1 पत्रु 4:11 - माडिया गोंड पवित्र सास्त्रम

¹¹ बोन्क देवुळता पोल्‍लो वेहतलाह बुद दोर्कता, ओग़ु सेतेमते देवुळताङ पोल्‍लोनु कुद देवुळिये वेहतपु, अद्रम वेहतना. बोन्क साय्ता कीयलाह बुद दोर्कता, ओग़ु देवुळ ईतद लावते, दुस्रोरिह्‌क साय्ता कीयना. अस्के वेरु येसु किर्स्तुनाये लोकुर इन्जि, दुनियातोर देवुळबाबाह्‌कु मान ईयनुर. सबे मान, डीसा, राजेम अमेसा अमेसात्कु सिरप ओन्के आयि! अहे आयि!

1 पत्रु 4:11 Iomraidhean Croise

मत्याल 6:13

ओसो कंदाता वेलाते माक पापमते अर्हमा, मति माक देयह्‌कना मुक्यानाहि पिसिह कीमु. [राजेमि, लावु, डीसाङ इव अमेसाताङ नीवाङे मन्ह्‌ताङ. माट ताल्ह्‌कतप आयि.]”

योहन 13:31

यहुदाल पलत पेसतस्के, येसु इतोग़, “इंजेके माने-मन्कना नडुम पुटटोना डीसा दिसनद कगो एवता, ओसो नाक बेव-बेव आयनुङ, अवटे देवुळता डीसा दिसग़ा.

बळयिर 7:38

पेळ्ह्‌कल बूमतगा मावाङ तादोर-बाबोरा संगे मतोग़ु, वेग़े मोसा मुय्तोग़. ओसो सीनय मेटातगा देवुळता देवतुलि ओना संगे मता. अद देवतुलता मेटे मयगा एव्सिह कीयना इनजोरे, ओन्के देवुळताङ पोल्‍लोङ दोर्कताङ. देवुळता मन्कलोर बेद्रम पिसना इन्जि, अव पोल्‍लोङ तोहतह्‌ताङ.

रोम सहरतोर 11:36

बाराह्‌क इतेके, सबे देवुळतग्डाहिये पुटटाङ, तानाय कयदे सबे ताकिह्‌ताङ, तानेनाह्‌के सबेटव मन्ह्‌ताङ. तान्के अमेसा-अमेसातुह्‌क मान आयि! आमेन.

रोम सहरतोर 12:3

देवुळि नाक देय्वा ईस, तना बळयि इनजोर निल्पिह कीता. अद अदिकरते मियग्डाह ओर्विन-ओर्विन नना वेहतह्‌नन: नना विस्वसते बेरोनन इनजोर पोमाडेङ कीयनदायो, मति देवुळि नाक बेद्रमता बुदि ईता, अदिना इसबते नना बेद्रमतोग़ विस्वसिनन इन्जि, बेसतल बुदते विचर कीम्ह्‌टु.

रोम सहरतोर 16:27

ताना बुदतगा बातय कमि इले, अद येसु किर्स्तुन मयगा लोहताह्‌कु, इदे देवुळतुन माट अमेसा-अमेसातुह्‌क जोहर कीकल. आमेन.

रोम सहरतोर 3:2

(अस्के नना इनेनन: यहुदि मन्कल आसि डायना रिवज कीतोग़ इतेके,) पका पाय्दा दोर्किह्‌ता. मोदुल पोल्‍लो इद इतेके, देवुळि तना सास्त्रमतुन, माक यहुदिरिह्‌के ईस मता.

1 कुरिंततोर 10:31

नना बह इह्‌नन, मीट बाताल तितेकाय, उटेकाय, बाताल कीतेकाय, मन्कलोरग्डाह देवुळतुह्‌क मान दोर्कनाह सबेटविन कीम्ह्‌टु.

1 कुरिंततोर 12:4

विस्वसिरगा अलग-अलग रीतताङ बुदिङ मन्ह्‌ताङ, मति अविस्किन ईयनद जीवा इतेके उंदिय मन्ह्‌ता.

1 कुरिंततोर 3:10

देवुळि नाक तना देय्वाते ईतद बुदता इसबते, बेस तेल्वतोग़ बेल्दर जोता दोहतना लेह्‌कान, नना मुने मीक किर्स्तुना पोल्‍लो वेहतन. दुस्रोर मन्कलोर बार ताना पोग़ोन तेहचोर दायना लेह्‌का, मीक काग़्हतह्‌तोर. मति ताना पोग़ोन तेहचोर अनवाल मन्कल, तना बेद रीतते दोहतह्‌तोग़ इनजोर, उसरते सीता कीयना गावले.

2 कुरिंततोर 2:17

वेल्‍लाटोर नाळेह केवालोर माट लायकतोरोम इन्जि, तम्क पाय्दा दोर्कि इनजोरेने, देवुळता पोल्‍लोतुन पोकुर कीस्तोर. माट बार अद्रमतोरोम आयोम. देवुळिये माक इद कबळ कीयलाह लोहता. माट ताना मुनेह सेतेमते पोकुर कीय्ह्‌नोम, किर्स्तुना अदिकरते वळ्ह्‌किह्‌नोम.

2 कुरिंततोर 9:13

मीट इद सेवा कीसि, निटम मीट विस्वसिरिर इनजोर, देवुळता मन्कलोरिह्‌क तोहतिर. कुरिंत सहरतोर विस्वसिर, किर्स्तुना बेसता कबुरतुन नमवालोरोम इतोर. अहे अद कबुरतुन केंजिसि, माकु ओसो दुस्रोर विस्वसिरिह्‌क, चिव्टम आयवा कोताङ अर्हचीतोर इनजोर, ओर देवुळतुन जोहर कीयनुर.

इपिसुसतोर 1:19

ओसो हामुरतग्डाहि किर्स्तुन जीवा अर्हचि, देवुळदीपतगा तना तिनळ बाजे राजेम ताकिह कीयलाहि उदिह कीयह्‌पा, अद बेरा लाव तोहता. माट विस्वस कीतोरा तोळ आयलाह, तानगा अदे बेरा लाव मन्ह्‌ता, ताना लाव बेस्केन मारो, इदिन मीक पुन्पिह कीयि इनजोर, पार्तना कीय्ह्‌नन.

इपिसुसतोर 4:29

बेदे लाग्वा पोल्‍लो मीवा तोडटग्डाहि पेसमाकि, मति केंजवालोरिह्‌कु पाय्दा आयनव पोल्‍लोङ पेसिङ! ओरिह्‌क बातालता गर्ज मन्ह्‌ता, तान ऊळिसि, ओरा कबळतुह्‌क अरयनव पोल्‍लोङ वळ्ह्‌काटु.

इपिसुसतोर 5:20

ओसो मावा येसुसामि किर्स्तुना पेदिरते, सबे पोल्‍लोनेनाह्‌क, देवुळबाबान अमेसा जोहर कीसोर मन्ह्‌टु.

इपिसुसतोर 6:10

इंजेके आक्रिते इव पोल्‍लोङ रासिह्‌नन: बेरा लावता सामिनाहि, मीवा जीवातुह्‌क लाव दोर्कि.

पिलिपितोर 1:11

बेद्रम इतेके, येसु किर्स्तु मीक देवुळता मुनेह सेतेमतोर कीताह्‌कु, मीवा ताकमुळतुन ऊळिसि, वेल्‍लाटोर मन्कलोर तान बेरा डीसाता इन्जि, मान ईस जोहर कीयिर इनजोर, इह वने नना पार्तना कीयलाह आतन.

पिलिपितोर 2:11

अहे सबेटोराङ वेंजेह्‌कु, “येसु किर्स्तुये कतमतोरा सामि” इनजोर कबुल आसि, देवुळबाबाह्‌क मान ईयिर इनजोर, देवुळि येसुन इद्रम कीता.

कुलुसितोर 4:6

मीवा तोडटाङ पोल्‍लोङ अमेसा गूनमताङ, लोकुरिह्‌क विचर वायनव मनिङ. अस्के मीक रीतरीतिनाङ पोल्‍लोङ ताल्ह्‌कवालोरिन, बराबर पोल्‍लोङ मल्हता पग़यकिर.

1 तिसलुनितोर 2:4

मति देवुळि माक सेतेम ऊळिस आचता, ओसो बेसता कबुरतुन मावा कयदे ईता, अदिह्‌क वेहतह्‌नोम. माट मन्कलोरिह्‌क गिर्दा वानाह वेहोम, मति मावा विचरतुन पर्ह्‌किस ऊळनद देवुळतुह्‌क, गिर्दा वानाह वेहतह्‌नोम.

1 तिमोति 1:17

अदिह्‌कु मावा अमेसा मनदनदु, बेस्केन मायवदु, मन्कह्‌क दिसवदु देवुळराजाल, अदे सेतेम देवुळ इनजोरे, तान्कु अमेसा-अमेसातुह्‌क मान आयि, जोहर आयि. अहे आयि.

1 तिमोति 6:16

बेस्केन डोलवदु अदे, अद बोग़े एवया पग़वद वेह्‌चतगा मन्ह्‌ता, तान बोग़े मन्कल ऊळोग़, ओसो बेस्केन ऊळ वने पग़वोग़, ताने सबेटोर मान ईयिर. राजेम कीयनद लाव, अमेसा-अमेसातुह्‌क तानाय मनि. अहे आयि.

तीतुस 2:1

मति निमा मात्रम अद्रम मनमा. निमा देवुळताङ सेतेम पोल्‍लोना इसबते, विस्वसिरिन वेहा.

तीतुस 2:15

अदिनेनाह्‌क तीतुस नना वेहतह्‌नन, इव सबे पोल्‍लोन विस्वसिरिन वेहचि, ओरिह्‌क दीरा ईम. पूरा अदिकरते कळक पोल्‍लोते वेहचोर मन. बोग़े नीक पास्कमाकेग़.

इब्रितोर 13:7

मीक देवुळता पोल्‍लोतुन वेहचि, अग़ तोहतोरिन सीता कीम्ह्‌टु. ओरा ताकमुळतुन विचर कीस ऊळाट; ओर देवुळता पोग़ोन आक्रि एवनाह विस्वस तासिस मतप लेह्‌कान, मीट वने विस्वस तासाट.

इब्रितोर 5:12

मीट वेल्‍लाय मुने विस्वसिरिर आतिर. इचोटे विस्वसता पोल्‍लोतुन, दुस्रोरिह्‌क काग़्हवालोर आयना मता. मति देवुळताङ पोल्‍लोनु, ओसोवने सुरुताहि मीक काग़्हतना लेह्‌का आता अले! इंका वने पाल उनवालोर पिलाङ-पेकोरा लेह्‌कान मह्‌निर, गाटो तिनदा पुतोरा लेह्‌का आयविरे.

याकुब 1:19

मावोरिर! मीट सबेटोरिर बेस उसरते केंजना गावले, वळ्ह्‌कलाह कंद्रेम आयना आयो, ओसो चट्पिट ओङ वने आयनद आयो, इव पोल्‍लोन सीताते तासाटु.

याकुब 1:26

इंजेके मियगा बोग़ाय मन्कल, नना देवुळता संगे कर्तुळते मह्‌नन इनजोर इन्ह्‌तोग़, मति तना वेंजेटुन आव्रे केवा, तना तन्के नाळेह कीस्तोग़, अद्रमतोना कर्तुळतनम उगसताये आंदु.

1 पत्रु 2:12

देवुळतुन पुनवोरा नडुम मनदह्‌पा, मीटु कसुरलेवपु असल मन्ह्‌टु. ओर मीकु “वेर लाग्वोरे!” इन्जि कसुर तोहतेकाय, मीवा असलता ताकमुळतुन ऊळनुर. ऊळिसि पया पेग़्के ओर इंका देवुळता मोकम ऊळनद दियाते, देवुळतुनु मान ईयनुर.

1 पत्रु 2:5

ओना एरे वाताह्‌कु, मीट इंका जीवात मनदनव बंडानलेह्‌का आसि, देवुळि तना जीवातुह्‌क जागा कीयलाह, मीकु लोनलेह्‌का दोहतह्‌ता. मीटु इंजेके देवुळतुह्‌क इन्जि अलग आतिर; मीटु बूमयालोरा लेह्‌का मन्जि, येसु किर्स्तुनेनाहि देवुळबाबान गिर्दा कीयलाहि मोक ईतपु, आपुनाङ विचर्किन पोहचि, देवुळता विचर मतप ताकिह्‌निर.

1 पत्रु 4:10

देवुळि ओर्विह्‌क-ओर्विह्‌क रीतरीतिनाङ कबस्क कीयलाह, बुद ईता. मीट देवुळ ईतव बुदिनु जबब्दरते काळ्ङवालोरा लेह्‌का मन्ह्‌टु. मन्जि, देवुळ तूसिसीतव बुदिनु, मीटु ओर्विह्‌क-ओर्वोग़ कबळ अरयलाह काळ्ङाटु.

1 पत्रु 4:16

मति माट किर्स्तुनोरोम इन्जि देबाङ तितेके, ताना लजा आयवा, किर्स्तुना पेदिर माक अरता इनजोरे, देवुळतुन जोहर कीम्ह्‌टु.

1 पत्रु 5:11

देवुळि अमेसा अमेसात्कु राजेम कीयि! अहे आयि!

यहुदाल 1:25

मावा येसुसामि किर्स्तुना मेटे, माक पिसिह कीयनदु, अद वग़य देवुळि. अदे देवुळतुह्‌क, अता कालमते वने, इंजेक वने, अमेसा-अमेसातेनाह्‌क डीसा तानाये; मान तानाये; लाव तानाये; अदिकर तानाये इनजोर, मन्कलोर इनिर. आमेन.