1 पत्रु 2:24 - माडिया गोंड पवित्र सास्त्रम24 माटु मावा पापमताङ विचर्कनाहि पिह्ट अर्सि, सेतेमते ताकनेनाह्क, ओग़ु मावा पापमता सिक्सातुन तना मेंदुदा पोग़ोन एचि,हव्कनागुटातगा डोलतोग़. ओग़ु देबाङ तिन्ज नोमुर आताह्के, मीट मीवा जीवाते बेस आतिर. Faic an caibideil |
1 पत्रु 2:24
50 Iomraidhean Croise
“देवुळता पवित्र जीवाता दळ्म नयगा अरता. गरिबतोरिह्क बेसता कबुरतुन पोकुर कीयलाहि, देवुळि नाक निल्पिह कीता. मन्कलोरा कय इळ्न मनवालोरिन, देवुळ मीक विळ्सिह कीता इनजोर, पोकुर कीयलाहि, तोववोरिन मीट तोवयकिर इनजोर, पोकुर कीयलाहि, तिपलते मनवालोरिन विळ्सिह कीयलाह, देवुळि देय्वा ईयनद कगो एवता इनजोर पोकुर कीयलाहि, अद नाक लोहता.” इनजोर रासतदिन अर्वतोग़.
मति नना वेहेनन, अद्रम मुर्तिय विचर कीयना आयो! माट सबेटोरल येसु किर्स्तुना संगे जोळेम आतल इनजोर तोहतलाह, ओना पेदिरते एतगा मुळ्न्दिस तेदतल. अस्केने माट ओना संगे डोलतप लेह्का आतल. अहे ओना संगे गुमयातगा मिसतप लेह्का आतल. इद पोल्लोतुन माग़्ङतिरा? ओसो देवुळबाबाल तना बेरा डीसाते, किर्स्तुन हामुरतग्डाहि जीवा अर्हतप लेह्का, माट वने इंजेके पूना पिसमुळते ताक पग़यह्नल. अदिनेनाह्क पापम कीयनदिना लोप्पा ऊळतेके, माट इंजेके डोलतप लेह्का मह्नल. इतेके पापम बेद्रम कीसोरेन मनदकल?
मति दुस्राङ जातिनोरिह्क इंका, किर्स्तु येसुनगा विस्वस कीताह्कु, अब्रहमिह्क ईतद बर्कत दोर्कग़ा. ओसो देवुळ मुने पोल्लो विळ्सतपे, ताना पवित्र जीवा माक विस्वसिरिह्क दोर्कग़ा, इद्रमता विचरते, किर्स्तुये माकु अडोना संगे वातद सरपताहि पिसिह कीतोग़. माक सरपताहि पिसिह कीयलाहि, ओग़ तनाय पोग़ोन सरप एतोग़. बह इतेके बोग़ाय मरातगा वेळ्हतोग़ु सरपतोग़ आस्तोग़ इन्जि, सास्त्रमते रासतद मन्ह्ता.
तेन बोयमाटु, तान तिनमाटु, इदिन इटमाटु इनजोर मीट नोममाटु. तिनदनद मालु कबळतुह्क अरयह्ताये; मति तितापया, अद कबळतुह्क अरवो. अद्रमता मादा पोग़ोन, मन्कलोरे अडोङ पुटिह कीसि, दुस्रोरिन काग़्हतह्तोर. मीवा मन्कना बुदि किर्स्तुना संगे डोलताह्कु, इद दुनियाताङ अङ्ळमताङ अडोङ-उतुर्क मीक दोहच तास पग़वोङ. पया मीट दुनियातोरा लेह्का अद्रमताङ पोल्लोन केंजिसि बाराह्क पिसलाह आतिर?
Sanasan