1 पत्रु 3:15 - माडिया गोंड पवित्र सास्त्रम

¹⁵ मति येसु किर्स्तु मावा सामि इन्जि, मीवा जीवाते ओन मान ईसि मोळ्काटु. येसुनगा मीट आसा तासतिर, ताना लोप्पा “इद बह रा?” इन्जि बोराय ताल्ह्‌कतेके, मीटु (आलिह केवा,) ओरिह्‌क तेळियिह कीस वेहतलाह, अमेसा तयर मन्ह्‌टु.

1 पत्रु 3:15 Iomraidhean Croise

बळयिर 21:39

इतस्के पोलु इतोग़, “आयो साय्ब, आयो, नना यहुदि मन्कनन, किलिकिया पटटा पका पोकुर आतद तरसुस सहरतोनन आंदन. इंजेके वेर मन्कलोरा संगे नाक वळ्ह्‌कलाह ईम इनजोर, नना नीक अर्जि कीय्ह्‌नन,” इतोग़.

बळयिर 24:25

अस्के देवुळता सेतेमते बेद्रम ताकना, मेंदुदा उळ्बेतुन बेद्रम आव्रे कीयना, देवुळ आक्रिते दुनियामेटोरा नेयम बेद्रम कीयग़ा, इव पोल्‍लोन पोलु वेहतोग़. पया इव पोल्‍लोङ केंजिस, पेलिक्स पकाय रेयिस पोलुन इतोग़, “इंजेके आस्ता, निमा अन, नाक पुर्सत दोर्कतेक, अचोन नीक केयकन” इनजोर, ओन लोहतोग़.

कुलुसितोर 1:23

मति मीट मेलियवालेवा, मेग़्किसि विस्वस कीसोर मनदना गावले, ओसो बेसतल कबुरतुन केंजताह्‌कु, मीवा जीवातगा पुटटद आसातुन, विळ्सवालेवा मनदना गावले. मीट केंजतद बेसतल कबुर पूरा बूमतगा पोकुर आयलाह आता. नाक वने, अदे सेवा कीयलाहि देवुळि निल्पिह कीता.

कुलुसितोर 4:6

मीवा तोडटाङ पोल्‍लोङ अमेसा गूनमताङ, लोकुरिह्‌क विचर वायनव मनिङ. अस्के मीक रीतरीतिनाङ पोल्‍लोङ ताल्ह्‌कवालोरिन, बराबर पोल्‍लोङ मल्हता पग़यकिर.

इब्रितोर 3:6

मति किर्स्तु बारा, देवुळता मग़ मन्जि, देवुळता लोतोरिन ऊळसोर मनवाल आतोग़. अदिह्‌क माट आसा कीतल अद पोल्‍लोतगा रेयवालेवा, आक्रि एवनाह मेग़्किस आसा ताससोर मतेके, माट वने ताना लोतोरल आय्ह्‌नल.

इब्रितोर 6:1

अदिनेनाह्‌क नना बह इह्‌नन: माट किर्स्तुना लोप्पाडाङ सुरुतव पोल्‍लोन विळ्सकल; इतेके अङ्ळमताङ पाय्दालेवव कबस्किन पोहचीयना, देवुळतुन विस्वस कीयना, एडिह कीयनव रिवज्क, कय्क तासिस बर्कत ईयना, डोलतोर ओसोवने जीवा अरयना,अमेसातुह्‌क ताकनदु देवुळता आक्रि नेयम, इव सबे पोल्‍लोङ माट सुरुते कग़यतव पोल्‍लोङ आंदुङ. (माट इविस्किने ओसो कग़यसोर मनवल;) इविन विळ्सिस अबर दाकल, ओसो विस्वसते बुद पुतोर कग़यनव पोल्‍लोन कग़यकल.

1 पत्रु 1:17

मीटु “ए बाबा!” इन्जि केयिसि मोळ्कनद देवुळि, बेस्केने मोकम ऊळिसि नेयम केवो, अद मीवा ताकमुळतुन ऊळिसि नेयम कीस्ता. अदिह्‌के मीटु इद दुनियाते पय्नम अनवाना लेह्‌का आसि, रेंड दियाङ मनदह्‌पा, देवुळतुन रेयिसि ताकाटु.

1 पत्रु 3:2

बह इतेके, मीटु सेतेमते ताकनदिन, ओसो मुजोराये पोल्‍लोते तिरियनदिन ऊळिसि, देवुळतुन पुनदलाह गिर्दा आयनुर.