1 पत्रु 1:17 - माडिया गोंड पवित्र सास्त्रम

¹⁷ मीटु “ए बाबा!” इन्जि केयिसि मोळ्कनद देवुळि, बेस्केने मोकम ऊळिसि नेयम केवो, अद मीवा ताकमुळतुन ऊळिसि नेयम कीस्ता. अदिह्‌के मीटु इद दुनियाते पय्नम अनवाना लेह्‌का आसि, रेंड दियाङ मनदह्‌पा, देवुळतुन रेयिसि ताकाटु.

1 पत्रु 1:17 Iomraidhean Croise

मत्याल 16:27

केंजाटु, माने-मन्कना नडुम पुटटोनन, नना नावा बाबाना डीसाते, नावाङ देवतुल्कना संगे वायकन. अद तूकने नना सबेटोराङ, बोना ओना कबळतुन ऊळिसि, नेयह्‌क कीकन;

मत्याल 22:16

अह कीसि, ओर तमाङ कग़यवालोर ओसो एरोद राजाना तुंगातोर उय्तुरिन येसुन ताल्ह्‌कलाह लोहतोर. “गूरु, निमा सेतेम मन्कनिन आसि, देवुळता अग़ सेतेमते तोहतह्‌निन इनजोर, माट पुह्‌नोम. निमा बोर बाताल इनदनुर इनजोर आल्सविन, लोकुरा मोकम ऊळिस वळ्ह्‌कविन, इद माक एर्काये.

मत्याल 6:9

अदिनेनाह्‌क देवुळता संगे बाताङ वळ्ह्‌कनवु, अविन मोदुल कीसि मीकु पुन्पिह कीसीय्ह्‌नन, अव इहलेह्‌का मन्ह्‌ताङ: जोहर सामि, मावा देवुळदीपतोग़ बाबानिन, सबेटोर नीवा पेदिरतुन मान ईयिर.

रोम सहरतोर 11:20

नना वेहतह्‌नन, निटमे! मति इद पोल्‍लोतुन सीता कीम्ह्‌टु: ओर विस्वस केवाह्‌के, देवुळि ओरिन एळ्पिस पोहतप लेह्‌का कीता; मति मीट विस्वस कीताह्‌के, मीक कलियिह कीता. अदिनेनाह्‌क पोग़यसोर तिरियमाट! देवुळतुह्‌क रेयिस मन्ह्‌टु.

2 कुरिंततोर 1:2

मावा देवुळबाबाल ओसो येसुसामि किर्स्तु, वेर इर्वुर मीक देय्वा ईयिर, सुकम ईयिर.

2 कुरिंततोर 5:6

अदिनेनाह्‌क माट दीरा पोयसोर मह्‌नोम. ओसो इद बूमता मेंदुलते मनाह्‌कु, माट सामि मनदनगा मनदा पग़वल इनजोर पुह्‌नल.

2 कुरिंततोर 7:1

गोततोरिर! इद्रम देवुळि मावा संगे मनदलाह पोल्‍लो विळ्सताह्‌कु, मावा मेंदुलतुन ओसो मावा जीवातुन, सिरसिर कीस मनदकल, कळ्‍वोग़ आयवा! देवुळतुन रेयिस, पूरा पवित्र आसोर दाकल.

2 कुरिंततोर 7:11

देवुळतुह्‌क विचर वातप दुकम आस मतिर. अदिनेनाह्‌क मीक बेस-नेह्‌ना आता ऊळाट! इंजेके मीट सेतेम मन्कलोरिर इनजोर तोहतलाह आतिर, गल्ति कीतोन ऊळिस, ओङ आतिर. ओना सिक्साते कलियकोम इनजोर रेयतिर. इंजेके नाक ऊळलाहि, पकाय मीवा जीवा पर्ह्‌किह्‌ता. नावा संगे गूनम आयलाह, मीवा जीवा पर्ह्‌किह्‌ता. गल्ति कीतोन नेयम कीयलाह आतिर. ओसो मीट सबे पोल्‍लोने, मुर्तिय कसुरलेवोरिर इनजोर तोहतिर.

गलातितोर 2:6

पया ओर मोदुल मन्कलोर इतेके — ओर मुनेताहि पेदल्क आंदुर, तान नना मुर्तिय सीता केवोन. अहे मोकम ऊळिसि, देवुळि मन्कह्‌क कदर एवो. नना काग़्हतद बेसता कबुरतगा, ओर बेदे पोल्‍लो मिळ्हतलाह वेहोर.

इपिसुसतोर 1:17

नना इद्रम पार्तना कीय्ह्‌नन: मावा येसुसामि किर्स्तुना देवुळतुन, डीसातोग़ बाबान मीट पूरा पुनदना इन्जि, ओग़ मीक तना बुदि ईयेग़, तनाङ विचर्किन मीक पुन्पिह कीयेग़.

इपिसुसतोर 3:14

(अद्रमलेह्‌काने देवुळि मीट यहुदि आयवोरिह्‌क कीतव) सबेटविन सीता कीसि, नना मिंडाङ कोटिसि, पोग़ोटोग़ देवुळबाबान (मियेनाह्‌क पार्तना कीय्ह्‌नन):

इपिसुसतोर 6:9

माल्कालोरिर! मीट वने मीवा ओर्युलतोरिन बेस-नेह्‌ना तासाटु. मीवा ओसो ओरा माल्काल पोग़ोन मन्ह्‌तोग़, ओग़ मोकम ऊळिस नेयम केवाल आयोग़ इदिन पुन्जि, ओरिन रेय्‍पिह कीयना, दगाङ ईयना, इद्रम केमाटु.

पिलिपितोर 2:12

अदिनेनाह्‌क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्‍लोन केंजिस ताकतिर, अद्रमलेह्‌का इंजेक वने नना मियग्डाहि जेक मनदह्‌पा, इंका पका जिदते मीट अव पोल्‍लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्‌टु.

कुलुसितोर 3:25

देवुळि बोनाये मोकम ऊळिस नेयम केवो. अदिनेनाह्‌क माल्काल मनेग़, ओर्युलतोग़ मनेग़, लाग्वा कबळ केवाना कबळता इसबतेन, देवुळि सिक्सा ईयग़ाये.

इब्रितोर 12:28

माट इद गल्जवद राजेमतोर मन्कलोरल आतल. अदिनेनाह्‌क देवुळतुन जोहर कीसि तान रेयसोर, मान ईसोर, तान्क विचर वातप लेह्‌का मोळ्ककल.

इब्रितोर 4:1

मीक आरम ईकन इनजोर, देवुळि मुनेन पोल्‍लो विळ्सिस मता. अद पोल्‍लो इंजेक वने अरयह्‌ता. अदिनेनाह्‌कु आरम दोर्कनगा एव्वोम आयकोम बहा इनजोर, मीट ओर्वोग़-ओर्वोग़ रेयिस मन्ह्‌टु.

1 पत्रु 2:11

ए नावाङ गोतयालोरिर, मीवा देवुळदीपता लोताहि मीटु जेक आसि, इद दुनियाते रेंड दियाङ मह्‌निर. अदिह्‌के मीक नना वेहतह्‌नन, अमेसा मीवा जीवाता अडम मनदनव विचर्कनाहि, इतेके मीवाङ लाग्वाङ विचर्कनाहि, जेक आम्ह्‌टु.

1 पत्रु 3:15

मति येसु किर्स्तु मावा सामि इन्जि, मीवा जीवाते ओन मान ईसि मोळ्काटु. येसुनगा मीट आसा तासतिर, ताना लोप्पा “इद बह रा?” इन्जि बोराय ताल्ह्‌कतेके, मीटु (आलिह केवा,) ओरिह्‌क तेळियिह कीस वेहतलाह, अमेसा तयर मन्ह्‌टु.