1 तिसलुनितोर 5:4 - माडिया गोंड पवित्र सास्त्रम

⁴ मति मावोर विस्वसिरिर, मीट ईकळते मतप, देवुळतुन पुनवोरा लेह्‌का मनविर. अदिनेनाह्‌क कले कुस्क्ने वातस्के, जीवा गाबर आयना लेह्‌कान, अद दिया वातस्के, मीट गाबर आयविर आयकिर.

1 तिसलुनितोर 5:4 Iomraidhean Croise

मत्याल 10:15

इह केंजाट, नना सेतेम वेहतह्‌नन, सोदोम-गोमोरा अव नाह्‌कनोरिन देवुळ (ओराङ लाग्वाङ कबस्कनेनाह्‌क, मुने सिक्सा ईसि) बूळे कीता इन्जि पुतिर. तान वीळिसि मीक एरे केवोर इव नाह्‌कनोरिनु, नेयमता आक्रि दियाते देवुळि वेल्‍ला सिक्सा ईयग़ा.

लूकाल 21:34

“अदिनेनाह्‌क मीटु कल्क उनडना, रिमाते विचर वातप कीयना, ओसो इद दुनियाताङ कबस्कना सीताते मुळ्न्दिस मनमाटु. बह इतेके नना वायनद दियाते, मीक दोम्ह्‌क्ने वदतगा एग़्कतप आयमाकि इनजोर, उसरते मन्ह्‌टु.

बळयिर 26:18

ओरिन ईकळताहि देवुळता वेह्‌चतगा वायनदु,देयमदीपता लावताहि देवुळतके वायनदु, अग़ तोहतलाह नीक लोहतह्‌नन. ओर नाक विस्वस कीतेके, ओरा पापमता मापि आयग़ा, अहे देवुळ आचतोर लोकुरा संगे ओरिह्‌क जागा दोर्कग़ा,’ इनजोर इतोग़.

कुलुसितोर 1:13

ईकळते मतप लेह्‌कान, देयह्‌कना कयदे मतल. मति देवुळि माक देयह्‌कना कयदाहि विळ्सिह कीसि, तना पका जीवा कीतोग़ मग़ना राजेमतगा तचीता.

2 पत्रु 3:10

मति मन्कलोरिह्‌क एर्का लेवस्के, कले वायना लेह्‌कान, सामि ओसोवने वायनद दिया वायग़ा. अस्के पोग़ोटा बूमि पका नेकसोर मायग़ा, अगा मनदनव सबेटव कर्विसि बूळेम आयनुङ. इळ्ता बूमि, ओसो तानगा कीतव सबे कबस्क पङ्ने आयनुङ.

1 योहन 2:8

मति इद अडोता उंद पूना अर्तम इंजेक माक दिसिह्‌ता. ईकळ-गंगा मायलाह आता, सेतेमता वेह्‌च इंजेके दींचलाह आता. अदिनेनाह्‌क अद अडोता पूना अर्तम, येसुना पिसमुळतगा ओसो मीवा पिसमुळतगा वने निटम आता.

तोहचीतव पोल्‍लोङ 16:15

पया ओर राजालोरिन, इब्रि बासाते अर-मगिदोन इनदनद जागातगा, अव देयह्‌क तताङ. (किर्स्तु इद्रम वेहतलाह आतोग़, “ऊळाट! मन्कलोर पुनवस्के, कले वायना लेह्‌कान, नना वायकन. बोग़ उंजवालेवा उसरते मन्ह्‌तोग़, ओग़ देय्वातोग़ु. ओग़ तनाङ जगाङ केग़्स मतप मन्ह्‌तोग़. अद्रम मनवेके, लोकुर ऊळनाह, कूळलिय लजा वानाह ताकमुळ आयग़ा,” इनजोर किर्स्तु वेहतलाह आतोग़.)

तोहचीतव पोल्‍लोङ 3:3

मुने मीट बेद्रम देवुळता पोल्‍लोतुन केंजिसि, तान मीवा जीवातगा तासतिर, इदिन सीता कीस ऊळाट. सीता कीसि ताना लेह्‌का पिसाट. पापमता अग़दाहि मल्म्ह्‌टु. मीट उसरते मनवेक अचोन, कले वायना लेह्‌कान, नना मियगा दोम्ह्‌क्ने वायकन. नना बेद वेलाते वायकन, इदिन मीट मुर्तिय पुनविर आयकिर.