1 पत्रु 3:7 - माडिया गोंड पवित्र सास्त्रम

⁷ मुजोरिर, मीट वने मीवाङ मुतेस्किह्‌कु कदर ईम्ह्‌टु. मीवा लेह्‌का अविस्किह्‌क लाव इले, मति देवुळता दयाते दोर्कनद पूना मनमुळते, मीवा ऐंगे अविस्किह्‌क वन तूसु अचोने! इदे बुदते मीवाङ मुतेस्कना पोटालोप्पाडाङ विचर्किन पुनदलाह पर्ह्‌काटु. इद्रम मीट मीवाङ आस्कना संगे मनविर इतेके, देवुळि मीवा पार्तनातुन केंजो आयग़ा.

1 पत्रु 3:7 Iomraidhean Croise

मत्याल 18:19

नना ओसो उंद पोल्‍लो मीक सेतेम वेहतह्‌नन. मियग्डोर कमसेकम बोराय इर्वुर विस्वसिर, बेदाय पोल्‍लोतेनाह्‌कु इद बूमतगा उंद पट आसि, देवुळतुन ताल्ह्‌कनुर अस्के, अद पोल्‍लोतुन नावा देवुळदीपतोग़ बाबाल कीयनोग़.

1 कुरिंततोर 7:3

मुजो तना मुतेना मेंदुदा गर्जतुन निहतना. अद्रमे मुते वने, तना मुजोना मेंदुदा गर्जतुन निहतना.

इपिसुसतोर 4:30

मीट देवुळता मन्कलोरिर आतिर, आक्रि दियाते देवुळि मीक पूरा विळ्सिह कीयग़ा इनजोर तोहतलाहि, तना पवित्र जीवातुन, मीक उंद सीनाता लेह्‌का ईता. अदिनेनाह्‌क देवुळता पवित्र जीवातुन दुकम आनाह केमाट.

इपिसुसतोर 5:33

मति देवुळता सास्त्रमताङ पोल्‍लोङ मियेनाह्‌क वने रासतव मन्ह्‌ताङ. मीट ओर्वोग़-ओर्वोग़ मुजो कुदतुन जीवा कीयना लेह्‌का, आपुना-आपुना मुतेन जीवा कीयना. उंद-उंद मुते वने आपुना-आपुना मुजोह्‌क मान ईयि.

इपिसुसतोर 6:18

अद जीवा मीक ताकिह कीयना लेह्‌का, अमेसा सबे पोल्‍लोनेनाह्‌कु, पार्तना कीसि देवुळतुन वेहाटु. देवुळता मन्कलोर सबेटोरेनाह्‌क, आरेम आयवा पार्तना कीसोर मन्ह्‌टु.

कुलुसितोर 3:19

मुजोरिर! मीवाङ मुतेस्किन जीवा कीम्ह्‌टु. अविस्कना मुनेह कोक्ळमते मनमाट.

1 तिसलुनितोर 4:4

पवित्रते मन्जि, दुस्रोरा मुनेह मीट कदरलेवा मनदनद आयो इन्जि, मीट ओर्वोग़-ओर्वोग़ मन्कल साट्याल बुदते ताकवा, आपुना मेंदुलतुन आव्रे कीयना.

तीतुस 3:7

इद्रमलेह्‌का देवुळि माक दया कीसि सेतेमतोर कीता, कीताह्‌कु माट इंजेके तानग्डाहि अमेसाता पिसमुळता तूस दोर्किह कीकल इनजोर, आसा कीयलाह आतल.

इब्रितोर 1:14

पोग़ोटाङ देवतुल्क राजेम कीयनव आयोङ, देवुळता सेवा कीयनव जीवाङ. बोर-बोरिह्‌क देवुळता पिसमुळ दोर्किह्‌ता, ओरा सेवा कीयलाहे, अद लोहतनव जीवाङ आंदुङ.

1 पत्रु 3:1

अद्रमे मर्मिङ आताङ आस्कनिर, मीट मीवाङ मुजोरा पोल्‍लोते वग़्ङिस मन्ह्‌टु. ओरु विस्वसते वावेकाय, येसुनगा वायु इनजोर माट वेहवाये, मावा असलता ताकमुळतुन ऊळिस तेला, मावाङ मुजोर विस्वसते वायनुर इन्जि, मीट ओरा पोल्‍लोते वग़्ङिस मन्ह्‌टु.