1 पत्रु 4:3 - माडिया गोंड पवित्र सास्त्रम

³ मुने मीटु देवुळतुन पुनवोरिर मतिर अस्के, लाग्वा विचरते तिरियताह्‌कु, गोचुर आयना, सिंड्रि-साट्याल आयना, कल लोटि आयना, वेल्‍लाटोर कलियिसि कडा रिमाते विचर वातप कीयना, बोमान मोळ्कना, इद्रमताङ मीट कींदिर. मीट मुने अह कीताङ दियाङ मारताङ, इंजेटाहि अद्रमताङ केमाटु.

1 पत्रु 4:3 Iomraidhean Croise

बळयिर 17:30

लोकुर देवुळतुन पुनवालेवा मताह्‌कु, अद कालमतस्के देवुळि ओरा पापमता नेयम केवो. मति इंजेके दुनियामेटोर कतमतोर पापमता अग़दुन विळ्सिसि तानक्‍के वायना इनजोर, उकुम ईता.

रोम सहरतोर 13:13

ओसो माट वेह्‌चते मनाह्‌कु, बेसता बुदते ताकिङ. अद्रमे ओचेरा लेह्‌का केवा, साट्याल बुदते विचर वातप केवा, वह्‌चळ केवा, ओसो दुस्रोरगा जीवा कर्ववा, बेसता अग़दे ताकिङ.

1 कुरिंततोर 12:2

मीट बेस्के देवुळतुन पुनवा मतिर, अस्के अलग-अलग रीतिने, वळ्ह्‌क पुनवव बोमानके लेससोर मतिर, इदिन मीट पुतिरे.

1 कुरिंततोर 6:11

मीवा मुडग्डाहि उच्वुर मन्कलोरिर मुने अद्रमे मतिर. मति येसुसामि किर्स्तु मयेनाह्‌क डोलताह्‌कु, मावा देवुळि तना जीवाते मीवा जीवातुन नोग़ता, नोग़्सि मीक तनेनाह्‌क एग़िह कीता, सेतेमतोर कीता.

2 कुरिंततोर 12:21

ओसो इद्रम वने रेयतन: मियग्डोर विस्वसिर उच्वुर, ओर्विह्‌क-ओर्वोग़ साट्याल कबस्क, लजालेवा करब कबस्क, इद्रमता पापम कींदुर. ओर तमा पापमता अग़दाहि मलवदिन ऊळिसि, नाक दुकम आनाह आयो बहा; इद्रम नावा देवुळि नाक मीवा मुनेह, लजा वानाह केवो बहा इनजोर रेयतन.

गलातितोर 5:19

इंजेके मावा मन्कना बुदताङ कबस्किन माट पुह्‌नले. अव आंदुङ सिंड्रि-साट्याल आयना, लजालेवा विचर वातप कीयना, बोमापूजा, ओदे, कोंटेङ, वह्‌चळि, कोंडा वेयना, ओङु, दुस्रोरा सीता केवा कुदताये पाय्दातुन ऊळनदु, मुडा नडुम पूटपट कीयना, कुळ्सा, कल लोटि आयना, इद्रमताङ वेल्‍लाङे पोल्‍लोङ मन्ह्‌ताङ. इद्रमताङ कबस्किन केवालोरिह्‌क इतेके, देवुळता राजेमते जागा मुर्तिय दोर्को आयग़ा. इद पोल्‍लो नना मुनेन वेहतन, अद्रम इंजेक ओसो मीक वेहतह्‌नन.

इपिसुसतोर 5:18

कल उन्जि ओचिस मनमाट. अद्रम मतेक अचोन, मीवा रिमाते तिरियसोर, ओप्पवव कबस्क कीकिर. मति मीट अद्रम मनवा, देवुळता जीवाते पूरा निंदिस मन्ह्‌टु.

1 तिसलुनितोर 4:5

देवुळतुन पुनवोर लोकुर साट्याल विचर्कने ताकिह्‌तोर, अद्रमलेह्‌का मीट कीयनद आयो.

तीतुस 3:3

मुने माट वने बुद तेळियवोरल मतल. पोल्‍लोङ केंजवोरल मतल. माट नाळेम आस मतल. दुस्राङ-दुस्राङ लाग्वाङ लालुस्कना कय इळ्न मन्जि, विचर वातप कींदल. लाग्वाङ कींदल, कुळ्सा अंदल. दुस्रोरिह्‌क एग़्ङ वावालोरल मंदल, ओसो माट वने ओर्विह्‌क-ओर्वोग़ कोटुल कींदल.

1 पत्रु 1:14

मीटु देवुळताङे मग़्क-मयास्‍क आय्ह्‌निर इन्जि, ताना पोल्‍लो केंजाटु. मुने मीटु देवुळतुन पुनवाह्‌कु, पापमताङ विचर्कने ताकिंदिर. इंजेक ओसो पापमता अग़दे मल्स अनमाटु.