1 पत्रु 1:6 - माडिया गोंड पवित्र सास्त्रम

⁶ अदिनेनाह्‌कु मीट पका गिर्दा आम्ह्‌टु. इंजेके गय्क मीकु तिपलते रीतरीतिनाङ दुकह्‌किन आप पोयतग़ा; तेला मति गिर्दा आम्ह्‌टु.

1 पत्रु 1:6 Iomraidhean Croise

मत्याल 11:28

“एय कह्‌टेम कीसोर बागतोरिर, (वेल्‍लाङे अडोङ-उतुर्कना) मोता कांजतोरिर, मीट सबेटोरिर नयके वाटु, अस्के नना मीवाङ जीवाह्‌कु आरम ईकन.

मत्याल 26:37

अह इन्जि, ओग़ु पत्रुनु ओसो जेबेदिनाङ इर्वुर मग़्किरिन (इतेके याकुबिन, योहनिन) पोसि, पेंडेस ओतोग़. अस्के ओग़ पका दुकम आतोग़, ओसो ओना जीवा वने चुहेम आयो.

मत्याल 5:12

अवटे मीट गिर्दाते एंदना-पाग़ना कीम्ह्‌टु, बाराह्‌क इतेके देवुळदीपते देवुळि मीकु बेरा इनम ईयग़ा. मीवा मुनेतोर देवुळता कबुर वेहवालोर पेदल्किह्‌कु अद्रमलेह्‌काने विरुद वाता, ओरा पोग़ोन वने देवुळि गिर्दा आंदु.

लूकाल 1:47

नाक पिसिह कीयनद देवुळि नावा जीवात्क बेस गिर्दा ईस्ता.

लूकाल 10:20

मति देयह्‌क मीवा पोल्‍लोतुन केंजिह्‌ताङ इनजोर, इचोन गिर्दा आयमाटु! मति मीवाङ पेदिर्किन, देवुळ तना पिसमुळता पुस्तकते रासिस तासता, तानेनाह्‌के पका गिर्दा आम्ह्‌टु,” इनजोर इतोग़.

लूकाल 2:10

अचोटेने देवतुल ओरिन इता, “मीट रेयमाटु! इके केंजाट, नना मियेनाह्‌क बेसतल कबुर ततन. अद सबेटोर लोकुरिह्‌क पका गिर्दा ईयनद कबुर आंदु.

योहन 16:22

अद्रमलेह्‌का मीक वने इंजेके दुकम वाता, मति नना मीक ओसो कलियकन, अस्के मीट मीवा जीवाते गिर्दा आयकिर. अद गिर्दातुन बोग़े ऊंदोग़ आयनोग़.

योहन 16:33

नाक नमिसि मीट सुकमते मनदना इन्जि, इव गोटिङ मीक वेहतन. दुनियातोर मीक तिपल कीयनुर निटमे, मति दीरा पोय्म्ह्‌टु, नना दुनियातुन गेल्सतन,” इन्जि येसु इतोग़.

बळयिर 14:22

(ओर बेद-बेद सहरते मलतोर,) अग्डोर विस्वसिरिन “बेचोन तिपल वातेक तेला, येसुन विळ्सवा विस्वसते मन्ह्‌टु. देवुळदीपता राजेमते दायनामुने, माकु ऊक-ऊके विरुदतुन आप पोयग़ाये” इनजोर, पका विस्वस कीयलाह वेहचि, ओरिह्‌क दीरा ईतोर.

रोम सहरतोर 12:12

देवुळि मीक ईतद आसाते, गिर्दा आस मन्ह्‌टु. तिपल्क वातस्के, आरेम आयवा निच मन्ह्‌टु. अमेसा पार्तना कीसोर मन्ह्‌टु.

रोम सहरतोर 5:11

अचोने आयो मति, मावा येसुसामि किर्स्तु, माक देवुळता संगे गूनम कीसीतोग़. अदिनेनाह्‌क देवुळतुन सीता कीसि, माट बेस-नेह्‌ना गिर्दा आय्ह्‌नल.

रोम सहरतोर 5:2

माट विस्वस कीताह्‌कु, येसुसामि माकु देवुळता दया दोर्किह कीसीतोग़, अद दयाते माट इंजेक पिसिह्‌नल. ओसो आक्रिते माट देवुळता डीसातुन ऊळसोर, ताना संगे मनदकल इनजोर, इद आसाते बेस-नेह्‌ना गिर्दा आतल.

2 कुरिंततोर 4:17

बाराह्‌क इतेके, इव गळ्कनाङ तिपल्किन माट आपताह्‌कु, माक देवुळताहि बेस्केन मायवद बर्कत दोर्कग़ा. अद बर्कत अचोन बेरा मनदग़ा इतेके, ताना मुनेह इंजेटाङ तिपल्क ओसोय अल्को दिसिह्‌ताङ.

2 कुरिंततोर 6:10

दुकम आतेक तेला, बेस गिर्दा आस मह्‌नोम. माट कोताङलेवोरोम मह्‌नोम, मति वेल्‍लाटोर मन्कलोर देवुळता बेरा बर्कततुन दोर्किह कीयनाह कीय्ह्‌नोम. मयगा बाताले इलवेक तेला, किर्स्तुनग्डाह दोर्कनव सबेटव मयेनाह्‌के मन्ह्‌ताङ.

गलातितोर 5:22

देवुळता जीवा बारा, मावा जीवातगा मोन्ह्‌टटेके, मयगा इद्रमता पंटा पुटिह्‌ता: माट दुस्रोरिन जीवा कीय्ह्‌नल, माट गिर्दाते मह्‌नल, सुकमते मह्‌नल, बेदाय पोल्‍लोतुह्‌क चट्‌ने ओङ आयवा मह्‌नल, दुस्रोरिन जीवा वाटिह्‌नल, माट चिव्टमलेवा मह्‌नल, माट पोल्‍लो विळ्सतपे कीय्ह्‌नल, कुलुल बुदते ताकिह्‌नल, कुदतुन आव्रे कीय्ह्‌नल. इद्रम ताकतेके, माक यहुदिराङ अडोङ अडम आयोङ.

पिलिपितोर 2:26

मति ओग़ मीक ऊळलाह पका आलिह कींदोग़. ओग़ बेमरते मतदिन मीट केंजतिर, केंजिसि मीट पका आलिह कीय्ह्‌निर इनजोर ओन्क एर्का आतस्के, ओना जीवा चुहेम आयो.

पिलिपितोर 3:3

(ओर मन्कलोर डायना रिवज कीयनद पोल्‍लो वेहतलाह आतोर.) माट बारा येसुन विस्वस कीतोरले, निटम डायना रिवज कीतोरल आंदल, ओर आयोर. बाराह्‌क इतेके, माट देवुळता जीवा वेहतपु तान मोळ्किह्‌नल. ओसो किर्स्तु येसु माक पका बेरा गूनम तोहतोग़ इनजोर, गिर्दा आय्ह्‌नल. ओसो मावा मन्कना बुदतगा बर्वस तासवा, तान डायिस पोहतप लेह्‌का पिसिह्‌नल.

पिलिपितोर 4:4

मीट सबेटोरिर सामिना देय्वाते गिर्दा आसोर मन्ह्‌टु. ओसो वेहतलाह आतन, गिर्दा आसोर मन्ह्‌टु.

1 तिसलुनितोर 1:6

मीट वने येसुन विस्वस कीताह्‌कु, पकाय तिपलते अरतिर. तेला मति देवुळता जीवा, मीक ईतद गिर्दाते, बेसता कबुरतुन नमतिर. अचोन तिपलते वने, बेसता कबुरतुन नमताह्‌कु, मावा लेह्‌का ओसो सामिना लेह्‌का ताकलाह आतिर.

याकुब 1:2

मावोर विस्वसिरिर, मियगा बेस्के मीवा आसातुन देहतनव अलग-अलग रीतताङ पोल्‍लोङ वायनुङ, अस्के मीट पका गिर्दा आम्ह्‌टु.

याकुब 1:9

देवुळि तना मुनेह माक कदर ईता इनजोर, कदरलेवोर विस्वसिर गिर्दा आयना गावले.

याकुब 4:9

(माट पापि मन्कलोरोम इन्जि,) दुकम आस अळ्म्ह्‌टु, केयाटु. मीट कवयनदिन विळ्सिसि, दुकम आम्ह्‌टु; ओसो गिर्दा आयनदिन विळ्सिसि, मेसेह्‌ने आम्ह्‌टु.

1 पत्रु 3:17

मीटु बेसताङ कबस्क कीसि, देबाङ तिनदना इनजोरे, देवुळता विचर मन्ह्‌ता बहे. अह आतेके, लाग्वाङ कबस्क कीसि देबाङ तिनदना वाटो, असल मन्जि देबाङ तिनदना बेसु, इदिन सीता कीम्ह्‌टु.

1 पत्रु 4:7

इंजेके इद दुनियाताङ आक्रि दियाङ गट्‌नेन एवताङ. इद पोल्‍लोतुन सीता कीसि, मीट पार्तना कीयनस्के, उसरते मनदना इन्जि, अक्‍र्ने मन्ह्‌टु.

1 पत्रु 5:10

माक कतम देय्वाङ ईयनद देवुळि, येसु किर्स्तुना संगे, मीकु बेस्केन मायवदु डीसाते कलियलाह केयता. इद रेंड दियाना मनमुळते, मीटु गय्क तिपल आतापया, देवुळ मीकु ओसोवने बेस कीसि तासग़ा. अद मीवा विस्वसतुन मेग़्किह कीसि, मीक लाव ईसि, निल्पिह कीयग़ा.