1 कुरिंततोर 4:11 - माडिया गोंड पवित्र सास्त्रम

¹¹ नेंड एवनाह माक जावा-एग़ दोर्को, उहतलाह गेंदे दोर्को, मन्कलोर माक कुळ्मिह्‌तोर, इके-अके वेलियसोर मह्‌नोम.

1 कुरिंततोर 4:11 Iomraidhean Croise

मत्याल 8:20

मति येसु ओन इतोग़, “कोय्लेस्किह्‌क मनदलाह बार गळ्‍दाङ, पोग़ोटाङ पिटेह्‌क मनदलाह बार गूडाङ मन्ह्‌ताङ. मति नना माने-मन्कना नडुम पुटिसाय मति, नाक तला रोयिह कीयलाह वने जागा इले. (निमा वने अद्रम मनदलाह तयर मह्‌निना?)” इतोग़.

बळयिर 14:19

(उचुक दियाना पया) पिसिदियाता अंताकिया सहरताहि उय्तुर यहुदिर, इकुनियुम सहरताहि उय्तुर यहुदिर, लुस्त्रा सहरते वातोर. वासि लुस्त्रातोर मन्कलोरगा कलियिसि, ओरिन तमा बाजेतेके कीतोर. कीसि पोलुना विरुद आसि, ओन बंडाङ उकतोर. उकतस्के वेग़ इंजेके डोलतोग़ इन्जि, ओन सहरता पलते ईळ्सिस ओतोर.

बळयिर 16:23

ईतस्के ओरिन पका नल्हतोर, नल्हचि जेलते वाटिसीतोर. पया वेरिन बेस दोहच राका कीमु इनजोर, जेलता दरोगान उकुम ईतोर.

बळयिर 23:2

इतस्के अनन्याल पेदिरतोग़ मोदुल पेर्माल, पोलुना एरे निच मतोरिन, “ओन चापुळ ईम्ह्‌ट रा!” इनजोर उकुम ईतोग़.

रोम सहरतोर 8:35

मुनेन दाविद राजाल सास्त्रमतगा इद्रम रासतोग़: ए देवुळि! माट नीवा मन्कलोरोम इनजोर, लोकुर माक जर्मिने हव्कलाह ऊळिह्‌तोर. एर्रेन अस्कलाह ओतप लेह्‌का, माक ओयलाह ऊळिह्‌तोर. इनजोर रासतोग़. माक तिपल वावालि, लोकुरा विरुद वावालि, दुकळ आवालि, गेंदेङ दोर्कोङ आवेस्कु, दोकाता जागातगा मनेलल, लोकुर माक कसेह्‌क-मग़्स्कने हव्केर. इद्रमताङ तिपल्क वातेके, किर्स्तु माक जीवा केवोग़ इनजोर इनदकला? (आयो! ओग़ माक जीवा कीसोरेन मन्ह्‌तोग़.)

1 कुरिंततोर 9:4

माट मीवा नडुम सेवा कीताह्‌कु, मावा पिसना-पिसवग़ता जबब्दर मियगा इलेया?

2 कुरिंततोर 11:20

इतेके ओर मीक ओर्युलतोरा लेह्‌का ऊळतेक तेला, रेय्‍पिह कीस तितेके तेला, नाळेह कीस तितेक तेला, केमेन मह्‌निर. तम्क बेरोरोम इन्ह्‌तोर, लजा वानाह मीक चापुळ ईस्तोर, अस्के वने बाताले इनविर, केमेन मह्‌निर.

2 कुरिंततोर 4:8

ईनाह-आनाह माक तिपल्क वासोरेन मन्ह्‌ताङ, मति माट इळ्न अरवोम. वेल्‍लाङे मल्काङ बह कीयना इनजोर गाबर आतोम, मति पूरा आसालेवप आयोम.

पिलिपितोर 4:12

बाताले लेवस्के बह पिसना, अद वने पुतन; मतस्के बह पिसना, इदिन वने पुतन. बेद्रम आतेकाय, बेदे वेला आयि, कग़्वते मतेक वने, पोटा निंदिस मतेक वने, मतस्के पिसलाह वने, गर्ज अरतस्के पिसलाह वने, नना कग़यतन.

2 तिमोति 3:11

पिसिदिया एरियाता अंताकिया सहरतगा, इकुनियुम सहरतगा, लुस्त्रा सहरतगा, मन्कलोर नाक तिपल कीतदिन, नना सिक्सा आतदिन, मन्कलोर नाक बेद्रमताङ तिपल्क ईतोर, इव तिपल्किन नना आपतदिन वने पुतिन. सामि नाक तोळ आताह्‌कु, नना अव सबे तिपल्कनाहि पिसतन.