1 पत्रु 1:2 - माडिया गोंड पवित्र सास्त्रम

² देवुळ आचतोर लोकुरिह्‌कु रासिह्‌नन. मावा देवुळबाबाल मीक मुनेने आचिसि, तना पवित्र जीवाता मेटे, मीकु तना पवित्र लोकुर कीतोग़. बाराह्‌क इतेके, मीट येसु किर्स्तुना पोल्‍लो केंजिसि ताकना, ओसो हव्कनागुटातगा मियेनाह्‌क पोवतद ओना नेतुरते, मीवा पापम एडना इन्जिये, देवुळ मीकु आचता. देवुळताहि मीकु लेकालेवा सुकमि, देय्वा दोर्कसोर मनि!

1 पत्रु 1:2 Iomraidhean Croise

मत्याल 24:22

अव वायनव गोसाताङ दियान देवुळि कमि केवेके, बोग़े मन्कल पिस पग़वोग़ आयनोग़. मति तनाङ आचतोर लोकुरिन पिसिह कीयनेनाह्‌कु, देवुळि अव दियान कमि कीयग़ा.

मत्याल 24:24

बाराह्‌क इतेके, नना देवुळ लोहतोग़ राजानन इनवालोर जोलहालोरु, ओसो देवुळता कबुरतोनन इनवालोर जोलहालोरु, इद्रमतोर पुटनुर. ओर बेराङ-बेराङ बामिह कीयनाङ सीनाङ तोहचि, देवुळ आचतोर लोकुरिन वने लेसिह कीयलाह ऊळनुर. मति ओर अह कीया पग़वोर आयनुर.

मत्याल 24:31

अस्के पया नना नावाङ देवतुल्किन, अकुमता बेह्‌रा आल्काते, दुनियाता मूलाह्‌क-मूलाह्‌क लोहतकन. पया अवु इद बूमतगा सर्ने मनवालोर नावाङ आचतोर लोकुरिन जमा कीयनुङ.

मार्कल 13:20

अव वायनव गोसाताङ दियान, देवुळि कमि केवेक अचोन, बोग़े मन्कल पिसोग़ आयनोग़. मति तनाङ आचतोर लोकुरिन अद गोसाताहि पिसिह कीयनेनाह्‌कु, देवुळि अव दियान कमि कीयग़ा.

मार्कल 13:22

बाराह्‌क इतेके नना देवुळ लोहतोग़ राजानन इनवालोर जोलहालोरु, ओसो देवुळता कबुरतोनन इनवालोर जोलहालोरु, इद्रमतोर पुटनुर. ओर बामिह कीयनाङ कबस्कु ओसो सीनाङ तोहचि, देवुळ आचतोर लोकुरिन वने, लेसिह कीयलाह ऊळनुर. मति ओर अह कीया पग़वोर आयनुर.

मार्कल 13:27

अद वेलाते नना नावाङ देवतुल्किन दुनियाता मूलाह्‌क-मूलाह्‌क लोहतकन. पया अवु इद बूमतगा सर्ने मनवालोर, नावाङ आचतोर लोकुरिन जमा कीयनुङ.”

लूकाल 18:7

देवुळ आचतोर लोकुर, देवुळतुन नग़्का-पियलि कोळ्‍व कीसोर मन्ह्‌तोर, ओरा नेयम आयना इन्जि, ओरिह्‌क तोळ ईयलाहि, देवुळि आल्सेम कीयग़ाया?

बळयिर 2:23

ओग़ येसुनु यहुदाल मीवा कयदगा पोस ईतापया, मीट देवुळताङ अडोङ पुनवोरा संगे, हव्कनागुटातगा मोल्‍लाङ कोटिस हामुरता सिक्सा ईतिर. इद देवुळता मुनेताहि विचर मता,(अद्रमे पनस दियाङ मुने करल आता).

बळयिर 20:32

“इंजेके नना मीकु देवुळता कयदे विळ्सिस ईय्ह्‌नन. ताना दयाता पोल्‍लोतुन सीता कीसोर मन्ह्‌टु. अद्रम सीता कीतेके, अद मीवा विस्वसतुन बेर्सिह कीसोर दायग़ा. ओसो बेद बर्कत देवुळि तना पवित्र लोकुरेनाह्‌क तासतद मन्ह्‌ता, अद बर्कत मीक दोर्कग़ा.

रोम सहरतोर 1:5

सबे जातिनोर ओना पोल्‍लोतुन विस्वस कीसि, ओनाङ केंजिर, अह कीसि ओना पेदिरतुन मान ईयिर इनजोर, देवुळि येसुना मेटे, नाक ओना बळयि आयलाहि देय्वा ईता. इव सबे पोल्‍लोङ मीट इतेके पुह्‌निरे.

रोम सहरतोर 11:2

इतेके बोर नयगा विस्वस तासनुर इनजोर, देवुळि मुनेन पुन्ज मता, ओर इस्रयेल लोकुरिन देवुळ विळ्सो.सास्त्रमतगा रासतदु देवुळता कबुरतोग़ एलियाना पोल्‍लोतुन, मीट पुतिर इसि! ओग़ देवुळतुन पार्तना कीनेके, इस्रयेल लोकुरगा इद्रम कसुर वाटटोग़:

रोम सहरतोर 11:28

इंजेके वेल्‍लाटोर इस्रयेल लोकुर बेसता कबुरतुन नमवाह्‌कु, देवुळि ओरिन कोटुलतोर इन्ह्‌ता. ओर नमवाह्‌कु, इद बेसता कबुर मियगा वाता, इद मीक पाय्दा आता. मति देवुळ ओरा पेदामुय्तोर अब्रहम, इसक, याकुब, वेरिन आचताह्‌कु, इंजेक वने इस्रयेलतोरिन जीवा कीस्ता.

रोम सहरतोर 15:16

यहुदि आयवोरिह्‌क बेसता कबुर वेहतलाहि, नाक किर्स्तु येसुना बळयि आयना इन्जि लोहता. बेद्रम देवुळता बूमयाल ताना मुनेह, तान्क विचर वायनद कोड वाटिह्‌तोग़, अद्रमलेह्‌काने नना पोकुर कीतद कबुरतुन नमवालोर यहुदि आयवोर विस्वसिर, नावा कयदाहि देवुळतुह्‌क वाटटद कोडलेह्‌का मन्ह्‌तोर.देवुळता पवित्र जीवा ओरिन एडिह कीताह्‌कु, ओर वने देवुळता मुनेह पवित्र आतोर.

रोम सहरतोर 16:19

मीट देवुळता पोल्‍लोतुन केंजिस ताकिह्‌निर इनजोर, सबेटोर केंजतोर. अदिनेनाह्‌क नना गिर्दा आतन. बेसताङ पोल्‍लोनेनाह्‌क बुदतोर मन्ह्‌टु, मति लाग्वाङ पोल्‍लोने बार, पुनवोरा लेह्‌का मन्ह्‌टु.

रोम सहरतोर 16:26

मति इंजेके अमेसा मनदनद देवुळि, तना कबुरतोरा सास्त्रमता मेटे, इद मकतद कबुरतुन, माक पुन्पिह कीयलाह आता. सबे जातिनोर मन्कलोर इद कबुरतुन विस्वस कीसि, देवुळताङ केंजिर इनजोर, तान पोकुर कीयलाह, देवुळि उकुम ईता.

रोम सहरतोर 8:13

मन्कना बुदते माट ताकतेक अचोन, अद अमेसाता हामुरतेकेन ओसीस्ता. मति देवुळता जीवाता तोळते, मावाङ मेंदुस्क विचर कीयनव कबस्किन विळ्सतेके, माट देवुळता संगे पिसकल.

रोम सहरतोर 8:33

देवुळिये माक आचिसि सेतेमतोरिर इन्ह्‌ता. इतेके मन्कलोर मावा पोग़ोन कसुर वाटटेकाय, बाताल आयो.

1 कुरिंततोर 1:30

मति देवुळि मीक किर्स्तु येसुना संगे जोळे कीता. किर्स्तुना मेटे माट देवुळतुन पुनदनद बुदि दोर्किह कीतल. किर्स्तुना मेटे माक देवुळ सेतेमतोर कीता, पवित्र मन्कलोर कीता. किर्स्तुये माक पापमता सिक्साताहि विळ्सिह कीतोग़.

1 कुरिंततोर 6:11

मीवा मुडग्डाहि उच्वुर मन्कलोरिर मुने अद्रमे मतिर. मति येसुसामि किर्स्तु मयेनाह्‌क डोलताह्‌कु, मावा देवुळि तना जीवाते मीवा जीवातुन नोग़ता, नोग़्सि मीक तनेनाह्‌क एग़िह कीता, सेतेमतोर कीता.

2 कुरिंततोर 10:5

मन्कना बुदते विचर कीयनदिन आरे कीय्ह्‌नोम, अहे देवुळतुन पुनवाह कीयनद, मोर्दोप बुदताङ सबे पोल्‍लोन आरे कीय्ह्‌नोम. मन्कलोरा उंद-उंद कैंगम विचरतुन मिळ्हचि, किर्स्तुना पोल्‍लोतुन केंजनाह कीय्ह्‌नोम.

2 कुरिंततोर 13:14

मीक सबेटोरिह्‌क येसुसामि किर्स्तु देय्वा ईयेग़, देवुळि जीवा कीसोर मनि. ताना पवित्र जीवा मियगा कलियसोर मनि.

कुलुसितोर 3:12

देवुळि मीक आचता, आचिसि तना मन्कलोर इनजोर अलग कीता, अहे मीक जीवा कीता. अदिनेनाह्‌क पूना गेंदे उहतप लेह्‌का, (मीवा पूना पिसमुळतुन पोय्म्ह्‌टु; इतेके) दुस्रोरिन जीवा लोपाटु, दुस्रोरिन गूनम तोहाटु, उड्ला बुदते ताकाटु, कुलुल बुदते मन्ह्‌टु, बेदाय पोल्‍लोतुह्‌क चट्‌ने ओङ आयमाटु.

2 तिसलुनितोर 2:13

मति मावोर विस्वसिरिर, सामि जीवा कीतोरिर! मीट पवित्र जीवाता मेटे सिरसिर आसि, सेतेम पोल्‍लोतुन नमिसि पिसना इन्जि, देवुळि मुनेताहि मीक आचता. अदिनेनाह्‌क मीवासाटि माकु देवुळतुन अमेसा जोहर कीयलाह ओप्पिह्‌ता.

2 तिमोति 2:10

अदिनेनाह्‌क देवुळि आचतोर लोकुरेनाह्‌क, सबे तिपल्किन आपसोर केमेन मह्‌नन. ओर किर्स्तु येसुन विस्वस कीताह्‌कु, देवुळि ओरिन पिसिह कीयि, ओसो ओर अमेसातुह्‌क मनदनद, ताना डीसाता वेह्‌चतगा मनिर इनजोर, इव तिपल्किन आपिह्‌नन.

तीतुस 1:1

तीतुस, नना पोलुनन, देवुळता कय इळ्न मन्जि, येसु किर्स्तुना बळयिनन, नीक इद सीटि रासलाह आतन. माट इर्वल उंदिय पोल्‍लोतुन विस्वस कीताह्‌कु, निमा नावा निटम मग़ना लेह्‌कान आतिन. देवुळबाबानाहि ओसो माक पिसिह केवाल किर्स्तु येसुनाहि नीक सुकमि, देय्वा दोर्कसोर मनि! नना अमेसाता पिसमुळता आसातेनाह्‌क, येसुना सेवा कीय्ह्‌नन. देवुळ आचतोर मन्कलोर विस्वसते बेर्सना, अहे देवुळता अग़दे ओसीयनद सेतेमतुन पुनदना इन्जि, येसुसामि नाक बळयि इनजोर निल्पिह कीतोग़. इद पिसमुळतुन देवुळ आचतोर मन्कलोर दोर्किह कीयनुर इनजोर, बूमतुन पुटिह केवस्केन, देवुळि पोल्‍लो विळ्सता; देवुळि बेस्केन जोल वळ्ह्‌को. मति इंजेके देवुळि तना कगोते, तना पोल्‍लोतुन पेसिह कीता. माक पिसिह कीयनद देवुळि, तना पोल्‍लोतुन पोकुर कीयनद कबळतुन, नावा कयदे ईसि, नाक उकुम ईता.

इब्रितोर 10:22

मावा जीवा माक कसुर तोहवा, मावा जीवातगा किर्स्तुना नेतुर इल्ह्‌कतप लेह्‌का आता. माट पवित्र एते बिळबिळ एग़ मीतप लेह्‌का आतल. इव सबे पोल्‍लोन पुन्जि, मावा विस्वस मेग़्किस मन्जि, माट पूरा जीवाताहि देवुळता एरे अनिङ.

इब्रितोर 11:28

विस्वस कीताह्‌कु, मोसाल आविस अतदिन सीता कीयनद पंडुमतुन सुरु कीतोग़. ओग़ (इस्रयेल मन्कलोरिन इद्रम इतोग़: “मिसर देसेमतोराङ) माळा पेकोरिन हव्कलाह, देवुळि पोग़ोटा देवतुलतुन लोहतह्‌ता; अद मीवाङ माळा पेकोरिन इटनद आयो इन्जि, (मीवा लोता अग़दा तेल्प मुंडातुन,) गोरेपियोता नेतुर इल्ह्‌काटु,” इतोग़.

इब्रितोर 12:24

ओसो देवुळता पूना करलते, माक कलियिह केवाल येसुनगा वातिर. आदमना मग़ि हाबेल मुय्तोना नेतुर इतेके, (तमदादान बद्ला एतलाह,) देवुळतुन केयना लेह्‌कान आस मता; मति पूना करलते मीवा पोग़ोन इल्ह्‌कतप मतदु, येसुना नेतुर बारा, ओसोय बेसतलि;(अद मीवा पापमतुन मापि कीम इनजोर,) केयना लेह्‌कान आता.

इब्रितोर 5:9

देवुळि येसुनेनाह्‌क तासतव सबे कबस्किन, ओग़ पूरा मारिह कीतोग़; कीसि तना पोल्‍लो केंजवालोर सबेटोरिन, अमेसातुह्‌क पिसिह केवाल आतोग़.

1 पत्रु 1:14

मीटु देवुळताङे मग़्क-मयास्‍क आय्ह्‌निर इन्जि, ताना पोल्‍लो केंजाटु. मुने मीटु देवुळतुन पुनवाह्‌कु, पापमताङ विचर्कने ताकिंदिर. इंजेक ओसो पापमता अग़दे मल्स अनमाटु.

1 पत्रु 1:20

इदे कबळतुह्‌क इन्जि, देवुळि येसुनु इदु बूमि पुटनामुनेने, आचिस मता; मति इंजेके इव आक्रिताङ दियानेन, येसु मियेनाह्‌कु इन्जि, इद बूमते वासि, दुनियातोरिह्‌क दिसतोग़.

1 पत्रु 1:22

येसुना सेतेमता कबुरतुन केंजिस ताकताह्‌कु, मीटु पापमताहि एडटिर. अदिह्‌कु मीटु ओर्विह्‌क-ओर्वोग़ सेतेमते जीवा कीया पग़यह्‌निर. अद्रमे इंजेके मीवा लेह्‌का विस्वसिर आतोरिन, मीटु पूरा जीवाताह जीवा कीम्ह्‌टु.

1 पत्रु 2:9

मति मीटु अद्रमतोरिर आयविर. मीटु देवुळ आचतोरिर येसुराजानाङ बूमयालोरिर, मीट पवित्र आयना इन्जि वेगुर आतोरिर, ओसो देवुळताये लोकुरिर. बेद देवुळि मीकु ईकळताहि केयिसि, बेस्केन ऊळवद वेह्‌चते तता, अदे देवुळताङ असलताङ कबस्किन, दुस्रोरिह्‌क मीट वेहतकिर इन्जिये, (अद मीकु इचोन कदर ईस तासता).

2 पत्रु 1:2

मीट देवुळतुन ओसो मावा येसुसामिन निटम पुताह्‌कु, देवुळता देय्वा ओसो सुकमि, मियगा पका बोल्गसोर अनि.

2 योहन 1:1

नना नीवा पेदामन्कनन इद सीटटुन रासिह्‌नन. देवुळ आचतद बायिनेनाह्‌कु, ओसो तानाङ पिलाङ-पेकोरेनाह्‌कु, रासलाह आतन. देवुळता सेतेम पोल्‍लो मावा जीवातगा मन्ह्‌ता, ओसो मावा संगे अमेसा मनदग़ा वने. अद सेतेम पोल्‍लो वेहतपु, नना मीक जीवा कीतन. (नना वग़ोनने आयो, देवुळ तोहतद सेतेमतुन पुतोर सबेटोर वने, मीक जीवा कीस्तोर.) इद सेतेमतुन पुन्जि, माट विस्वस कीतल.

2 योहन 1:13

देवुळ आचतद नीवा एलानाङ पिलाङ-पेकोर, मीक जय येसु इनदलाह आतोर.

यहुदाल 1:2

देवुळि मीक ऊळिस पका दया कीयि, सुकम ईयि, जीवा कीयि.