1 योहन 2:15 - माडिया गोंड पवित्र सास्त्रम

^15-16 (इंजेके जमा आतोरिन वेहतलाह आतन:) इद दुनिया ईयनद गिर्दातुन पर्ह्‌कना, आपुनाङ कोंडाह्‌क दिसतदिन लालुस कीयना, इद दुनियाता मालसोमते पोमाडेङ कीयना, इव सबे पोल्‍लोङ देवुळबाबानाङ आयोङ, मति ओन पुनवोराङ आंदुङ. अदिनेनाह्‌क इद दुनियातुन, ओसो इद दुनिया मीक ईयनद बेदिने, मीट जीवा केमाटु. बोग़ इदिन जीवा कीस्तोग़, ओग़ देवुळतुन जीवा केवोग़.

1 योहन 2:15 Iomraidhean Croise

मत्याल 4:8

ताना पया देयह्‌कना मुक्याल येसुनु उंद पका बेरा मेटाकोकतगा ओता, ओसि ओन्कु दुनियाताङ सबे राजेह्‌क, ओसो अविस्कना सोबातुन तोहता.

मत्याल 6:24

“बोग़ाय इर्वुर माल्कालोरा सेवा-साकुर कीया पग़वोग़. बाराह्‌क इतेके ओग़ु ओर्विन बार कोटुल कीयनोग़, ओर्विन बार जीवा कीयनोग़. इलवेके ओग़ु ओर्विना पोल्‍लो केंजनोग़, ओर्विना पोल्‍लो बार केंजोग़ आयनोग़. अद्रमे मीट वने मालसोमु ओसो देवुळि, इव रेंडिना सेवा मुर्तिय कीया पग़विर.

लूकाल 16:13

“अदिनेनाह्‌क ओर्वोग़े ओर्युलतोग़ु, इर्वुर माल्कालोरा सेवा-साकुर कीया पग़वोग़. बाराह्‌क इतेके ओग़ ओर्विन बार कोटुल कीयनोग़, ओसो ओर्विन बार जीवा कीयनोग़. इलवेके ओर्विना पोल्‍लो केंजनोग़, ओर्विना पोल्‍लो बार केंजोग़ आयनोग़. अद्रमे मीट वने मालसोमु ओसो देवुळि, इव रेंडिना सेवा मुर्तिय कीया पग़विर,” इनजोर वेहतोग़.

योहन 15:19

मीटु दुनियातोरिर आस मतेके, दुनियातोर मीक मावोर इनजोरे, जीवा केवेर. मति नना मीक दुनियातोरग्डाहि आचिसि, एग़्‍पिह कीतन इन्जि, मीट दुनियातोरिर आयविर. अदिह्‌क दुनियातोर मीक कोंटे कीस्तोर.

रोम सहरतोर 12:2

इद दुनियातोरा लेह्‌का ताकलाह मीट ऊळमाटु, मति देवुळ मीवाङ विचर्किन मिळ्हचि, मीक पूना बुद ईयि. अस्के बेद्रम ताकना इन्जि देवुळता विचर मन्ह्‌ता, अदिन मीट पुनदकिर. इद्रमता ताकमुळि नेह्‌नलि, ओसो देवुळतुह्‌क विचर वायनदु, बाताले तपलेवद आंदु.

गलातितोर 1:10

बह इंजेके लोकुराहि मान दोर्कना इन्जि, नना ऊळिह्‌नना? बारा देवुळता देय्वा दोर्कना? बह मन्कलोरिन नना गिर्दा केवानन आय्ह्‌नना? मन्कलोरिन नना गिर्दा केवानन आस मतेके, किर्स्तुना कय इळ्न नना मनोन आवेनन.

इपिसुसतोर 2:2

देवुळतुन पुनवोर ताकिह्‌तोर, अदे अग़दे मीट मुने ताकिंदिर. पोग़ोन वळ्‍दे मनदनव देयह्‌कना मुक्याल बह ताकिह कींदु, अद्रमलेह्‌काने ताकिंदिर. इंजेक वने देवुळताङ पोल्‍लोङ केंजवोरिन, अवे देयह्‌कना मुक्याल ताकिह कीस्ता.

याकुब 1:27

मति मूरा-मूरि पिलाङ-पेकोरा, ओसो रांडे आस्कना तिपलतुन ऊळिसि, ओरा साय्ता कीयना. ओसो इद दुनियाताङ सबे लाग्वाङ कबस्कनग्डाहि, कुदतुन जेक तासना, इद्रमताये ताकमुळ मावा देवुळबाबाना विचरते, तपलेवद निटमता कर्तुळ आंदु.

याकुब 4:4

एय देवुळतुन जीवा केवोरिर, दुनियातुन जीवा कीयना इतेके, देवुळता संगे विरुद आयना लेह्‌का आस्ता. बोग़ मन्कल दुनियातुन जीवा कीयलाह ऊळिह्‌तोग़, ओग़ मन्कल देवुळता विरुदतोग़ आस्तोग़, मीक इद पोल्‍लो एर्का इलेया?

1 योहन 3:17

बोर विस्वसिरगा तम्क पिसलाह, बेचोनो मालसोम मन्ह्‌ता, मति मालसोमलेवोर विस्वसिर पका तिपल आस्तोर. लेवोरा तिपलतुन ऊळिसि, मता मन्कलोरा जीवा उचुन वने नोयो इतेके, अद्रमतोर मन्कलोर मयगा देवुळता गूनम मन्ह्‌ता इन्जि, बेद्रम इनदा पग़यनुर?

1 योहन 4:5

(देवुळता पोल्‍लो ततोम इनजोर नाळेह केवालोर,) इद दुनियाता बुदतोर आंदुर. अदिनेनाह्‌क दुनियाताङे पोल्‍लोङ वळ्ह्‌किह्‌तोर. अहे इद दुनियातोर लोकुर ओराङ केंजिह्‌तोर.

1 योहन 5:10

अदिनेनाह्‌क देवुळता मग़ि येसुसामिन बोग़ विस्वस कीस्तोग़, ओग़ इद साक्सितुन तना जीवातगा तासिह्‌तोग़. मति बोग़ विस्वस केवोग़, ओग़ देवुळतुन जोल इन्ह्‌तोग़. बाराह्‌क इतेके देवुळ कुद तना मग़ना लोप्पा ईतद साक्सिता पोग़ोन, ओग़ विस्वस केवोग़ इनजोरे.