1 योहन 2:21 - माडिया गोंड पवित्र सास्त्रम

²¹ मीट सेतेमतुन पुनविर इनजोर नना रासोन, मति मीट सेतेमतुन पुतिर, सेतेमताहि बेदे जोल पुटो इनजोर वने पुतिर. अदिनेनाह्‌क रासलाह आतन.

1 योहन 2:21 Iomraidhean Croise

योहन 18:37

अस्के पिलाति ओन इतोग़, “अह इतेक निमा राजानिना?” येसु ओन इतोग़, “निमा इह्‌निन, अहे. सेतेमता लोप्पा वेहतलाहे, नना इद बूमते पुट वातन. बोर सेतेमते ताकिह्‌तोर, ओर नावाङ पोल्‍लोङ केंजिह्‌तोर,” इतोग़.

योहन 8:44

मीट देयह्‌कना मुक्यानाङे मग़्कनिर! अदिह्‌के तानाङे लाग्वाङ कबस्क मीट कीयलाह ऊळिह्‌निर. अद मुनेताहि मन्कन हव्के आंदु. ओसो तानगा बातय सेतेम इले, अदिह्‌क अद बेस्केन सेतेमतुन पोस मनो. ताना बुदिय जोल वळ्ह्‌कनद आंदु, बाराह्‌क इतेके अद जोलहाल ओसो जोलतुन पुटिह कीयनद आंदु.

याकुब 1:19

मावोरिर! मीट सबेटोरिर बेस उसरते केंजना गावले, वळ्ह्‌कलाह कंद्रेम आयना आयो, ओसो चट्पिट ओङ वने आयनद आयो, इव पोल्‍लोन सीताते तासाटु.

2 पत्रु 1:12

इंजेके मीक काग़्हतद सेतेम कबुरतुन बेस पोस मन्जि, मीट ताकलाह आतिरे. तेला मति इव पोल्‍लोन मीक सीता कीसीयलाह, नना अमेसा तयर मनदकन.

1 योहन 3:19

इद्रमलेह्‌का ओर्विह्‌क-ओर्वोग़ जीवा कीतेकेने, माट देवुळता सेतेम अग़दे ताकिह्‌नल इनजोर, माक एर्का आयग़ा. ओसो माट देवुळता मुनेह, दीराते रेयवालेवा मनदकल. अस्के मावा बुदि माक कसुर तोहतेकाय, मावा बुदतुह्‌काय वीळिसि, देवुळता बुद एक्‍वा मन्ह्‌ता, अद मावा लोप्पा पूरा पुन्जि, (माक गूनम तोहतह्‌ता).

यहुदाल 1:5

नना इंजेके बेव पोल्‍लोन वेहतह्‌नन, अविन मीट पुतिरे; मति मीक ओसो सीता कीसीयलाह आतन. अव इद्रम मन्ह्‌ताङ: सामि तना इस्रयेल मन्कलोरिन मिसर देसेमतोरा कयदाहि पिसिह कीसि, अद देसेमताहि पेहच तच मता; मति पया ओरा मुडग्डाहि, विस्वस केवोरिन बूळे कीसीता.