1 योहन 5:6 - माडिया गोंड पवित्र सास्त्रम6 बोग़ देवुळताहि इद बूमतगा वातोग़, ओग़ वासि देवुळता पेदिरते एग़ मीतोग़. ओसो हव्कनागुटातगा नेतुर पोहचि, (मोक आयलाह वास मतोग़,) ओग़ येसु किर्स्तुय आंदोग़. ओग़ बोग़ आंदोग़ इन्जि, सिरप ओना एग़ मीयना रिवजिये तोहो, मति ओना नेतुर पोहच मोक आयनद कबळ वने तोहतह्ता. इद्रम देवुळता पवित्र जीवा, इद पोल्लोता साक्सि ईस्ता. बाराह्क इतेके, देवुळता पवित्र जीवा सेतेमता मन्ह्ता. Faic an caibideil |
1 योहन 5:6
39 Iomraidhean Croise
मन्कलोर तना संगे गूनम आयना इनजोर देवुळि, येसुनु मावा पापमता सिक्सातेनाह्क मोक आयलाह, निल्पिह कीता. येसु तना जीवा ईसि, नेतुर पोहतोग़ इन्जि, माट विस्वस कीताह्कु, देवुळि माक सेतेमतोर इन्ह्ता. येसु वायनामुने, मन्कलोरिह्क ओरा पापमता सिक्सा देवुळि एवो. बाराह्क इतेके, पया येसु ओरा पापमतेनाह्कु, मोक अरयनोग़ इनजोर पुन्जि, देवुळि केपिंदु. इद्रमि, देवुळि सेतेमता मन्ह्ता, अहे येसुन विस्वस केवालोरिन, सेतेमतोर कीयनद मन्ह्ता इनजोर, माट इंजेक पुह्नल.
ओसो किर्स्तुना लोप्पा, देवुळ पङ्ने कीतव पोल्लोङ पका असलताङ मन्ह्ताङ, इद करलिये. “किर्स्तु मान्वल आसि माक दिसतोग़. ओग़ु देवुळता मग़ इन्जि, पवित्र जीवा तोहता. ओग़ हामुरताहि तेग़्कतस्के, देवतुल्क साक्सि मताङ. ओग़ तना डीसाते कलियनाहु, देवुळि ओन पोग़ोन ओता. ओना कबुर दुस्राङ जातिनोरगा आबुर आता. दुनियामेटोर लोकुर ओन नमतोर.”
सुकम ईयनद देवुळि, तना विचर कीतप लेह्का मीट कीयनाह, मीक सबे बेसताङ पोल्लोङ ईयि. येसु किर्स्तुना मेटे, मावा ताकमुळतगा तान्क विचर वातव पोल्लोङ आयिङ. किर्स्तु येसुना नेतुरता मेटे, देवुळि मावा संगे अमेसातुह्क मनदनद पूना करलतुन निल्पिह कीयलाह आता. इद पूना करल नितना इन्जि, देवुळि येसुन ओसोवने हामुरताहि जीवा अर्हता, इद्रमि येसु किर्स्तु मावा बेरोग़ कोपाल आतोग़. ओने मन्कलोर अमेसा-अमेसातुह्क मान ईयिर. आमेन.
देवुळ आचतोर लोकुरिह्कु रासिह्नन. मावा देवुळबाबाल मीक मुनेने आचिसि, तना पवित्र जीवाता मेटे, मीकु तना पवित्र लोकुर कीतोग़. बाराह्क इतेके, मीट येसु किर्स्तुना पोल्लो केंजिसि ताकना, ओसो हव्कनागुटातगा मियेनाह्क पोवतद ओना नेतुरते, मीवा पापम एडना इन्जिये, देवुळ मीकु आचता. देवुळताहि मीकु लेकालेवा सुकमि, देय्वा दोर्कसोर मनि!
अद पोल्लोता लेह्काने, इंजेके (मीटु विस्वसिर आतिर अस्के,) येसुना पेदिरते एग़ मीताह्कु, बेद लावते देवुळि येसु किर्स्तुनु हामुरताहि जीवा अर्ह्ता, अदे लावते मीट पिसिह्निर. इद बेद्रमता इतेके, मेंदुदा माच एडग़ा इनजोरे, मीयनद आयो; मति नावा जीवा कसुरलेवप आयि इन्जि, पूरा जीवाताहि देवुळतुन ताल्ह्कनद आंदु.
मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्लोङ वळ्ह्कवालोरग्डाहि, सबे देसेह्कनोरग्डाहि, सबे जातिनोरग्डाहि, मन्कलोरिन देवुळतेनाह्क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.
Sanasan