1 तिसलुनितोर 4:13 - माडिया गोंड पवित्र सास्त्रम

¹³ मावोरिर, मीट डोलतोर विस्वसिरेनाह्‌क, आसालेवोरा लेह्‌का दुकम आयनद आयो इन्जि, माट मीकु तेळियिह कीस वेहतह्‌नोम.

1 तिसलुनितोर 4:13 Iomraidhean Croise

मत्याल 27:52

(मूंड दियाना पया येसु जीवा अरतस्के, हातोर देवुळता लोकुर वेल्‍लाटोरे जीवा अरतोर. जीवा अर्सि ओर पङ्ने आताङ गुमयानग्डाह पेसतोर. पेसिसि, ओरु यहुदिरा पवित्र सहर येरुसलेमते अन्जि वेल्‍लाटोरिह्‌के दिसतोर.)

योहन 11:24

“इंगो गूरु, आक्रिते हातोर जीवा अरयना वेलाते, वेग़ वने जीवा अरयनोग़ इन्जि, नाक एर्काय मन्ह्‌ता,” इनजोर अद इता.

बळयिर 13:36

(पवित्र सेवकनन इनजोर, दाविद तन्क इनोग़ इन्जि माट पुतल. बाराह्‌क इतेके,) दाविद तना वेलाते, देवुळि ओन्क ईतद कबळतुन, मारिह कीसि डोलतोग़. डोलतस्के ओनाङ तादोर-बाबोराङ सेत्तानु बेगा मिसतोर, अगान ओना सेत्तातुन वने मिसतोर, अस्के ओना सेत्ता कळियता.

बळयिर 7:60

पया मिंडाङ कोटिसि बेरा लेङते “ए सामि, वेर मन्कलोर कीतद इद पापमता बद्ला ओरिह्‌क एमा,” इनजोर वळ्ह्‌किसि डोलतोग़.

बळयिर 8:2

देवुळतुन पकाय माळवालोर बोर मतोर, ओरु इस्तिपनना सेत्तातुन गुमयातगा ओस गति कीतोर, अस्के ओर पकाय जोरते अळतोर.

रोम सहरतोर 1:13

यहुदि आयवोरिन बेसता कबुरतुन वेहचि, उय्तुरिन विस्वसते ततन. अद्रमे मियग्डोर उय्तुर मन्कलोरिन वने, विस्वसते ततकन इनजोर, मियगा ऊक-ऊके वायलाह ऊळिंदन, मावोरिर; मति इचानाह बेदाय अडम आसोर मता. इद पोल्‍लोतुन मीट पुनदना इनजोर, नना वेहतलाह आतन.

1 कुरिंततोर 10:1

मावोर विस्वसिरिर! मावाङ तादोर-बाबोरा पोल्‍लोतुन वने, मीक सीता कीसीकन: ओर मिसर देसेमताहि पेसतापया, देवुळता मोयुल ओरिन मुळ्हचि, सबेटोरिन राका कींदु. ओर सबेटोर एरल सम्दुरता नडुमतुह्‌क अतोर.

1 कुरिंततोर 12:1

मावोर विस्वसिरिर! देवुळता जीवा ईयनव बुदिनाङ पोल्‍लोन ताल्ह्‌किस मतिर, अविस्किन मीट पुनदना इनजोर, मीक तेळियिह कीस वेहतह्‌नन.

1 कुरिंततोर 15:6

ताना पया एयुङ नूह्‌किह्‌काय एक्‍वा, मावोर विस्वसि मन्कलोरिह्‌क उंदिय देबा दिसतोग़. ओर मन्कलोरग्डाहि उच्वुर डोलतोर, मति वेल्‍लाटोर इंका जीवात मन्ह्‌तोर.

2 कुरिंततोर 1:8

मावोर विस्वसिरिर. आसिया पटटगा, माट बेद्रम तिपल आतोम इनजोर, मीट पुनदना: मुर्तिय आप पग़वप लेह्‌कान, पकाय तिपल वास माक अह्‌चिस मता; ओसोय मेसेह्‌ने आस मतोम. मावा जीवा पिसग़ा इनजोर वने, मुर्तिय आसा इलवा मता.

इपिसुसतोर 2:12

अस्के मीट किर्स्तुना संगे कलियवा मतिर; इस्रयेल मन्कलोरा मुल आयवा मताह्‌कु, मीक देवुळता सास्त्रम दोर्को. देवुळि इस्रयेल मन्कलोरिन वेल्‍लाङे मल्काङ तना पोल्‍लो करल कीस मता, मीट अव करल्कनगा कलियविर आस मतिर. इद बूमतगा आसालेवा, देवुळलेवा मतिर.

इपिसुसतोर 2:3

निटमे माट सबेटोरल वने, ओरा लेह्‌काने ताकिंदल. मावा लाग्वा बुदि बेद्रम लालुस कींदु, अद्रमे कींदल. मावा मेंदुलि ओसो मावा बुदि बेद्रम ओसोर मंदु, अद्रमे लाग्वाङ कबस्क कीसोर मंदल. लाग्वाङ कबस्क कीसोर मनाह्‌कु, देवुळि लाग्वोर सबेटोरिह्‌क निटम सिक्सा ईयना लेह्‌का, माक वने सिक्सा ईस मनालि.

1 तिसलुनितोर 4:14

डोलतोर विस्वसिरा बह आस्ता इतेके, येसु डोलिसि जीवा अरतोग़, ओसो मल्स वायनोग़ इन्जि, माट विस्वस कीय्ह्‌नल. अद्रमे डोलतोर विस्वसिरिन, देवुळि मेंदुल अग़्के जीवा अर्हचि, ओरिन येसुना संगे देवुळदीपते ततग़ा.

1 तिसलुनितोर 4:15

माटु सामि वेहतद पोल्‍लोते मीक इद्रम वेहतह्‌नोम इतेके, येसु मल्स वायनस्के, इद बूमते जीवात मनवालोर विस्वसिर, डोलतोर विस्वसिरिह्‌काय मुने देवुळदीपते अनोर.

1 तिसलुनितोर 5:10

मावा येसुसामि ओसो वायह्‌पा, माट जीवात मतेकाय, डोलिस मतेकाय, माट ओना संगे पिसना इनजोर, ओग़ मयेनाह्‌क डोलिस मतोग़.

1 तिसलुनितोर 5:6

अदिनेनाह्‌क विस्वस केवोरा लेह्‌का, बाताले पुनवा उंजतप मनवल. मति सामिना अग़ ऊळसोर उसरते मनदकल, बेसतल बुदते मनदकल.

2 पत्रु 3:4

इद्रम इनदनुर: “ओसोवने वायकन इनजोर, किर्स्तु पोल्‍लो विळ्सिस अतोग़, ओग़ बेगाडोग़? मावाङ तादोर-बाबोर वने डोलतोर! अस्केडाहि बाताले बद्लेम आयो! देवुळि बूमतुन पुटिह कीतस्के सबेटव बेद्रम मताङ, अद्रमलेह्‌काने इंजेक वने मन्ह्‌ताङ,” इनदनुर.

2 पत्रु 3:8

नावा गोततोरिर! उंद पोल्‍लोतुन मात्रम सीता कीम्ह्‌टु: देवुळतुह्‌क उंद दिया इतेके, अजर वर्साना लेह्‌कान; ओसो अजर वर्साङ उंद दियाता लेह्‌कान मन्ह्‌ताङ.