1 योहन 2:5 - माडिया गोंड पवित्र सास्त्रम

⁵ मति बोग़ु देवुळता पोल्‍लोतुन केंजिसि अद्रम ताकिह्‌तोग़, ओनगा निटमे देवुळता गूनम मन्ह्‌ता. इदिन ऊळिसि, माट देवुळता संगे जोळेम आस मह्‌नल इनजोर, माक तेळियिह्‌ता.

1 योहन 2:5 Iomraidhean Croise

लूकाल 11:28

इतस्के येसु इतोग़, “आयो, देवुळता पोल्‍लोतुन केंजिसि, अद्रम ताकवालोरे बेरा देय्वातोर आंदुर,” इतोग़.

योहन 14:21

बोर नावा पोल्‍लोतुन माळिह्‌तोर, ओरे नाक जीवा केवालोर आंदुर. ओसो बोर नाक जीवा कीस्तोर, ओरिन नावा बाबाल जीवा कीस्तोग़. नना वने ओरिन जीवा कीकन, अस्के नाक ननाने ओरिह्‌क पुनाह कीकन,” इन्जि येसु वेहतोग़.

योहन 14:23

येसु ओन इतोग़, “बोर नाक जीवा कीयनुर, ओर नावा पोल्‍लोतुन माळनुर. बाबाल ओरिन जीवा कीयनोग़, पया माट इर्वोम ओरगा वासि, जागा पोयतकोम.

योहन 15:5

नना तोंडालेह्‌काडोनन; मीट नावाङ कांदानिर आंदिर. बोर नयगा जोळेम आस मन्ह्‌तोर, नना ओरगा जोळेम आस मह्‌नन, अस्के अव कांदाङ वलियिसि पका आदिह्‌ताङ. बाराह्‌क इतेके नयग्डाहि एग़िस मतेके, मीक देवुळतेनाह्‌क बातय कीया वावो.

योहन 6:56

बोर नावा मेंदुदुन तिनदनुर ओसो नावा नेतुरतुन उनडनुर, ओर नयगा जोळेम आस मनदनुर, ओसो नना ओरगा जोळेम आस मनदकन.

रोम सहरतोर 8:1

(मुने नाक पापम ताकिह कीसि, अमेसाता हामुरतेके ओसींदु.) मति इंजेके नना येसु किर्स्तुन विस्वस कीताह्‌कु, नयगा मनदनद देवुळता जीवा पापमता, हामुरता कयदग्डाहि नाक विळ्सिह कीता. अदे जीवा इंजेके नाक ताकिह कीस्ता. (अदिनेनाह्‌क देवुळि कसुरतोरिर इन्जि, मावा नेयम कीयग़ा इनजोर, माक बातय रेय इले.) येसु किर्स्तुन विस्वस केवालोरिह्‌क, [मन्कना बुदते ताकवा, देवुळता जीवा वेहतप ताकवालोरिह्‌क,] देवुळि बेस्केन सिक्सा एवो.

1 कुरिंततोर 1:30

मति देवुळि मीक किर्स्तु येसुना संगे जोळे कीता. किर्स्तुना मेटे माट देवुळतुन पुनदनद बुदि दोर्किह कीतल. किर्स्तुना मेटे माक देवुळ सेतेमतोर कीता, पवित्र मन्कलोर कीता. किर्स्तुये माक पापमता सिक्साताहि विळ्सिह कीतोग़.

2 कुरिंततोर 5:17

बह इतेके, इंजेके बोर बोर किर्स्तुना संगे जोळेम आतोर, ओर पूना मन्कलोर आतोर. ओरगा मतव पाळ्नाङ पोल्‍लोङ मायताङ. इंजेके ओरा पूरा पिसमुळ पूना आता.

2 कुरिंततोर 5:21

किर्स्तु पापमलेवा मतोग़. मतेक तेला माट ओना संगे जोळेम आसि, देवुळता मुनेह सेतेमतोर आयना इनजोर, देवुळि मावा पापमतुन ओना पोग़ोन वाटिसि, मावा बद्लाते ओन्क सिक्सा ईता.

याकुब 2:22

ऊळाट, ओना विस्वस ओसो ओग़ कीतव कबस्क कलियिस मताङ, ओनाङ कबस्कनेन ओना विस्वस करल दिसता.

1 योहन 3:24

ओसो बोग़ देवुळता उकुमतुन केंजिस ताकिह्‌तोग़, ओग़ ताना संगे जोळेम आस मन्ह्‌तोग़, अहे अद वने ओना जीवातगा जागा आस्ता. इद्रमलेह्‌का देवुळि मावा जीवातगा जागा आस्ता इनजोर, माक ईतद ताना पवित्र जीवाते, माट पुनदा पग़यह्‌नल.

1 योहन 4:17

देवुळि इद दुनियाते मावा ताकमुळतुन ऊळिसि, येसुना ताकमुळतुन ऊळतप आंदु. अदिनेनाह्‌क देवुळि सबेटोर लोकुरा नेयम कीयह्‌पा, माट रेयवालेवा दीरा पोस मनदकल. सिक्सातुह्‌क मन्कलोर रेयिह्‌तोर, मति बोग़ देवुळता गूनमते निंदिस मन्ह्‌तोग़, ओनगा रेय वसनद पोल्‍लो मनो. ओग़ देवुळता नेयमते बाताल सिक्सा दोर्कग़ा इन्जि रेयोग़. मति बोग़ विस्वसि देवुळता गूनमते निंदिस मनोग़, ओग़ु नेयमतेनाह्‌क रेयिह्‌तोग़.

1 योहन 5:2

अद्रमे माट देवुळतुन जीवा कीसि, ताना उकुमतुन केंजिस अद्रम ताकतेके, तानाङ मग़्क-मयास्किन माट जीवा कीय्ह्‌नल इनजोर, माक एर्का आस्ता.

1 योहन 5:20

देवुळता मग़ि येसुसामि इद बूमतगा वासि, सेतेम देवुळतुन पुनदना इन्जि, ओग़ माक बुद ईतोग़. माट इंजेके इदे निटम देवुळता संगे जोळेम आतल इतेके, ताना मग़ि येसु किर्स्तुना संगे जोळेम आतल. सेतेम देवुळ ओसो अमेसाता पिसमुळ एवाल वेग़े आंदोग़. माक विस्वसिरिह्‌क इव सबे पोल्‍लोङ एर्काय मन्ह्‌ताङ.

2 योहन 1:6

मीट विस्वस कीतस्केडाहि केंजिह्‌निर अद्रमलेह्‌काने, (ओर्विह्‌क-ओर्वोग़ जीवा कीम्ह्‌टु इनजोर,) देवुळि उकुम ईता. ताना उकुम केंजिस ताकनदे, निटम जीवा कीयनद आंदु.

तोहचीतव पोल्‍लोङ 12:17

अदिनेनाह्‌क मासुंड तरसि आंचाना पोग़ोन ओङ आता; आसि तानाङ पिसतोर पेकोरा संगे, लळेम आयलाह अता. तानाङ पेकोर इतेके, देवुळताङ अडोन माळवालोर, ओसो येसुना साक्सि एवालोर मन्कलोरु. पया अद मासुंडि सम्दुरता दडटगा अन्ज निता.

तोहचीतव पोल्‍लोङ 14:12

अदिनेनाह्‌क इद पोल्‍लोतुन सीता कीसि, देवुळताङ अडोङ वेहतप माळसोरे, येसुन विस्वस कीयनदिन विळ्सवोर, देवुळता पवित्र मन्कलोर तमा तिपलते दीरा पोस मनदना,” इनजोर इता.