1 पत्रु 2:13 - माडिया गोंड पवित्र सास्त्रम

^13-14 येसुसामिह्‌कु मान दोर्कना इन्जि, इद दुनियाते अदिकरते मनवालोरा पोल्‍लोते वग़्ङिस मन्ह्‌टु: बेरोग़ राजाल मनेग़, ओसो ओग़ लोहवालोर अदिकरतोर मनिर, ओराङ पोल्‍लोङ केंजसोर ताकाटु. बाराह्‌क इतेके ओर अदिकरतोर, बेसता कबळ कीतोनु कदरते ऊळना, लाग्वा कबळ कीतोन बारा सिक्सा ईयना इन्जि, राजाल ओरिन लोहतोग़.

1 पत्रु 2:13 Iomraidhean Croise

मत्याल 22:21

ओर इतोर, “कय्सर राजानाये!” इदिन केंजिसि येसु इतोग़, “अह इतेके, बेद रोम राजेमता कय्सर राजाना मन्ह्‌ता, अद ओन्के दोहचीम्ह्‌टु. मति बेदिन देवुळ ताल्ह्‌किह्‌ता, अदिन देवुळतुह्‌क दोहचीम्ह्‌टु.”

मार्कल 12:17

इतस्के येसु ओरिन इतोग़, “अह इतेके बेद रोम राजेमता कय्सर राजाना मन्ह्‌ता, अद ओन्के ईम्ह्‌टु! ओसो बेद देवुळ ताल्ह्‌किह्‌ता, अदिन देवुळतुह्‌क ईम्ह्‌टु,” इनजोर इतोग़. पया इद्रम केंजिसि, ओर पका बयल आतोर.

लूकाल 20:25

इतस्के “अह इतेके, बेद रोम राजेमता कय्सर राजाना मन्ह्‌ता, अद ओन्के ईम्ह्‌टु! ओसो बेद देवुळ ताल्ह्‌किह्‌ता, अदिन देवुळतुह्‌क ईम्ह्‌टु,” इनजोर येसु इतोग़.

इपिसुसतोर 5:21

मीट किर्स्तुन मान ईयनाह्‌कु, मीवा मुडोर सबेटोरिर ओर्विह्‌क-ओर्वोग़ वरेम आस मन्ह्‌टु.

तीतुस 3:1

विस्वसि मन्कलोरु, मुक्यालोरिन ओसो अदिकरते मनवालोरिन सीता कीसि, ओरा पोल्‍लो केंजिसि मनिर. सबे बेसताङ कबस्क कीयलाहि तयर मनिर.

1 पत्रु 2:17

इतेके, सबेटोरिह्‌क मान ईयना, आपुनाङ ऐंगेटोर विस्वसिरिन तमोग़-दादानलेह्‌का जीवा कीयना. देवुळतुह्‌कु रेयिस मनदना, ओसो राजानु मान ईसि ताकना.

2 पत्रु 2:10

तमा मन्कना बुद वेहतपु, करबताङ लालुस्कने ताकवालोरिन, सामिना अदिकरतुन पास्कवालोरिन कोनि, पका सिक्सा ईस्ता. जोल पोल्‍लोङ काग़्हवालोर वेर मन्कलोर, बेदिह्‌के बह रेयोर, पका कैंगम आस्तोर; ओसो रेयवालेवा बेरा लावताङ देयह्‌किन बाताङे आयोङ इन्जि पास्किह्‌तोर.