरतोग़ ओर्वोग़, मुने मीवा लोप्पा इह रासतोग़: मुने मीटु बोनाय लोकुरिर आयविर, मति इंजेके मीटु देवुळता लोकुरिर आतिर. मुने मीटु देवुळता गूनमतुन पुनविर, मति इंजेक मीटु देवुळता गूनमतुन पुतिर.