1 तिसलुनितोर 5:1 - माडिया गोंड पवित्र सास्त्रम

^1-2 कले नग़्का कुस्क्ने वायना लेह्‌कान, सामि ओसो वायनद दिया वने मनदग़ा इनजोर, मीट बेस पुतिर. अदिनेनाह्‌क मावोर विस्वसिरिर! इंजेके येसुसामि बेस्के मल्स वायनोग़, अस्के बह बह आस्ता इनजोर, मियेनाह्‌क रासलाहि गर्ज इले.

1 तिसलुनितोर 5:1 Iomraidhean Croise

मत्याल 24:3

पया येसु जय्तुन मराना मेटातगा वग़ोग़े उदिस मनेके, कग़यवालोर ओनगा वासि ताल्ह्‌कतोर, “इव पोल्‍लोङ बेस्के बह आयनुङ, गूरु? नीवा वायनद वेला ओसो इद बूम मारनद वेला एवयनामुने, बेद्रमताङ सीनाङ आयनुङ?” इन्जि ताल्ह्‌कतोर.

मत्याल 24:36

“मति देवुळ लोहतोग़ राजाल मल्स वायनद दियातुन, वेलातुन बोग़े पुनोग़. देवुळदीपताङ देवतुल्क वने पुनोङ, नना इंका पुनोन, सिरपि नावा बाबाले पुन्ह्‌तोग़.

बळयिर 1:7

येसु इतोग़, “इव सबे पोल्‍लोङ आयना वेलातुन, कालमतुन, नावा बाबाले तना अदिकरते तासतोग़. तान मीक पुनदा एवोग़.

2 कुरिंततोर 9:1

देवुळता मन्कलोरिह्‌क कोताङ अर्हचि, सेवा कीयनद पोल्‍लोतुन, मीक रासना नाक गर्ज इले.

1 तिसलुनितोर 4:18

इव पोल्‍लोङ वेहचि पया, ओर्विह्‌क-ओर्वोग़ दीरा ईसोर मन्ह्‌टु.

1 तिसलुनितोर 4:9

इंजेके ओर्विह्‌क-ओर्वोग़ तमोग़-दादाना लेह्‌का जीवा कीयनद पोल्‍लोतुन, मीक रासलाहि गर्ज इले. ओर्विह्‌क-ओर्वोग़ जीवा कीम्ह्‌टु इनजोर, देवुळि तनाय मीक काग़्हता.

यहुदाल 1:3

नावा गोततोरिर! देवुळि माट सबेटोर मन्कलोरिन पिसिह कीतद पोल्‍लोतुन रासलाहि, नाक पकाय विचर वास मता. मति उच्वुर मन्कलोर मावा मुडगा कुस्क्ने नेङतोर. ओरिह्‌क देवुळताहि सिक्सा दोर्किह्‌ता इनजोर, मुनेन ताना सास्त्रमतगा रासतद मन्ह्‌ता. ओर देवुळतुन माळवोर मन्कलोरु. अद तना दयाते मावा पापमतुन मापि कीस्ता इतेके, माट विचर वातपु बातय कीया पग़यह्‌नल इनजोर काग़्हतह्‌तोर. ओसो मावा वग़ोग़े माल्काल येसुसामि किर्स्तुना अदिकरते मनोर. अदिह्‌क मीट ओरा अडम मन्जि, येसुसामि माक ईतद कबुरतेनाह्‌क लळेम आयना इन्जि, इंजेक मीक रासलाह आतन. इद कबुरतुन बोग़े बेस्केन मिळ्हतनदनायो इन्जि, येसुसामि तान माक पोकुर कीया वेहतोग़.