1 तिसलुनितोर 1:2 - माडिया गोंड पवित्र सास्त्रम

^2-3 मीट येसु किर्स्तुन विस्वस कीताह्‌कु, बाताल बाताल कबळ कीतिर, ओसो दुस्रोर विस्वसिरिन जीवा कीताह्‌कु, ओरा संगे बह कह्‌टेम कीतिर, अहे ओसो मावा येसुसामि किर्स्तुना पोग़ोन बह मेग़्किस आसा तासतिर इनजोर, मावा देवुळबाबाना मुनेह सीता कीसोर मह्‌नोम. ओसो मियेनाह्‌क पार्तना कीयह्‌पा, मीट सबेटोरेनाह्‌क अमेसा देवुळतुन जोहर कीय्ह्‌नोम.

1 तिसलुनितोर 1:2 Iomraidhean Croise

रोम सहरतोर 6:17

मुने मीट पापमता कय इळ्न मतिर, मति इंजेके मीक काग़्हतव देवुळताङ पोल्‍लोन केंजिसि, अव पोल्‍लोङ वेहतप, मीट मीवा जीवाताहि ताकिह्‌निर. ओसो देवुळि मीक पापमता कयदाहि विळ्सिह कीता. इंजेके मीट देवुळता कय इळ्न मन्जि, सेतेमते ताकलाह आतिर, देवुळतुह्‌क जोहर आयि!

1 कुरिंततोर 1:4

देवुळि मीक किर्स्तु येसुना मेटे देय्वा ईता. अदिनेनाह्‌क नना मियेनाह्‌क, नावा देवुळतुन अमेसा जोहर कीय्ह्‌नन.

कुलुसितोर 1:3

देवुळता बेसता कबुरि, सेतेमता पोल्‍लो आंदु. अद पोल्‍लोतुन मीट मुने केंजतिर, केंजताह्‌कु पोग़ोन देवुळदीपतगा जागा दोर्कनद आसा मियगा पुटटा. अद आसातेनाह्‌कु, येसु किर्स्तुन विस्वस कीसोरेन मह्‌निर, ओसो देवुळता सबेटोर लोकुरिन जीवा कीय्ह्‌निर. अदिनेनाह्‌क माट मियेनाह्‌क ऊक-ऊके पार्तना कीय्ह्‌नोम अस्के, मावा येसुसामि किर्स्तुना बाबाल देवुळतुन अमेसा जोहर कीय्ह्‌नोम.

1 तिसलुनितोर 2:13

माट मीक देवुळता पोल्‍लोतुन वेहतोम अस्के, मीट तान मन्कलोरा आयो, मति देवुळता पोल्‍लो इनजोर केंजतिर. अदिनेनाह्‌क वने, माट अमेसा देवुळतुन जोहर कीय्ह्‌नोम, अद निटम देवुळता पोल्‍लोये! अद पोल्‍लो इंजेके मीक विस्वस कीतोरिन, देवुळतुह्‌क विचर वानाह पिसलाह, बद्ले कीयलाह आता.

1 तिसलुनितोर 3:9

मीवा लोप्पा देवुळता मुनेह बेस-नेह्‌ना गिर्दा आतोम, अद माक बेस-नेह्‌ना गिर्दा आनाह कीताह्‌कु, माट तान बेचोन जोहर कीतेके वने आलो!

2 तिसलुनितोर 1:3

मावोर विस्वसिरिर! मीवा विस्वस पकाय बेर्ससोर दायलाह आता. ओसो मीट ओर्विह्‌क-ओर्वोग़ पका जीवा कीसोर दायलाह आतिर. अदिनेनाह्‌क मीवासाटि माट देवुळतुन अमेसा जोहर कीयना गावले. अद्रम कीयनद ओजिह्‌ता वने.

पिलेमोन 1:4

पिलेमोन तमो! निमा येसु किर्स्तुन विस्वस कीतदिन, सबेटोर देवुळता मन्कलोरिन जीवा कीयनदिन केंजतन. अदिनेनाह्‌क बेस्के नियेनाह्‌क पार्तना कीय्ह्‌नन, अस्के नीक सीता कीस, नियेनाह्‌क देवुळतुन जोहर कीय्ह्‌नन.