1 कुरिंततोर 5:10 - माडिया गोंड पवित्र सास्त्रम

¹⁰ इतेके साट्याल कबळ केवालोर, लालुस मन्कलोर, नाळेह कीस तिनवालोर, बोमान मोळ्कवालोरा संगे कलियनद आयो इन्जि, इद दुनियातोर पापम केवालोरा लोप्पा रासोन. अह मतेके मीक इद बूमतुन विळ्सिसि, बेकेयो दुस्रा बूमतेके दाया पोस मनालि.

1 कुरिंततोर 5:10 Iomraidhean Croise

लूकाल 18:11

परुसि बाताल कीतोग़ इतेके, ओग़ सिद्‌वा एनवानग्डाह जेक निचि, इद्रम पार्तना कीतोग़, ‘ए देवुळतिन! नना दुस्रोरा लेह्‌का कलेनन आयोन, ओसो नाळेह केवानन वने आयोन, साट्याल कबळ केवोन. ओसो नियोग़ सिद्‌वा एनवाना लेह्‌का वने, नना लोकुरिन मुळ्हवानन आयोन. अदिनेनाह्‌कु नना नीक जोहर कीय्ह्‌नन.

योहन 15:19

मीटु दुनियातोरिर आस मतेके, दुनियातोर मीक मावोर इनजोरे, जीवा केवेर. मति नना मीक दुनियातोरग्डाहि आचिसि, एग़्‍पिह कीतन इन्जि, मीट दुनियातोरिर आयविर. अदिह्‌क दुनियातोर मीक कोंटे कीस्तोर.

योहन 17:6

“बोर मन्कलोरिन निमा इद दुनियातोरग्डाहि नाक ईतिन, वेरिह्‌क निमा बेद्रमतोनिन इन्जि, नना पुन्पिह कीतन. वेर नीवा मन्कलोर आसि, वेरिन निमा नाक ईतिन. ओसो वेर नीवा पोल्‍लोतुन केंजिस, अहलेह्‌का कीतोरु.

योहन 17:9

वेरेनाह्‌क नना इंजेके नीक ताल्ह्‌किह्‌नन. नना दुनियातोरेनाह्‌क ताल्ह्‌कोन, मति बोरिन निमा नाक ईतिन, सिरपि ओरेनाह्‌के ताल्ह्‌किह्‌नन, बाराह्‌क इतेके वेर नीवाये लोकुर आंदुर इनजोरे.

योहन 8:23

ओग़ पया ओरिन इतोग़, “मीट इळ्ता बूमताहि, मति नना पोग़ोटा बूमताहि. मीट इद दुनियातोरिर, मति नना इद दुनियातोनन आयोन.

1 कुरिंततोर 1:20

अद इसबते देवुळता मुनेह, बुदतोरोम तेल्वतोरोम इनजोर इनवालोर, बाताले कबळतुह्‌क अरवोर. सास्त्रमगूरुर बाताले कबळतुह्‌क अरवोर. दुनियातगा बेस-नेह्‌ना वळ्ह्‌कवालोर, बाताले कबळतुह्‌क अरवोर. दुनियातोर बेदिन बुदि इन्ह्‌तोर, तान देवुळि बुदलेवद इनजोर तोहता.

1 कुरिंततोर 10:27

विस्वस केवोग़ मन्कल मीक गाटो तिनदलाह तना लोन केयतेके, मीक दायलाह विचर वातेक अन्ह्‌ट. ओग़ मीक बेद तिनदलाह ईतेके, इद पेन-बोमातुह्‌क वाटटद आंदुया इनजोर ताल्ह्‌कमाटु. पोलनद-पोलवद पोल्‍लो पेसमाकि.

1 कुरिंततोर 5:11

आयो, (सीटटे नना विस्वसिरा मुडोराये लोप्पा रासतन.) बोग़ाय विस्वसिनन इन्जि, साट्याल कबळ कीतेक, लालुस कीतेके, बोमान मोळ्कतेके, कदर रेहतनव पोल्‍लोङ वळ्ह्‌कवाल मतेके, कल लोटि मतेके, नाळेह कीस तिनवाल मतेके, ओना संगे कलियमाट. ओसो ओना संगे तिनदना-उनडना वने केमाट इनजोर वेहतन.

1 कुरिंततोर 5:9

साट्याल मन्कलोरा संगे कलियमाट इनजोर, नना मुनेन सीटटे रासिस मतन.

2 कुरिंततोर 4:4

ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु, देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो. अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.

इपिसुसतोर 2:2

देवुळतुन पुनवोर ताकिह्‌तोर, अदे अग़दे मीट मुने ताकिंदिर. पोग़ोन वळ्‍दे मनदनव देयह्‌कना मुक्याल बह ताकिह कींदु, अद्रमलेह्‌काने ताकिंदिर. इंजेक वने देवुळताङ पोल्‍लोङ केंजवोरिन, अवे देयह्‌कना मुक्याल ताकिह कीस्ता.

पिलिपितोर 2:15

अस्के मीट कसुरलेवोरिर, लाग्वदिन पुनवोरिर, देवुळताङ पेकोरिर दिसकिर. तेल्वेरा ओसो करब बुदतोर मन्कलोरा नडुम मन्जि, पोग़ोटाङ उकाना लेह्‌का, ईकळते मांजवालोरिर दिसकिर.

1 योहन 4:5

(देवुळता पोल्‍लो ततोम इनजोर नाळेह केवालोर,) इद दुनियाता बुदतोर आंदुर. अदिनेनाह्‌क दुनियाताङे पोल्‍लोङ वळ्ह्‌किह्‌तोर. अहे इद दुनियातोर लोकुर ओराङ केंजिह्‌तोर.

1 योहन 4:7

गोतयालोरिर! माट ओर्विह्‌क-ओर्वोग़ जीवा कीयना गावले. जीवा कीयनद पोल्‍लो देवुळतग्डाये आंदु. बोर जीवा कीस्तोर, ओर देवुळताङ पिलाङ-पेकोर आसि, तान पुतोरु.

1 योहन 5:19

ताना कयदे इद पूरा लाग्वा दुनिया मन्ह्‌ता, मति माट इतेके देवुळता लोकुरल आंदल इनजोर, माट पुह्‌नल.

तोहचीतव पोल्‍लोङ 12:9

पया मीकाय्ल तना तोळतव देवतुल्कना संगे, मासुंडतुन ओसो ताना तोळतविन बूमतगा अर्ह्‌चीता. अद मासुंडि इतेके सुरुमुनेता तरसि! तान देयह्‌कना मुक्याल वने इन्ह्‌तोर, ओसो सय्तन वने इन्ह्‌तोर. अदे बूममेटोरिन नाळेह कीसोर वाता.