1 तिसलुनितोर 4:7 - माडिया गोंड पवित्र सास्त्रम

⁷ बाराह्‌क इतेके देवुळि माक पवित्रते मनदलाह केयता; साट्याल कबळ कीयलाह आयो.

1 तिसलुनितोर 4:7 Iomraidhean Croise

1 कुरिंततोर 1:2

कुरिंत सहरते मनवालोरिर मीक देवुळता मुडुह्‌क सीटि रासलाह आतन. देवुळि मीक किर्स्तु येसुना संगे जोळे कीसि, तनेनाह्‌क अलग कीता. तना मन्कलोर आयलाह आचता. पूरा बूमतगा मावा येसुसामि किर्स्तुन मोळ्कवालोर, सबेटोर मन्कलोरिन वने, अद्रमलेह्‌काने आचता. येसु किर्स्तु ओरा वने, मावा वने सामिये.

गलातितोर 5:19

इंजेके मावा मन्कना बुदताङ कबस्किन माट पुह्‌नले. अव आंदुङ सिंड्रि-साट्याल आयना, लजालेवा विचर वातप कीयना, बोमापूजा, ओदे, कोंटेङ, वह्‌चळि, कोंडा वेयना, ओङु, दुस्रोरा सीता केवा कुदताये पाय्दातुन ऊळनदु, मुडा नडुम पूटपट कीयना, कुळ्सा, कल लोटि आयना, इद्रमताङ वेल्‍लाङे पोल्‍लोङ मन्ह्‌ताङ. इद्रमताङ कबस्किन केवालोरिह्‌क इतेके, देवुळता राजेमते जागा मुर्तिय दोर्को आयग़ा. इद पोल्‍लो नना मुनेन वेहतन, अद्रम इंजेक ओसो मीक वेहतह्‌नन.

इपिसुसतोर 1:4

इतेके ताना मुनेह माट पवित्र मनदना, बाताले कसुरलेवा मनदना इनजोर, इद बूमतुन पुटिह कीयनामुनेन, माक किर्स्तुना मेटे आचता.

इपिसुसतोर 2:10

निटमे देवुळिये माक किर्स्तु येसुना संगे जोळे कीसि, माक पूना पुटमुळ, पूना जीवा ईता. किर्स्तुना संगे जोळेम आसि, माट बेसताङ कबस्क कीसोर ताकना इनजोर, ताना विचर मता. अव कबस्किन अद मुनेन तयर कीता.

इपिसुसतोर 4:1

इव सबे पोल्‍लोनेनाह्‌कु, देवुळि मीक तना मन्कलोर आयना इन्जि केयता, तेन सीता कीसि, तान्क विचर वातपु ताकाटु. मीट इद्रम ताकना इन्जि, नना सामिनेनाह्‌क जेलते मनवानन, मीवाङ काल्काय अरयह्‌नन.

इपिसुसतोर 4:19

ओरिह्‌क मुर्तिय लजा वावो, ओरु विचर वातपु करबताङ कबस्क कीयलाह गिर्दा आस्तोर. सबे रीतिनाङ साट्याल बुदताङ कबस्किन कीसोरेन मन्ह्‌तोर. ओरा लालुस बेस्केन मारो.

1 तिसलुनितोर 2:3

मीक विस्वस कीया वेहतोम, अद वेलाते माट लेसिस मतोम इन्जि आयो, अहे लाग्वा विचरते कीतोम इन्जि वने आयो, ओसो मीक नाळेह कीयलाह इन्जि वने, अद्रम वेहोम.

2 तिमोति 1:9

देवुळि माक पिसिह कीसि, तनाय पवित्र लोकुर आयलाह माक आचता. माट बेसताङ कबस्क कीताह्‌कु आयो, मति तना मुनेन विचर कीस मतद पोल्‍लोता इसबते, माक आचता. किर्स्तु येसुना मेटे, माक ताना दया दोर्कना इन्जि, अद सुरुमुनेताहि विचर कीस मता.

इब्रितोर 12:14

दुस्रोर मन्कलोरा संगे कलियिस मनदलाह ऊळाट. देवुळतेनाह्‌क पवित्रते पिसलाह ऊळाट. अद्रम पिसवोग़ बोग़े देवुळता एरे दाया पग़वोग़.

2 पत्रु 2:10

तमा मन्कना बुद वेहतपु, करबताङ लालुस्कने ताकवालोरिन, सामिना अदिकरतुन पास्कवालोरिन कोनि, पका सिक्सा ईस्ता. जोल पोल्‍लोङ काग़्हवालोर वेर मन्कलोर, बेदिह्‌के बह रेयोर, पका कैंगम आस्तोर; ओसो रेयवालेवा बेरा लावताङ देयह्‌किन बाताङे आयोङ इन्जि पास्किह्‌तोर.