1 योहन 3:4 - माडिया गोंड पवित्र सास्त्रम

⁴ बोर पापम कीसोर मन्ह्‌तोर, ओर देवुळताङ अडोना विरुद आस्तोर. पापम कीयना इतेके, देवुळताङ अडोना विरुद आयनदे.

1 योहन 3:4 Iomraidhean Croise

मत्याल 5:19

अदिह्‌कु बोराय इचीटा अडोतुन माळोर, ओसो दुस्रोरिन वने अहे तमा मतप काग़्हतह्‌तोर, ओरु देवुळ राजेम कीयना लोकुरगा, सबेटोरिह्‌क उड्लोर आयनुर. मति बोर इव अडोनु माळिह्‌तोर, ओसो अहे काग़्हतह्‌तोर, ओरु देवुळ राजेम कीयना लोकुरगा बेरोर आयनुर.

बळयिर 23:3

उकुम ईतस्के पोलु इतोग़, “निमा चुना ओकतद गूरेता लेह्‌काडोनिन सोङ केवानिन, देवुळि नीके सिक्सा ईयग़ा. बाराह्‌क इतेके देवुळता सास्त्रमताङ अडोङ वेहतपु, नावा नेयम कीयलाहि, निमा उदिसाय मति, सास्त्रमता विरुदते नाक नल्हतलाहि, उकुम ईयलाह आतिन अय?” इतोग़.

रोम सहरतोर 3:20

बाराह्‌क इतेके, अडोना इसबते ताकलाह ऊळतेके, बोग़े मन्कल देवुळता मुनेह सेतेमतोग़ आयोग़. मति इव अडोङे मावा पापमतुन, माक बेस पुन्पिह कीसीस्ताङ.

2 कुरिंततोर 12:21

ओसो इद्रम वने रेयतन: मियग्डोर विस्वसिर उच्वुर, ओर्विह्‌क-ओर्वोग़ साट्याल कबस्क, लजालेवा करब कबस्क, इद्रमता पापम कींदुर. ओर तमा पापमता अग़दाहि मलवदिन ऊळिसि, नाक दुकम आनाह आयो बहा; इद्रम नावा देवुळि नाक मीवा मुनेह, लजा वानाह केवो बहा इनजोर रेयतन.

याकुब 5:15

ओरु विस्वसते कीतद पार्तनाते, बेमरतोग़ बेस आयनोग़. सामि ओन बेमरतग्डाहि तेहतग़ा. ओसो ओग़ पापम कीस मतेक तेला, ओना पापमतुन मापि कीयग़ा.

1 योहन 5:17

सबे लाग्वाङ कबस्कु पापमे आस्ताङ, मति सबे पापम कबस्कु देवुळताहि एग़िह केवोङ.