1 योहन 2:18 - माडिया गोंड पवित्र सास्त्रम

¹⁸ पेकोरिर! आक्रिता वेला एवता. किर्स्तुना मोदुल विरुदतोग़ वायनोग़ इनजोर मीट केंजतिर. अद्रमलेह्‌काने इंजेक वने, किर्स्तुना विरुदतोर वेल्‍लाटोर वातोर. अदिनेनाह्‌क आक्रिता वेला वाता इनजोर माट पुतल.

1 योहन 2:18 Iomraidhean Croise

मत्याल 24:11

ओसो वेल्‍लाटोर जोलहालोरु, जोल कबुर वेहचि, लोकुरिन लेसिह कीयनुर.

मत्याल 24:24

बाराह्‌क इतेके, नना देवुळ लोहतोग़ राजानन इनवालोर जोलहालोरु, ओसो देवुळता कबुरतोनन इनवालोर जोलहालोरु, इद्रमतोर पुटनुर. ओर बेराङ-बेराङ बामिह कीयनाङ सीनाङ तोहचि, देवुळ आचतोर लोकुरिन वने लेसिह कीयलाह ऊळनुर. मति ओर अह कीया पग़वोर आयनुर.

मत्याल 24:5

बाराह्‌क इतेके वेल्‍लाटोरे नावा पेदिर पोस वासि, नना देवुळ लोहतोग़ राजानन आंदन इनजोर, वेल्‍लाटोरिन नाळेह कीयनुर.

मार्कल 13:6

वेल्‍लाटोर नावा पेदिर पोस वासि, ‘नना देवुळ लोहतोनन,’ इनजोर वेल्‍लाटोरिन नाळेह कीयनुर.

योहन 21:5

अस्के येसु आळो कीतोग़, “उचुक तेला मीन्क पोयविर रा, पेकोरिर?” “एंह-एंह, माकु उंदाय मीन दोर्को,” इनजोर ओर इतोर.

रोम सहरतोर 13:11

माट मुने किर्स्तुन विस्वस कीयलाह आतल अस्के, देवुळि माक इद ईकळता दुनियाताहि पिसिह कीयनद कगो बेस्के एवयग़ा इनजोर, अग़ ऊळिंदल. इंजेके अद कगो एरे एवता. अदिह्‌क मीट मीवा निद्रताहि तेदिसि, उसर आम्ह्‌टु. नना वेहतप लेह्‌का ताकाटु.

रोम सहरतोर 13:12

इंजेक ईकळ मारलाह आसि, वियतलाह आता. अदिनेनाह्‌क माट ईकळता लेह्‌काडाङ लाग्वाङ कबस्किन पोहचि, देवुळता वेह्‌चते ताकसोरे, ईकळतुन आरे कीयलाह तयर आयिङ.

इब्रितोर 1:2

मति इंजेके, इद आक्रिता कालमते बार, तना मग़िन लोहता, लोहचि ओना मेटे मावा संगे वळ्ह्‌कता. ओनाय मेटे इळ्ता, पोग़ोटा बूमतगा मनदनव सबेटविस्किन पंडटा. पंडिसि ओनाये अदिकरते सबेटविन ईसीता.

1 पत्रु 1:20

इदे कबळतुह्‌क इन्जि, देवुळि येसुनु इदु बूमि पुटनामुनेने, आचिस मता; मति इंजेके इव आक्रिताङ दियानेन, येसु मियेनाह्‌कु इन्जि, इद बूमते वासि, दुनियातोरिह्‌क दिसतोग़.

1 पत्रु 4:7

इंजेके इद दुनियाताङ आक्रि दियाङ गट्‌नेन एवताङ. इद पोल्‍लोतुन सीता कीसि, मीट पार्तना कीयनस्के, उसरते मनदना इन्जि, अक्‍र्ने मन्ह्‌टु.

2 पत्रु 2:1

मति देवुळता कबुर वेहवालोरोम इनजोर, नाळेह केवालोरु, मुने देवुळता मन्कलोरा नडुम मंदुर. अद्रम इंजेके वने, जोल पोल्‍लोङ काग़्हवालोर मियगा मनदनुर. विस्वसतुन बूळे कीयनव जोल पोल्‍लोन, कुस्क्ने पोकुर कीयनुर. आपुना जीवाता कर्सा ईस ओरिन असतोग़ माल्काना पोल्‍लो केंजवा ताकनुर. इद्रम कीसि, ओर कुद चट्पिटे गोसातगा अरयनुर.

2 पत्रु 3:3

मुने मीट इद पोल्‍लोतुन पुनदना गावले: आक्रिताङ दियाने, आपुना लालुसते ताकवालोर वायनुर, ओर मीक कवयनुर, ओसो

1 योहन 2:22

ओसो बोग़ु येसुन देवुळ लोहतोग़ पिसिह केवाल किर्स्तु आयोग़ इन्ह्‌तोग़, ओग़ जोल मन्कल आंदोग़. इद्रमतोग़ु किर्स्तुना विरुदतोग़ आंदोग़, ओग़ु देवुळबाबान ओसो ओना मग़िन जेक तासिह्‌तोग़.

1 योहन 4:1

मावोरिर! नयगा देवुळता जीवा मन्ह्‌ता इनवालोर, सबेटोरा पोग़ोन विस्वस तासमाटु. (देवुळता कबुर वेहवालोरोम इनजोर,) जोल कबुरतोर वेल्‍लाटोर, दुनियाते तिरियसोर नाळेह कीस्तोर. अदिनेनाह्‌क ओरगा निटम देवुळता जीवा मन्ह्‌ताया, इले इनजोर, सेतेमतुन पर्ह्‌किस ऊळाटु.

1 योहन 4:3

मति बोरु, येसु किर्स्तु मन्कल मारियिस वावोग़ इनजोर वेहतह्‌तोर, ओरु देवुळता जीवाताहि वळ्ह्‌कोर. इद्रमतोर इतेके, येसु किर्स्तुना विरुदतोर आंदुर. किर्स्तुना मोदुल विरुदतोग़ वायनोग़ इनजोर, मीट केंजिस मतिर. मति ओग़ विरुदतोना बुदि, इंजेक इंका इद दुनियाते मन्ह्‌ता.

2 योहन 1:7

लोकुरिन नाळेह कीस लेसिह केवालोर वेल्‍लाटोर, दुनियाते पेसतोर. येसु किर्स्तु मन्कल मारियिस इद बूमते वावोग़ इनजोर, ओर वेहतलाह आतोर. इद्रम वेहवालोरे लेसिह केवालोरु, ओसो किर्स्तुना विरुदतोर आंदुर.

यहुदाल 1:18

ओर मीक इद्रम वेहचोर मंदुर: “आक्रिताङ दियाने देवुळतुन कवालोर मन्कलोर पेसनुर; ओर तान्क ओप्पनाह ताकवा, तमाङ लालुस्कना इसबते ताकनुर,” इनजोर वेहचोर मंदुर.