1 पत्रु 1:3 - माडिया गोंड पवित्र सास्त्रम

³ मावा सामि येसु किर्स्तुना देवुळबाबाह्‌कु जोहर आयि! ओग़े माकु पका जीवा लोपताह्‌कु, माकु पूना मनमुळ दोर्कता. इद बेद्रमता मनमुळ इतेके, देवुळबाबाल येसुसामिनु हामुरताहि जीवा अर्ह्‌चीताह्‌कु, माकु उंदि बेस्केन मायवद आसा दोर्कता.

1 पत्रु 1:3 Iomraidhean Croise

योहन 1:13

देवुळताङ मग़्क-मयास्‍क आयना इतेके, मन्कना पोटाते, मन्कना विचर मतप पुटना लेह्‌का आयो, मति विस्वस केवालोरिह्‌कु पूना पुटमुळि देवुळिये ईस्ता.

रोम सहरतोर 12:12

देवुळि मीक ईतद आसाते, गिर्दा आस मन्ह्‌टु. तिपल्क वातस्के, आरेम आयवा निच मन्ह्‌टु. अमेसा पार्तना कीसोर मन्ह्‌टु.

रोम सहरतोर 15:13

मीक आसा ईयनद देवुळतुन मीट विस्वस कीयनाह्‌कु, गिर्दाते ओसो सुकमते अद मीवा जीवातुन निहचीयि. अस्के ताना पवित्र जीवाता लावते, मीवा आसा वीळसोर दायग़ा.

रोम सहरतोर 5:10

नना ओसो तेळियिह कीस वेहतह्‌नन, माट देवुळता कोंटेतोरल मतल अस्केने, मयेनाह्‌क डोललाह अद तना मग़िन लोहच मता. इद्रमलेह्‌का माट ताना संगे गूनम आतल. इंजेके गूनम आतापया देवुळि, तना मग़ि किर्स्तु जीवात मनाह्‌कु, माक सिक्साताहि निटमे पिसिह कीयग़ा.

रोम सहरतोर 8:11

बेद देवुळि येसुन हामुरतग्डाहि तेग़्किह कीता, अदे देवुळता जीवा, मीवा जीवातगा जागा आता. अदे जीवाता लावते, मीट डोलतापया वने, देवुळि येसु किर्स्तुन कीतप लेह्‌का, मीवाङ मेंदुस्किह्‌क वने उंद दिया जीवा ईयग़ा.

रोम सहरतोर 8:24

देवुळि माक पिसिह कीतस्के, माक इद आसा दोर्कता. मति बातालतुनाय कोंडाने ऊळतेके, ताना पोग़ोन बोग़ाय बाराह्‌क आसा तासेग़?

1 कुरिंततोर 13:13

इंजेके, विस्वस कीयनदु, आसा कीयनदु, जीवा कीयनदु, इव मूंड पोल्‍लोङ अमेसा मनदनव मन्ह्‌ताङ. मति इविस्कनग्डाहि जीवा कीयनदे, सबेट्क मोदुल पोल्‍लो आंदु.

1 कुरिंततोर 15:20

मति निटम पोल्‍लो इद आंदु: किर्स्तुन डोलतोरग्डाह देवुळि ओसोवने जीवा अर्हता! डोलतोरग्डाहि जीवा अरतोग़ ओग़े मुनेतोग़ आंदोग़.

2 कुरिंततोर 1:3

मावा सामि येसु किर्स्तुना देवुळबाबाह्‌कु जोहर आयि! ओग़ मावा जीवा लोपवाल बाबाल आंदोग़. ओग़ अमेसा जीवातुह्‌क सुकम एवाल देवुळबाबाल आंदोग़.

गलातितोर 6:16

इद पोल्‍लोते बोर ताकनुर, ओर सबेटोरिह्‌कु देवुळि सुकम ईयि, ओसो किर्स्तुन नमवालोर इस्रयेलतोरा पोग़ोन इंका, देवुळि दया कीयि.

इपिसुसतोर 1:17

नना इद्रम पार्तना कीय्ह्‌नन: मावा येसुसामि किर्स्तुना देवुळतुन, डीसातोग़ बाबान मीट पूरा पुनदना इन्जि, ओग़ मीक तना बुदि ईयेग़, तनाङ विचर्किन मीक पुन्पिह कीयेग़.

इपिसुसतोर 1:3

देवुळतुह्‌क जोहर आयि! अद तना मग़ि किर्स्तुना मेटे, पोग़ोन देवुळदीपतगा मनदनव सबे देय्वान माक ईता.

इपिसुसतोर 1:7

मावा पोग़ोन पका दया कीता, अदिनेनाह्‌क तना मग़ि नेतुर पोहच डोलताह्‌कु, मावा पापमतुन मापि कीसि, ओना मेटे माक पापमताहि विळ्सिह कीता.

इपिसुसतोर 2:4

मति मावा पोग़ोन देवुळ वेल्‍लाय वीळिस जीवा लोपता. माक अद पका जीवा कीताह्‌कु,

इपिसुसतोर 3:20

इंजेके देवुळि मावा जीवातगा तना लावते कबळ कीसोरेन मन्ह्‌ता. माट बेचोन ताल्ह्‌किह्‌नल, विचर कीय्ह्‌नल, तान्काय वीळिस-वीळिसि कबळ कीसीया पग़यह्‌ता.

कुलुसितोर 1:23

मति मीट मेलियवालेवा, मेग़्किसि विस्वस कीसोर मनदना गावले, ओसो बेसतल कबुरतुन केंजताह्‌कु, मीवा जीवातगा पुटटद आसातुन, विळ्सवालेवा मनदना गावले. मीट केंजतद बेसतल कबुर पूरा बूमतगा पोकुर आयलाह आता. नाक वने, अदे सेवा कीयलाहि देवुळि निल्पिह कीता.

1 तिसलुनितोर 4:13

मावोरिर, मीट डोलतोर विस्वसिरेनाह्‌क, आसालेवोरा लेह्‌का दुकम आयनद आयो इन्जि, माट मीकु तेळियिह कीस वेहतह्‌नोम.

2 तिसलुनितोर 2:16

माक जीवा कीतोग़ु, माक दया कीसि, बेस्केन मायवद दीरा, अहे बेसतल आसा ईतोग़ु, मावा देवुळबाबाल ओसो मावा येसुसामि किर्स्तु;

1 तिमोति 1:14

ओसो बल्क अरतपु, ओग़ नाक देय्वा ईतोग़, अह आसि इंजेक नावा ओनगा विस्वस मन्ह्‌ता, ओनग्डाहि जीवा कीयनद बुद वाता.

तीतुस 2:13

माट इद्रम पिससोर, पका बेसता पोल्‍लोतुन आसा कीयलाह आतल इतेके: माक पिसिह केवाल बेरोग़ येसु किर्स्तु देवुळि, तना डीसाते बूमतगा वायनद दिसग़ा इनजोर, आसा कीयलाह आतल.

इब्रितोर 3:6

मति किर्स्तु बारा, देवुळता मग़ मन्जि, देवुळता लोतोरिन ऊळसोर मनवाल आतोग़. अदिह्‌क माट आसा कीतल अद पोल्‍लोतगा रेयवालेवा, आक्रि एवनाह मेग़्किस आसा ताससोर मतेके, माट वने ताना लोतोरल आय्ह्‌नल.

याकुब 1:18

माटु देवुळता सेतेमता कबुरता मेटे, पूना पुटमुळ दोर्किह कीतल. इद्रम आयि इनजोर, देवुळि मुनेन विचर कीस मता. अद विचर मतपु, इद बूमतगा पुटिह कीतव सबेटविनग्डाह, मुने माके पूना जीवा ईसि, तनेनाह्‌क अलग कीस तासता.

1 पत्रु 1:13

अदिनेनाह्‌कु मीटु बेस बुदते मन्जि, उसरते मन्ह्‌टु. ओसो येसु किर्स्तु मल्स वायना वेलाते, मीकु दोर्कना बर्कततगा पूरा आसा कीस मन्ह्‌टु.

1 पत्रु 1:21

येसु मियेनाह्‌क बाताल कीतोग़, तान ऊळिसि मीटु देवुळता पोग़ोन विस्वस तासिह्‌निर. देवुळि येसुनु हामुरताहि जीवा अर्हचि, ओन्कु बेरा पेदिर ईसि तासता. तासताह्‌कु, मीटु देवुळता पोग़ोन विस्वस तासिसि, करलता आसाते मह्‌निर.

1 पत्रु 1:23

येसुना कबुर केंजिस नमताह्‌कु, इंजेके मीटु पूना पुटटप आतिर. तलोग़-तपेराहि पुटटद जीवा डोलिह्‌ताये; मति देवुळता अमेसा मनदनदु बेस्केन मिळ्न्दवदु पोल्‍लो केंजताह्‌कु, माक पूना जीवा दोर्कता, अद बेस्केन डोलो.

1 पत्रु 3:15

मति येसु किर्स्तु मावा सामि इन्जि, मीवा जीवाते ओन मान ईसि मोळ्काटु. येसुनगा मीट आसा तासतिर, ताना लोप्पा “इद बह रा?” इन्जि बोराय ताल्ह्‌कतेके, मीटु (आलिह केवा,) ओरिह्‌क तेळियिह कीस वेहतलाह, अमेसा तयर मन्ह्‌टु.

1 पत्रु 3:21

अद पोल्‍लोता लेह्‌काने, इंजेके (मीटु विस्वसिर आतिर अस्के,) येसुना पेदिरते एग़ मीताह्‌कु, बेद लावते देवुळि येसु किर्स्तुनु हामुरताहि जीवा अर्ह्‌ता, अदे लावते मीट पिसिह्‌निर. इद बेद्रमता इतेके, मेंदुदा माच एडग़ा इनजोरे, मीयनद आयो; मति नावा जीवा कसुरलेवप आयि इन्जि, पूरा जीवाताहि देवुळतुन ताल्ह्‌कनद आंदु.

1 पत्रु 3:5

इद्रमलेह्‌काने मुनेता कालमताङ देवुळतुन माळनव आस्कु तान नमिसि, तमाङ मुजोर वेहताङ पोल्‍लोने वग़्ङिस मन्जि, अदे माक सोबा इन्जि मताङ.

1 योहन 2:29

ओसो किर्स्तु सेतेमतोग़ आंदोग़ इनजोर, मीट पुतिर इतेके, मियग्डाहि बोरु सेतेमताङ कबस्क कीस्तोर, ओरिह्‌क पुटमुळि देवुळिये ईता, इदिन वने पुन्ह्‌टु.

1 योहन 3:3

बोर ओना पोग़ोन निटम इद्रमता आसा तासिह्‌तोर, ओर सबेटोरु मावा किर्स्तु बेद्रम पवित्र मन्ह्‌तोग़, अद्रमे ओर वने पापम कीयनदिन विळ्सिसि, पवित्र आस्तोर.

1 योहन 3:9

बोरु देवुळताङ मग़्क-मयास्‍क आतोर, ओर पापम कीसोर मनोर. बाराह्‌क इतेके ताना जीवा ओरगा मन्ह्‌ता. ओर पापम कीसोर मनदा पग़वोर, बह इतेके ओर देवुळताङ मग़्क-मयास्‍क आतोर.

1 योहन 4:7

गोतयालोरिर! माट ओर्विह्‌क-ओर्वोग़ जीवा कीयना गावले. जीवा कीयनद पोल्‍लो देवुळतग्डाये आंदु. बोर जीवा कीस्तोर, ओर देवुळताङ पिलाङ-पेकोर आसि, तान पुतोरु.

1 योहन 5:1

येसुये देवुळ लोहतोग़ पिसिह केवाल इनजोर, बोर बोर विस्वस कीस्तोर, ओर देवुळताङ मग़्क-मयास्‍क आस्तोर. ओसो बोग़ाय तना बाबान जीवा कीस्तोग़, ओग़ु बाबानग्डाहि पुटटोर सबेटोरिन वने जीवा कीस्तोग़.

1 योहन 5:18

बोरु देवुळताङ मग़्क-मयास्‍क आस्तोर, ओर पापम कीसोर मनोर इनजोर, माक एर्काय मन्ह्‌ता. देवुळता मग़ि येसुसामि ओरिन ऊळेवाळे कीस्तोग़, देयह्‌कना मुक्याल ओरिन बोय पग़वो.

1 योहन 5:4

बाराह्‌क इतेके बोरु देवुळताङ मग़्क-मयास्‍क आस्तोर, ओरु इद दुनियाताङ सबे लाग्वाङ कबस्कने एग़्कोर. इंजेक माट देवुळता पोग़ोन विस्वस कीतल, अदिनेनाह्‌के दुनियाताङ सबे लाग्वाङ कबस्कनगा एग़्कवल.