1 तिसलुनितोर 4:12 - माडिया गोंड पवित्र सास्त्रम

¹² इद्रम मतेके, मीवा ताकमुळि विस्वस केवोरिह्‌क विचर वानाह मनदग़ा, अहे मीट बोनाय पोग़ोन मोता आयविर.

1 तिसलुनितोर 4:12 Iomraidhean Croise

मार्कल 4:11

येसु ओरिन इतोग़, “मीक इतेके, देवुळि तना राजेमताङ मकतव पोल्‍लोन पुनदलाह बुद ईता, मति तानाङ पोल्‍लोन नमवोरिह्‌क बार, इव पोल्‍लोन नना पुन्पिह कीयनव पीटोने वेहतह्‌नन.

रोम सहरतोर 12:17

सबेटोरिह्‌क बेस ओप्पनव पोल्‍लोना विचर कीसोर ताकाटु. मीवा मेटे बेचोन आया पग़यह्‌ता अचोन, सबेटोरा संगे गूनमते मन्ह्‌टु. बोराय मीवा नुस्कन कीतेके, ओरिन कोदा पोयमाटु.

रोम सहरतोर 13:13

ओसो माट वेह्‌चते मनाह्‌कु, बेसता बुदते ताकिङ. अद्रमे ओचेरा लेह्‌का केवा, साट्याल बुदते विचर वातप केवा, वह्‌चळ केवा, ओसो दुस्रोरगा जीवा कर्ववा, बेसता अग़दे ताकिङ.

इपिसुसतोर 4:28

मियगा बोर बोर मुने कलसोर वातोर, ओर इंजेके कलमाकिर. मति तमाङ कय्कने नाळेह केवालेवा, कबळ कीयिर. अस्के ओर तमा कह्‌टेमते कमय कीसि, गर्ज अरतोरिह्‌क ईया वने पग़यनुर.

पिलिपितोर 4:8

मावोरिर! इद उंद पोल्‍लो पिसता, बेव पोल्‍लोङ बेस-नेह्‌ना, असलताङ मन्ह्‌ताङ, अवे पोल्‍लोने सीता कीसोर मन्ह्‌टु: इतेके बर्वस लायकताङ पोल्‍लोङ, मानेम आयना लेह्‌काडाङ पोल्‍लोङ, सेतेमताङ पोल्‍लोङ, पवित्र पोल्‍लोङ, गिर्दाताङ पोल्‍लोङ, बेस विचर वायनव पोल्‍लोङ, इविस्किने सीता कीसोर मन्ह्‌टु.

कुलुसितोर 4:5

किर्स्तुन पुनवोरा संगे मनदह्‌पा, बेस बुदते मन्ह्‌टु. ओरिन किर्स्तुना लोप्पा साक्सि वेहतलाह, मीक मोका दोर्कतेके, तान विळ्समाट.

1 तिसलुनितोर 5:22

सबे रीतिनाङ लाग्वाङ पोल्‍लोनग्डाहि जेक मन्ह्‌टु.

1 तिमोति 3:7

येसुन नमवोर वने, ओग़ कर्तुळ मन्कल इन्जि ऊळनुर, इद्रमलेह्‌का मुक्याल ताकना गावले. अद्रम ताकवेके, ओना लजा दायग़ा, (अस्के ओनाङ बोरे केंजोर आयनुर). इद्रम आयना इन्जि, देयह्‌कना मुक्याल ऊळसोर मन्ह्‌ता.

1 पत्रु 2:12

देवुळतुन पुनवोरा नडुम मनदह्‌पा, मीटु कसुरलेवपु असल मन्ह्‌टु. ओर मीकु “वेर लाग्वोरे!” इन्जि कसुर तोहतेकाय, मीवा असलता ताकमुळतुन ऊळनुर. ऊळिसि पया पेग़्के ओर इंका देवुळता मोकम ऊळनद दियाते, देवुळतुनु मान ईयनुर.

1 पत्रु 3:1

अद्रमे मर्मिङ आताङ आस्कनिर, मीट मीवाङ मुजोरा पोल्‍लोते वग़्ङिस मन्ह्‌टु. ओरु विस्वसते वावेकाय, येसुनगा वायु इनजोर माट वेहवाये, मावा असलता ताकमुळतुन ऊळिस तेला, मावाङ मुजोर विस्वसते वायनुर इन्जि, मीट ओरा पोल्‍लोते वग़्ङिस मन्ह्‌टु.