1 पत्रु 5:9 - माडिया गोंड पवित्र सास्त्रम

⁹ मति मीट विस्वसते निच मन्जि, ताना अडम मन्ह्‌टु. दुनियामेंड मनवालोर विस्वसिर, इद्रमताये तिपलते मन्ह्‌तोर इन्जि, मीट सीता कीम्ह्‌टु.

1 पत्रु 5:9 Iomraidhean Croise

लूकाल 22:32

अदिह्‌क निमा विस्वसतुन विळ्सना आयो इनजोर, नना नियेनाह्‌क पार्तना कीतन. मति निमा ओसोवने विस्वसते मलतस्के, नीवा गोततोरा विस्वसतुन बेर्सिह कीसीम,” इनजोर वेहतोग़.

योहन 16:33

नाक नमिसि मीट सुकमते मनदना इन्जि, इव गोटिङ मीक वेहतन. दुनियातोर मीक तिपल कीयनुर निटमे, मति दीरा पोय्म्ह्‌टु, नना दुनियातुन गेल्सतन,” इन्जि येसु इतोग़.

बळयिर 14:22

(ओर बेद-बेद सहरते मलतोर,) अग्डोर विस्वसिरिन “बेचोन तिपल वातेक तेला, येसुन विळ्सवा विस्वसते मन्ह्‌टु. देवुळदीपता राजेमते दायनामुने, माकु ऊक-ऊके विरुदतुन आप पोयग़ाये” इनजोर, पका विस्वस कीयलाह वेहचि, ओरिह्‌क दीरा ईतोर.

1 कुरिंततोर 10:13

बेस्के मियगा पापमताङ विचर्क पुटिह कीयनव तिपल्क वास्ताङ, अस्के इवे तिपल्कु सबेटोर मन्कलोरिह्‌क वास्ताङ इनजोर, सीता कीम्ह्‌टु. मति देवुळि बर्वस लायकता आंदु. मीट बेचोन आप पग़यह्‌निर, तान्काय एक्‍वा तिपलतुन लोहो. अद्रमताङ तिपल्क वातस्के, मीक पापमते अरवाह अग़ तोहतग़ा, अस्के दीरा पोयता पग़यकिर.

इपिसुसतोर 4:27

मीवा जीवातगा देयह्‌कना मुक्यान नेङलाह अग़ एमाटु.

इपिसुसतोर 6:16

तम्क राका कीयलाहि सीपय्क बेरा डालि पोयह्‌तोर, अद्रमलेह्‌कान मीट विस्वसतुन पोस मन्ह्‌टु. देयह्‌कना मुक्यानाङ किसताङ कानिनलेह्‌काडाङ आय्डानाहि, मीवा विस्वसिये मीक राका कीस्ता.

कुलुसितोर 2:5

नना कोंडाने दिसलाह मियगा इलेन; मति सीताते मीवा संगेन मह्‌नन. मीट मीवा पिसमुळते बेस-नेह्‌ना पिसलाह आतिर इनजोर, ओसो किर्स्तुन पका मेग़्किस विस्वस कीतिर इनजोर केंजिसि, पका गिर्दा आयलाह आतन.

1 तिमोति 6:12

विस्वसतेनाह्‌क (बेचोन तिपल वातेक तेला, अदिना संगे) आरेम आयवा लळेम आम.अमेसाता पिसमुळतुन पका पोय्म, इदे पिसमुळतुह्‌क देवुळि नीक केयता. इद पिसमुळ दोर्किह कीतन इनजोर, निमा वेल्‍लाटोर मन्कलोरा मुनेह साक्सि वेहतिन वने.

2 तिमोति 3:12

अद्रमे बोर बोर किर्स्तु येसुन विस्वस कीसि, देवुळतुह्‌क विचर वातप लेह्‌का पिसलाह ऊळिह्‌तोर, ओर सबेटोरिन लोकुर तिपल कीयनुरे.

2 तिमोति 4:7

(ओर्विह्‌क-ओर्वोग़ लळेम आयवालोर, पूरा लाव कीस लळेम आयना लेह्‌कान,) नना पूरा लाव कीसि, बेचोको तिपल्कना नडुम, नावा सेवातुन विळ्सोन. (कग़्सवाल मन्कल जेक वितिसि, सीनातगा एवयना लेह्‌कान,) देवुळ नाक ईतद कबळतुन नना मारिह कीतन. देवुळ नावा पोग़ोन बर्वस तासतपु, नना सेतेमते ताकतन, (बेस्केन पेग़्के अरवोन).

इब्रितोर 11:33

वेर मन्कलोर देवुळतुन विस्वस कीसि, (बेराङ-बेराङ कबस्क कीतोर). उच्वुर दुस्राङ देसेह्‌कनोर राजालोरिन आरे कीतोर; उच्वुर सेतेमताङ कबस्क कीसि, देवुळि पोल्‍लो विळ्सिस मतदिन दोर्किह कीतोर; उच्वुर सिङपुल्कनाङ तोडिन बंद कीसि पिसतोर;

इब्रितोर 12:8

देवुळि तनाङ सबेटोर पिलाङ-पेकोरिन सुद्रे कीस्ताये. मीक सुद्रे केवेक, मीट पया तानाङ निटमताङ पिलाङ-पेकोरिर आयविर. पोर्ह्‌का पिलाङ-पेकोरा लेह्‌काडोरिर आवेरिर.

याकुब 4:7

अदिह्‌क मीट देवुळता पोल्‍लोते वग़्ङिस मन्ह्‌टु. देयह्‌कना मुक्यानाङ केंजमाटु. अस्के अद मियग्डाहि वितग़ा.

1 पत्रु 1:6

अदिनेनाह्‌कु मीट पका गिर्दा आम्ह्‌टु. इंजेके गय्क मीकु तिपलते रीतरीतिनाङ दुकह्‌किन आप पोयतग़ा; तेला मति गिर्दा आम्ह्‌टु.

1 पत्रु 2:21

इद्रमे मनदना इन्जि, देवुळि मीकु केयता. येसु किर्स्तु इंका मयेनाह्‌कु तिपल अर्सि, माकु उंदि अग़ तोहतोग़. ओना कोजता पेग़्के कोज वाटिस, मीट ओना लेह्‌का दीरा पोसि ताकना इन्जि.

1 पत्रु 3:14

मति मीट बेसताङ कबस्क कीयनस्के, दुस्रोर मीक तिपल कीतेकाय, देवुळि मीक देय्वा ईयग़ा. अदिह्‌क ओरु पळ्मिङ ईतेकाय, मीट रेयमाटु. बार कीयनुरो इनजोर, आलिह केमाटु.

तोहचीतव पोल्‍लोङ 1:9

नना योहननन, मीवा ऐंगेटोग़ विस्वसिनन. माट ऐंगेन येसु किर्स्तुना राजेमतोर मन्कलोरल आतल. ओनेनाह्‌क माट ऐंगे तिपल आय्ह्‌नल. ओसो ऐंगेन तिपलते दीरा पोस मह्‌नल. नना देवुळता पोल्‍लो ओसो येसुना लोप्पा साक्सि वेहताह्‌कु, नाक सिक्सा ईयलाह, सम्दुर नडुम मनदनद पतमुस इनदनद तोग़दगा तासिस मतोर.

तोहचीतव पोल्‍लोङ 6:11

अस्के अव उंद-उंदतुह्‌क, पांड्रि गेंदे केग़यलाह दोर्कता. पया देवुळि अविस्किन इता, “मीवा ऐंगेटोर विस्वसिर बूमतगा नाक माळिह्‌तोर. ओरिन वने मीक हव्कतप लेह्‌कान, हव्कना मन्ह्‌ता. बेच्वुर डोलना इनजोर नना विचर कीस तासतन, अच्वुर डोलनाह, मीट वने गळ्क केपिस मन्ह्‌टु,” इनजोर इता.

तोहचीतव पोल्‍लोङ 7:14

इतस्के, “नना पुनोन बाबा, निमान वेहा” इतन. इतस्के ओग़ इतोग़, “वेर मन्कलोर पकाय गोसा आतोर; मति आक्रि एवनाह आपिस वातोर. गोरेपिलाता नेतुरता मेटे, वेर सिर्तम आसि, डागिललेवोर आतोर.