1 योहन 1:3 - माडिया गोंड पवित्र सास्त्रम

³ देवुळबाबाना मग़ि येसु किर्स्तुन माट ऊळतोम, ओनाङ केंजतोम. मीट वने मावा संगे कलियिस मनदना इन्जि, ओना कबुरतुन मीक वेहतह्‌नोम. माट सबेटोरल ऐंगेन कलियिस मतल इतेके, देवुळबाबाल ओसो येसु किर्स्तु, वेरा संगे कलियिस मतप आस्ता.

1 योहन 1:3 Iomraidhean Croise

योहन 17:11

नेटाहि नना इद बूमते ओसो मनोन आयकन. नना नियके वाय्ह्‌नन, मति वेर इतेके इद बूमतेन मनदनुर. ए पवित्र बाबानिन, बहलेह्‌का माट इर्वल उंद आस मह्‌नल, अहलेह्‌का वेर वने उंद पट आयना इन्जि, वेरिन काप आडा. ओसो निमा नाक नीवा पेदिरता लाव ईतिन, अद लावते वेरिन काप आडा.

योहन 17:21

ए बाबा, बेद्रम निमा, नना, ऐंगे जोळेम आस मह्‌नल, अहे ओर सबेटोर उंद आसि मयगा जोळेम आस मनिर. अस्के निमा नाक लोहतिन इनजोरे, दुनियातोर पुनदनुर.

योहन 17:25

“ए सेतेमतोग़ बाबानिन, नीक दुनियातोर पुनोर; मति नना नीक पुह्‌नन. ओसो निमा नाक लोहतिन इनजोरे, नाक नमवालोर वने पुन्ह्‌तोर.

योहन 17:3

निमा वग़ोनिन सेतेम देवुळतिन इन्जि नीक पुनदना, ओसो निमा लोहतोग़ पिसिह केवाल येसु किर्स्तुन पुनदना, इदे अमेसाता पिसमुळ आंदु.

योहन 19:35

इद पुस्तकतुन रासवाल कुदि अदिन ऊळतोग़, ऊळिसि मीट येसुन नमना इन्जि वेहतह्‌तोग़.(देवुळ लोहतोग़ राजाल येसुना लोप्पा) इद ओना साक्सि करलताये आंदु इन्जि, ओन्क एर्काये.

बळयिर 13:32

देवुळि मावाङ तादोर-बाबोरा संगे वेल्‍लाय मुनेन करल कीस मता. अदे करलता बेसता कबुरतुन इंजेके, माट वने मीकु वेहतलाह आतोम.

बळयिर 2:42

विस्वसिर किर्स्तुनाङ बळयिर काग़्हतनाङ पोल्‍लोन केंजसोरे, ऐंगेन कलियसोरे, किर्स्तुना मोकता सीता कीसि ऐंगेन आरिङ तिनजोरे, पार्तना कीसोरे, इद्रम मंदुर.

बळयिर 4:20

माट ऊळतव, केंजतव पोल्‍लोन वेहवालेवा, केमेन मनदा पग़वोम,” इनजोर इतोर.

रोम सहरतोर 15:27

मुने यहुदि आयवोरिह्‌क देवुळता पोल्‍लोता गर्ज मता, अस्के येरुसलेमता यहुदि जाततोर विस्वसिर, ओरगा देवुळता पोल्‍लोतुन एव्सिह कीसीतोर. मति इंजेके येरुसलेमतोर विस्वसिरिह्‌क तिंड-बंडटा गर्ज मन्ह्‌ता. मुने ओरग्डाहि माक देवुळता पोल्‍लो दोर्कता, इदिन सीता कीसि, इकेडोर यहुदि आयवोर विस्वसिर अद गर्जतुन निहतलाहि, पका गिर्दा आस्तोर.

1 कुरिंततोर 1:30

मति देवुळि मीक किर्स्तु येसुना संगे जोळे कीता. किर्स्तुना मेटे माट देवुळतुन पुनदनद बुदि दोर्किह कीतल. किर्स्तुना मेटे माक देवुळ सेतेमतोर कीता, पवित्र मन्कलोर कीता. किर्स्तुये माक पापमता सिक्साताहि विळ्सिह कीतोग़.

1 कुरिंततोर 1:9

देवुळि तना मग़ि, मावा येसुसामि किर्स्तुना संगे, मीक कलियिस मनदलाह केयता. अद देवुळि बर्वस लायकता आंदु.

1 कुरिंततोर 15:1

मावोर विस्वसिरिर! नना मियगा पोकुर कीतद किर्स्तुना बेसता कबुरतुन, इंजेके ओसो सीता कीसीयलाह आतन. अद कबुरतुन मीट केंजिस नमतिर. ताना पोग़ोन विस्वस तासिसि, इंजेके निच मह्‌निर.

2 कुरिंततोर 13:14

मीक सबेटोरिह्‌क येसुसामि किर्स्तु देय्वा ईयेग़, देवुळि जीवा कीसोर मनि. ताना पवित्र जीवा मियगा कलियसोर मनि.

पिलिपितोर 1:7

मीट सबेटोरिन इद्रम सीता कीयनद नाक बेस ओप्पिह्‌ता. बह इतेके नना इगा जेलते मनदह्‌पा, मीट सबेटोरिर नावा तोळ आतिर. ओसो किर्स्तुना विरुदतोरिन पोल्‍लो मल्हचि, ओना बेसता कबुर सेतेम मन्ह्‌ता इनजोर करल कीयनद, इद नावा कबळते वने, मीट तोळ आतिर. अदिनेनाह्‌क मीक नना जीवा कीय्ह्‌नन.

पिलिपितोर 2:1

मीट इंजेके किर्स्तुना संगे जोळेम आताह्‌कु, मीक दीरा वास्ता. देवुळि मीक जीवा कीसि, मीवा जीवातुह्‌क सितुर ईयलाह आता. ओसो मीक तना जीवा ईसि, मियगा जागा आता. अह कीसि मीकु तना दया कीयनद, जीवा वाटनद बुदि ईता. इव सबे पोल्‍लोङ निटम आताह्‌कु, मीवाङ विचर्क अमेसा ओर्विह्‌क-ओर्वोना संगे कलियिस मनिङ. देवुळि मीक जीवा कीतपु, मीट वने ओर्विह्‌क-ओर्वोग़ जीवा कीम्ह्‌टु. मीट सबेटोरिर उंदिय एकाते मन्जि, देवुळता अग़दे ऐंगेन ताकाटु. अह ताकतिर इतेके, नावा गिर्दा पूरा आयग़ा.

पिलिपितोर 3:10

सेतेमता अग़ि बेद इतेके, किर्स्तुन पुनदना; बेद लावते किर्स्तुन देवुळि जीवा अर्हता, अद लावतुन पुनदना; ओग़ तिपल आतप लेह्‌कान, नना वने तिपल आसि, ओना तिपलतगा कलियना; बह आयि, देवुळि नाक जीवा अर्हचीयि इनजोर किर्स्तु डोलतोग़, अद्रमलेह्‌का नावा मन्कना बुद डोलिस मनदना; इव पोल्‍लोना पोग़ोन नावा विचर मन्ह्‌ता.(अदिनेनाह्‌क बेव पोल्‍लोन मुने पका पाय्दाताङ इंदन, अविस्किन इंजेके विळ्सलाह आतन.)

कुलुसितोर 1:13

ईकळते मतप लेह्‌कान, देयह्‌कना कयदे मतल. मति देवुळि माक देयह्‌कना कयदाहि विळ्सिह कीसि, तना पका जीवा कीतोग़ मग़ना राजेमतगा तचीता.

1 तिसलुनितोर 1:10

बह मीट देवुळता मग़ि, तना जागाताहि ओसो वायनद दियातुन, अग़ ऊळसोर मह्‌निर, इव सबे पोल्‍लोन लोकुर वेहतलाह आतोर. देवुळ जीवा अर्हतोग़ ताना मग़ि येसुये, देवुळ ईयनद आक्रिता सिक्साताहि माक पिसिह कीस्तोग़.

1 तिमोति 6:2

विस्वसि ओर्युलतोना माल्काल वने, विस्वसि मतेक अचोन, नावा माल्काल नावा ऐंगेटोग़ विस्वसि आंदोग़, ओना पोल्‍लो केंजवेक बाताले आयो इनजोर, विचर कीयनद आयो. ओर्युलतोग़ बेस-नेह्‌ना कबळ कीतेक अचोन, माल्काह्‌क पाय्दा दोर्किह्‌ता. ओग़ वने विस्वसि, देवुळि ओन जीवा कीता, अदिनेनाह्‌क ओन्क इंका एक्‍वा सेवा कीसीयना. निमा इव पोल्‍लोन काग़्हचि, ओर्युलतोरिन इद्रम ताकलाह वेहा.

इब्रितोर 2:12

अदिह्‌क देवुळतुन येसु इतद पोल्‍लो, ताना सास्त्रमतगा इद्रम रासिस मन्ह्‌ता: नना नावाङ तमोर-एलास्किह्‌क, नीवा डीसाता लोप्पा वेहतकन, लोकुर जमा आस मोळ्कना जागातगा अन्जि, नना पाटाङ ओसि, नीक जोहर कीकन. इनजोर रासिस मन्ह्‌ता.

इब्रितोर 3:1

अदिनेनाह्‌क मावोर पवित्र विस्वसिरिर! देवुळि मीक बेद पिसमुळते केयता, अवटे मीट वने कलियतिर. अदिनेनाह्‌क येसुना लोप्पाडा पोल्‍लोतुन बेस-नेह्‌ना विचर कीस ऊळाट! ओग़ देवुळ लोहतोग़ (माक पिसिह केवाल), ओसो मावा पेर्माल इन्जि, माट कबुल आय्ह्‌नल.

इब्रितोर 3:14

अहे माट मुने कीतद विस्वसतुन, आक्रि एवनाह विळ्सवालेवा मतल इतेकेने, माट किर्स्तुनाङ सबे पोल्‍लोने पोत्ला आयकल.

1 पत्रु 5:1

इंजेके येसुना मुडगा मनवालोर, मीक मुक्यालोरिह्‌क उंद पोल्‍लो. नना इंका मुक्यानन, येसु किर्स्तुना तिपलतुनु कोंडामेंड ऊळतोनन, ओसो ओग़ु मल्स वायह्‌पा, ओना कदरते, डीसाते कलियवानन आंदन.

2 पत्रु 1:16

(इव पोल्‍लोन बाराह्‌क सीता कीसोर मनदना इतेके,) मावा येसुसामि किर्स्तु तना लावते मयगा वातदिन, माट ओनाङ बळयिरोम मीक वेहतोम. वेहतस्के, पका सत्रल बुदते मन्कलोर पुटिह कीतव पीटोन केंजिस वेहोम; आयो, ओना मिळ्स्कनद डीसातुन मावाङ कोंडाने ऊळतोम.

1 योहन 1:1

बोग़ बूम पुटवस्केडाह मन्ह्‌तोग़, ओना लोप्पा माट मीक वेहतलाह आतोम. ओनाङ माट केंजतोम, मावाङ कोंडाने ऊळतोम, बेस-नेह्‌ना ऊळिसि, मावाङ कय्कने वने इटिस ऊळतोम. ओनाय मेटे देवुळि माक वळ्ह्‌किसि, पिसमुळ ईस्ता.

1 योहन 1:5

येसु किर्स्तुनग्डाह बेद पोल्‍लो केंजतोम, अदिन मीक वने वेहतलाह आतोम. अद इद्रम मन्ह्‌ता, देवुळि वेह्‌चलेह्‌का मन्ह्‌ता. तानगा मुर्तिय ईकळ इले.

1 योहन 1:7

मति देवुळि बेद्रम वेह्‌चते मन्ह्‌ता, अद्रमलेह्‌का माट वने ताना वेह्‌चते ताकतेके, ओर्विह्‌क-ओर्वोग़ कलियिस मह्‌नल. ओसो देवुळता मग़ि येसुना नेतुर, मावा सबे पापमतुन एडिह कीस्ता.