1 योहन 4:21 - माडिया गोंड पवित्र सास्त्रम

²¹ देवुळि माक इद्रम उकुम ईता: बोग़ देवुळतुन जीवा कीस्तोग़, ओग़ तना ऐंगेटोग़ विस्वसिन वने जीवा कीयना गावले.

1 योहन 4:21 Iomraidhean Croise

मत्याल 5:43

“नीवा ऐंगेटोनु जीवा कीम, कोटुलतोन बार अडम ऊळा, इद्रम मीक काग़्हवालोर वेहचि, तेन मीट केंजतिरे.

लूकाल 10:37

इतस्के, ओग़ इतोग़, “ओना पोग़ोन दया कीतोग़े.” इतस्के येसु इतोग़, “अन! ओग़ कीतप लेह्‌का, निमा वने कीम,” इतोग़.

योहन 15:12

बेद्रम नना मीकु जीवा कीतन, अद्रमे मीट ओर्विह्‌क-ओर्वोग़ जीवा कीयना, इदे नावा उकुम आंदु.

गलातितोर 5:14

बाराह्‌क इतेके, मोसानाङ सबे अडोङ सास्त्रमता उंदिय पोल्‍लोते माळतप आताङ, अद बेद इतेके निमा कुदतुन जीवा कीतपु, दुस्रोरिन जीवा कीम.

गलातितोर 5:6

इतेके किर्स्तु येसुन नमतेके, डायना रिवज कीयनदु बार आयो, केवद वन बार आयो; येसुनगा विस्वस तासिसि, दुस्रोरिन जीवा कीयना, इदे मोदुल पोल्‍लो आंदु.

1 तिसलुनितोर 4:9

इंजेके ओर्विह्‌क-ओर्वोग़ तमोग़-दादाना लेह्‌का जीवा कीयनद पोल्‍लोतुन, मीक रासलाहि गर्ज इले. ओर्विह्‌क-ओर्वोग़ जीवा कीम्ह्‌टु इनजोर, देवुळि तनाय मीक काग़्हता.

1 पत्रु 3:8

(नना बेव-बेव वेहतन, अविना) मोदुल पोल्‍लो इदे आंदु: मीट सबेटोरिर उंदिय विचरते मन्जि, ओर्विह्‌क-ओर्वोग़ जीवा लोपवाल, तमोग़-दादानलेह्‌का जीवा केवाल, दुस्रोरेनाह्‌क जीवा उनेम आयवाल, इद्रमलेह्‌का मन्ह्‌टु. नना बेरोनन इन्जि पोग़यनदायो.

1 पत्रु 4:8

सबेट्काय बेसतल पोल्‍लो बेद इतेके, ओर्विह्‌क-ओर्वोग़ अमेसा पूरा जीवाताहि जीवा कीसोर मन्ह्‌टु. अह कीतिर इतेके, मीटु ओर्वोग़-ओर्विना पापमतुन मापि कीकिर.

1 योहन 2:7

मावोरिर! नना मीकु पूना अडो रासोन, मति मुनेताहि मीट पुतदु, पाळ्ना अडोतुने रासलाह आतन. मीट विस्वसते वातग्डाहि केंजतद पोल्‍लोये, इद पाळ्ना अडो आंदु.

1 योहन 3:11

माटु ओर्विह्‌क-ओर्वोग़ जीवा कीसोर मनदना, इद पोल्‍लोतुन इतेके, मीट सबेटोरिर विस्वसते वातग्डाह केंजतिर.

1 योहन 3:14

माट इंजेके हामुरता लावताहि पेसिसि, देवुळता पिसमुळतुन दोर्किह कीतल इनजोर, माक एर्का मन्ह्‌ता. बाराह्‌क इतेके, माट मावा ऐंगेटोर विस्वसिरिन जीवा कीय्ह्‌नल. मति बोर अद्रम जीवा केवोर, ओर हातप लेह्‌काने मन्ह्‌तोर.

1 योहन 3:18

अदिनेनाह्‌क पेकोरिर! माट सिरप तोडटा पोल्‍लो वळ्ह्‌किस जीवा कीयनद आयो. मति देवुळता सेतेम पोल्‍लोतुन नमिसि, दुस्रोरेनाह्‌क बेसताङ कबस्क कीयना गावले.

1 योहन 3:23

अद्रमे तना मग़ि येसु किर्स्तुना पोग़ोन, माट विस्वस कीयना इनजोर, देवुळ उकुम ईता. अद्रमे माट ओर्विह्‌क-ओर्वोग़ जीवा कीयना इनजोर बार, किर्स्तु उकुम ईतोग़.

1 योहन 4:11

अदिनेनाह्‌कु मावोरिर! देवुळि माक इचोन जीवा कीता इतेके, माट वने ओर्विह्‌क-ओर्वोग़ जीवा कीयना गावले.