1 पत्रु 4:8 - माडिया गोंड पवित्र सास्त्रम

⁸ सबेट्काय बेसतल पोल्‍लो बेद इतेके, ओर्विह्‌क-ओर्वोग़ अमेसा पूरा जीवाताहि जीवा कीसोर मन्ह्‌टु. अह कीतिर इतेके, मीटु ओर्वोग़-ओर्विना पापमतुन मापि कीकिर.

1 पत्रु 4:8 Iomraidhean Croise

1 कुरिंततोर 13:1

अद इद्रम मन्ह्‌ता: नाक दुनियातोर मन्कलोर वळ्ह्‌कनव सबे बासाङ, ओसो पोग़ोटाङ देवतुल्क वळ्ह्‌कनव सबे बासाङ वळ्ह्‌कनद बुदि मनालि. मति नना दुस्रोरिन जीवा केवोन इतेके, वेट किळिंगाळ इनाह, नेकनद गिनेता लेह्‌काडोनन, ओसो डेडेङ-डेडेङ नेकनद डपता लेह्‌काडोनन आवेनन.

1 कुरिंततोर 13:4

दुस्रोरिन निटम जीवा केवाल, ओराङ तपुल्किन आपसोर मन्ह्‌तोग़, दुस्रोरिन गूनम तोहतह्‌तोग़, दुस्रोरिन कुळ्सा केवोग़, ननाय बेरोनन इनजोर वळ्ह्‌कसोर तिरियोग़, पोमाडेङ केवोग़.

कुलुसितोर 3:14

इव सबे कीम्ह्‌टु, मति इविस्किन वीळिसि, ओर्विह्‌क-ओर्वोग़ जीवा कीम्ह्‌टु. अह कीसोर मतेके, माट विस्वसिरल उंदिय विचरते पूरा कलियिस मनदकल.

1 तिसलुनितोर 3:12

माट मीक जीवा कीतप लेह्‌का, मीट वने विस्वसिरिर, ओर्विह्‌क-ओर्वोग़ जीवा कीयनद, ओसो सबेटोर मन्कलोरिन वने जीवा कीयनद पका वीळसोर अनि, बेर्ससोर अनि इनजोर, पार्तना कीयलाह आतोम. मावा सामि येसु तनाङ सबे पवित्र देवतुल्कना संगे ओसोवने वायह्‌पा, मावा देवुळबाबाना मुनेह मीट बाताले कसुरलेवा, पापमलेवा मनदना, अद्रम मनदलाहि, येसुसामि मीवा जीवातुन मेग़्किह कीयेग़ इनजोर वने, पार्तना कीयलाह आतोम.

2 तिसलुनितोर 1:3

मावोर विस्वसिरिर! मीवा विस्वस पकाय बेर्ससोर दायलाह आता. ओसो मीट ओर्विह्‌क-ओर्वोग़ पका जीवा कीसोर दायलाह आतिर. अदिनेनाह्‌क मीवासाटि माट देवुळतुन अमेसा जोहर कीयना गावले. अद्रम कीयनद ओजिह्‌ता वने.

1 तिमोति 1:5

ओरिन बाराह्‌कु रोमिह कीयलाह वेहतन इतेके, अगा विस्वसिर जग्ळा-बोबा केवालेवा, गूनमते मनदना गावले. गूनमते मनदना इन्जि, बेसताङ विचर्कु, नेह्‌ना-लाग्वा पुन्जि ताकनद बुदि, ओसो देवुळतगा सेतेमता विस्वस मनदना गावले.

इब्रितोर 13:1

मीट उंदिय लोतोरा लेह्‌कान, ओर्विह्‌क-ओर्वोग़ जीवा कीसोर मन्ह्‌टु.

याकुब 5:12

मति मावोरिर! सबेट्क बेरा पोल्‍लो इद आंदु इतेके, मीट बेस्केन किरिया ओतनाय आयो. अद देवुळदीपता वने आयो, इद बूमता वने आयो, ओसो दुस्रा बेदे रीतता किरिया केमाटु. मीवा वळ्ह्‌कमुळि इंगो इतेके इंगो, आयो इतेके आयो इन्ह्‌टु. इद्रम कीतिर इतेके, देवुळ मीवा पोग़ोन कसुर वाटो आयग़ा.

याकुब 5:20

मल्हच तवाल मन्कल, लेसिस मतोग़ मन्कना वेल्‍लाय पापमतुन मापि कीयनाह कीसि, ओन बूळेम आयवाह पिसिह कीस्तोग़, इदिन पुनेग़.

1 पत्रु 1:22

येसुना सेतेमता कबुरतुन केंजिस ताकताह्‌कु, मीटु पापमताहि एडटिर. अदिह्‌कु मीटु ओर्विह्‌क-ओर्वोग़ सेतेमते जीवा कीया पग़यह्‌निर. अद्रमे इंजेके मीवा लेह्‌का विस्वसिर आतोरिन, मीटु पूरा जीवाताह जीवा कीम्ह्‌टु.

3 योहन 1:2

नावा गोतयानिन! नीवा जीवा देवुळता संगे जोळेम आसि सुकमते मन्ह्‌ता, अद्रमलेह्‌का सबे पोल्‍लोने निमा सुकमते मनदना. बेदे रोगमि, दुकि आयवा बेस मनदना इनजोर, नना पार्तना कीयलाह आतन.