1 योहन 4:15 - माडिया गोंड पवित्र सास्त्रम

¹⁵ येसुये देवुळता मग़ि इनजोर, बोर कबुल कीस्तोर, ओरा जीवातगा देवुळ जागा आस्ता; ओसो ओर वने देवुळता संगे जोळेम आस मन्ह्‌तोर.

1 योहन 4:15 Iomraidhean Croise

मत्याल 10:32

“बोरु लोकुरा मुनेह येसुनाङ कग़यवानन इन्जि कबुल आस्तोर, ओरिन नना वने आक्रि नेयमता वेलाते, नावा देवुळदीपतोग़ बाबाना मुनेह, वेर मावोरे इनदकन.

लूकाल 12:8

“ओसो नना मीक वेहतह्‌नन, बोग़ु लोकुरा मुनेह, नना येसुनाङ कग़यवानन इन्जि कबुल आस्तोग़, ओन नना माने-मन्कना नडुम पुटटोनन, आक्रि नेयमता वेलाते, नावा देवुळता मुनेह ओसो देवतुल्कना मुनेह वेग़ मावोग़े इनदकन.

योहन 6:56

बोर नावा मेंदुदुन तिनदनुर ओसो नावा नेतुरतुन उनडनुर, ओर नयगा जोळेम आस मनदनुर, ओसो नना ओरगा जोळेम आस मनदकन.

बळयिर 8:37

इतस्के पिलिप, “निमा पूरा जीवाताहि येसु किर्स्तुन विस्वस कीतेके, नना नीक एग़ मीहतकन,” इतोग़. पया मंत्रि, “इंगो, येसु किर्स्तु देवुळता मग़ि इनजोर, विस्वस कीय्ह्‌नन,” इतोग़.]

रोम सहरतोर 10:9

अद कबुर इद्रम इतेके, येसुये नावा सामि इनजोर, निमा नीवा तोडटे कबुल आसि, देवुळि ओन हामुरतग्डाहि जीवा अर्हता इनजोर, नीवा जीवाताहि विस्वस कीतेक अचोन, देवुळि नीक पिसिह कीयग़ा.

पिलिपितोर 2:11

अहे सबेटोराङ वेंजेह्‌कु, “येसु किर्स्तुये कतमतोरा सामि” इनजोर कबुल आसि, देवुळबाबाह्‌क मान ईयिर इनजोर, देवुळि येसुन इद्रम कीता.

1 योहन 2:23

बोग़ु देवुळता मग़िन जेक तासिह्‌तोग़, ओनगा देवुळबाबाना तोळ इले. मति बोग़ ओना मग़िन (नावा पिसिह केवाल इन्जि) कबुल कीस्तोग़, ओनगा देवुळबाबाना तोळ मन्ह्‌ता.

1 योहन 2:24

मति मीट बेद पोल्‍लो विस्वस कीतग्डाह केंजतिर, अद पोल्‍लो मीवा जीवातगा मनि. अद्रम मता इतेके, मीट मग़ना संगे ओसो देवुळबाबाना संगे जोळेम आस मनदकिर.

1 योहन 3:23

अद्रमे तना मग़ि येसु किर्स्तुना पोग़ोन, माट विस्वस कीयना इनजोर, देवुळ उकुम ईता. अद्रमे माट ओर्विह्‌क-ओर्वोग़ जीवा कीयना इनजोर बार, किर्स्तु उकुम ईतोग़.

1 योहन 3:24

ओसो बोग़ देवुळता उकुमतुन केंजिस ताकिह्‌तोग़, ओग़ ताना संगे जोळेम आस मन्ह्‌तोग़, अहे अद वने ओना जीवातगा जागा आस्ता. इद्रमलेह्‌का देवुळि मावा जीवातगा जागा आस्ता इनजोर, माक ईतद ताना पवित्र जीवाते, माट पुनदा पग़यह्‌नल.

1 योहन 4:12

बोग़े बेस्केन देवुळतुन ऊळोग़; मति माट ओर्विह्‌क-ओर्वोग़ जीवा कीतेकेने, देवुळि मावा जीवातगा जागा आस्ता. जागा आसि, मयगा मनदनद ताना गूनमि लोकुरिह्‌क पूरा दिसिह्‌ता; (अस्के देवुळतुन ऊळवेकाय, ओर तान पुनदा पग़यह्‌तोर.)

1 योहन 4:2

ओरगा निटम देवुळता जीवा मन्ह्‌ताया, इले इनजोर, मीट इद्रमलेह्‌का ऊळकिर: येसु किर्स्तु मन्कल मारियिस, इद बूमते वातोग़ इनजोर बोर वेहतह्‌तोर, ओरु देवुळता जीवाताहि वळ्ह्‌किह्‌तोर.

1 योहन 5:1

येसुये देवुळ लोहतोग़ पिसिह केवाल इनजोर, बोर बोर विस्वस कीस्तोर, ओर देवुळताङ मग़्क-मयास्‍क आस्तोर. ओसो बोग़ाय तना बाबान जीवा कीस्तोग़, ओग़ु बाबानग्डाहि पुटटोर सबेटोरिन वने जीवा कीस्तोग़.

1 योहन 5:5

येसुये देवुळता मग़ि इनजोर बोग़ विस्वस कीस्तोग़, ओग़ इद दुनियाताङ लाग्वाङ कबस्कनाहि पिह्‌ट अरयह्‌तोग़.

2 योहन 1:7

लोकुरिन नाळेह कीस लेसिह केवालोर वेल्‍लाटोर, दुनियाते पेसतोर. येसु किर्स्तु मन्कल मारियिस इद बूमते वावोग़ इनजोर, ओर वेहतलाह आतोर. इद्रम वेहवालोरे लेसिह केवालोरु, ओसो किर्स्तुना विरुदतोर आंदुर.