1 कुरिंततोर 4:9 - माडिया गोंड पवित्र सास्त्रम

⁹ (रोम सर्करतोग़साय्बाल तिरियिह्‌पा, तना गेल्सतोर विरुदतोरिन दोहचि, तना पेग़्के तासिस तिर्हतह्‌तोग़, अद्रम) येसु किर्स्तुनाङ बळयिरोम माक देवुळि पूरा पेग़्केडोर कीता. माक हामुरता सिक्सा ईतप लेह्‌का आता. दुनियातोर मन्कलोर ओसो पोग़ोटाङ देवतुल्क ऊळनाह, देवुळि माक तिर्हतप लेह्‌कान आता, इद्रम नावा विचर मन्ह्‌ता.

1 कुरिंततोर 4:9 Iomraidhean Croise

बळयिर 19:29

अद्रमे ओरा सहरतगा पका रोदा पोसि, सहरता मुल बाताल कीतोर, पोलुना संगे नाह्‌क-नाह्‌क तिरियवालोर गयुस ओसो अरिस्तरकुस, वेर मकिदुनियातोर मन्कलोरिन पोयतोर. वेरिन पोसि कतमतोर गोटुदगा ओळियतोर.

बळयिर 19:31

पोलुना गोत मनवालोर, बोर आसिया पटटाङ साय्बालोर वने ओनु, “निमा उगसलेवा अद गोटुदगा ओळियमा. (ओळियतिन इतेके नीवा पोग़ोन तिपल वायग़ बहा,)” इनजोर कबुर लोहतोर. अदिह्‌क पोलु ओळियोग़.

1 कुरिंततोर 15:19

सिरप इद बूमतगा पिसनद पिसमुळतेनाह्‌क, किर्स्तुना पोग़ोन आसा तासतल इतेके, माट सबेटोर मन्कलोरिह्‌काय, एक्‍वा आरेम आतोरल आंदल.

2 कुरिंततोर 11:23

ओर तम्क किर्स्तुना सेवकिरोम इन्ह्‌तोर, (नना पिसाङ आतप लेह्‌कान इह्‌नन,) नना कोनि ओरिह्‌काय एक्‍वा मह्‌नन! नना एक्‍वा कह्‌टेम कीतन, एक्‍वा जेलते मतन, एक्‍वा देबाङ तितन, ऊक-ऊके हामुर एवतप लेह्‌कान आस मतन;

2 कुरिंततोर 6:9

उच्वुर माक अदिकरलेवोर इन्ह्‌तोर, वेल्‍लाटोर बार माक किर्स्तुनाङ बळयिर इन्जि, बेस पुन्ह्‌तोर. डोललाह आतोर इनजोर, मन्कलोर माक इन्ह्‌तोर, मति इदु! माट जीवातेन मह्‌नोम. देवुळि माक सुद्रे कीसोर मन्ह्‌ताये, मति मावा जीवातुन ओयो.

इब्रितोर 1:14

पोग़ोटाङ देवतुल्क राजेम कीयनव आयोङ, देवुळता सेवा कीयनव जीवाङ. बोर-बोरिह्‌क देवुळता पिसमुळ दोर्किह्‌ता, ओरा सेवा कीयलाहे, अद लोहतनव जीवाङ आंदुङ.

इब्रितोर 11:36

उच्वुर विस्वस कीतोरिन, तमा कोटुलतोर माग़तोर, ओसो जूटटे नल्हतोर; उय्तुरिन दोहच ओसि, जेलते वाटटोर.