1 कुरिंततोर 9:8 - माडिया गोंड पवित्र सास्त्रम

⁸ नना सिरप मन्कलोरा विचरतेन वेहोन;

1 कुरिंततोर 9:8 Iomraidhean Croise

रोम सहरतोर 3:31

अह इतेके, माट अडोन माग़्ङतप लेह्‌का आतला? आयो! विस्वस कीतेकेने, देवुळता जीवा माकु अडोङ वेहतप ताकिह कीस्ता.

रोम सहरतोर 3:5

उय्तुर तमा मन्कना बुदते इद्रम इनेर, “मावा पापमतेनाह्‌कु, देवुळि पका सेतेम दिसिह्‌ता. पापमता इद्रम पाय्दा आस्ता इतेके, देवुळि माक सिक्सा ईसि, सेतेमते नेयम केवो,” इनेर.

रोम सहरतोर 6:19

मीक इव पोल्‍लोङ तेळियलाह तिपल मताह्‌कु, नना इद्रम पुन्पिह कीयनव पोल्‍लोने वेहतह्‌नन. मुने मीट पापमता कय इळ्न मतिर अस्के, मीक सेतेमता अग़दे ताकलाह विचर वावो. मीवाङ मेंदुस्किन करबताङ विचर्कना कय इळ्न मनदलाह ईतिर, अह कीसि देवुळताङ अडोन देहचोरेन अतिर. मति इंजेके मीट मीवाङ मेंदुस्किन, सेतेमताङ विचर्कना कय इळ्न मनदलाह ईम्ह्‌टु. अस्के मीट देवुळता पवित्र लोकुरिर आयकिर.

1 कुरिंततोर 14:34

अगा विस्वसिरा मुल मोळ्कलाह कलियिह्‌तोर, अस्के आस्क केमेन मनदना. अव वेल्‍लाङ पोल्‍लोङ ताल्ह्‌कनद ओप्पो. गळ्बळ आयनदायो इन्जि, मोसानाङ अडोना सास्त्रम वेहतपु, अव तमाङ तोडिनु आव्रे कीसोर, पोल्‍लोङ केंजिस मनदना.

1 कुरिंततोर 7:40

मति नावा विचरते, अद दुस्रोग़ मुजोह्‌क अनवा मतेक अचोन, बेस ओप्पग़ा. ओसो बेद्रम माट देवुळता जीवाता बुदते वळ्ह्‌किह्‌नोम इनजोर इह्‌निर, अद्रमे इव सबे पोल्‍लोन वेहनेके, नाक वने देवुळता जीवा ताकिह कीस्ता इह्‌नन.

गलातितोर 1:11

मावोरिर, बेस केंजाटु! बेद बेसता कबुरतुन नना मीक वेहच मतन, अद मन्कना बुदता आयो.

1 तिसलुनितोर 2:13

माट मीक देवुळता पोल्‍लोतुन वेहतोम अस्के, मीट तान मन्कलोरा आयो, मति देवुळता पोल्‍लो इनजोर केंजतिर. अदिनेनाह्‌क वने, माट अमेसा देवुळतुन जोहर कीय्ह्‌नोम, अद निटम देवुळता पोल्‍लोये! अद पोल्‍लो इंजेके मीक विस्वस कीतोरिन, देवुळतुह्‌क विचर वानाह पिसलाह, बद्ले कीयलाह आता.

1 तिसलुनितोर 4:8

अदिनेनाह्‌क इद पोल्‍लोतुन बोग़ पास्किह्‌तोग़, ओग़ मन्कनु पास्कोग़ मति, देवुळतुन पास्किह्‌तोग़. इतेके, तना पवित्र जीवातुन मीवा जीवातगा उदिह कीयनदु, अद देवुळतुन पास्किह्‌तोग़.