1 कुरिंततोर 3:1 - माडिया गोंड पवित्र सास्त्रम

¹ मावोर विस्वसिरिर! मुने नना मीवा संगे मनदह्‌पा, देवुळता जीवाते ताकवालोरिन वेहतना लेह्‌कान, मीक वेहता पग़वोन. मति मन्कना बुदते ताकवालोरिन,किर्स्तुन विस्वस कीयनद पोल्‍लोतुन, पूनाङ-पूनाङ कग़यवालोरिन वेहतना लेह्‌कान, मीक वेहमुळ आता.

1 कुरिंततोर 3:1 Iomraidhean Croise

मत्याल 16:23

अस्के येसु पत्रुनके मल्स ऊळिस इतोग़, “एय देयमदीपता बुदते वळ्ह्‌कवानिन, अद्रमता बुदतुन पोहचीम! निमा नाकु कटळ वाटटप एग़्कुळ आय्ह्‌निन. नीवा विचरि मन्कना विचरतेह मन्ह्‌ता, मति देवुळता विचरतके इले,” इनजोर इतोग़.

रोम सहरतोर 7:14

निटमे, मोसानाङ अडोङ इतेके, देवुळतग्डाङ आंदुङ इनजोर, माट पुतल. मति नना इसि मन्कना बुदतोनन, पापमता कय इळ्न मनवानन.

1 कुरिंततोर 14:20

मावोर विस्वसिरिर! मीट इद तेल्वता लोप्पा, उड्लोर पिलाङ-पेकोरा लेह्‌का विचर केमाट. लाग्वाङ पोल्‍लोना लोप्पा, पिलाङ-पेकोरा लेह्‌कान पुनवप मन्ह्‌टु. मति मीवा तेल्वते, मीट बेरोरा लेह्‌कान मन्ह्‌टु.

1 कुरिंततोर 14:37

बोग़ाय तन्क देवुळता जीवाता दळ्मते वळ्ह्‌कनद बुदि दोर्कतोनन इनजोर इनेग़, इलवेके देवुळता जीवा ईतद दुस्रा बुदि दोर्कतोनन इनजोर इनेग़. इतेके अद्रमतोग़ मन्कल, इद सीटटे नना रासनव पोल्‍लोङ, सामि ईतव उकुम आंदुङ इन्जि पुनेग़.

1 कुरिंततोर 2:6

आं! विस्वसते मेग़्कतोरगा बुदताङ पोल्‍लोन वेहतह्‌नोमे! मति देवुळतुन पुनवोरा लेह्‌काडा बुदि आयो, दुनियातोर मुक्यालोरा लेह्‌काडा बुदि आयो, ओरा राजेम कोनि इंजेके मायलाह आता!

गलातितोर 6:1

मति मावोरिर, ओर्विना-ओर्वोग़ सेवा कीम्ह्‌टु. बोग़ाय मीवा ऐंगेटोग़ विस्वसि पापमते एग़्कतदिन ऊळतेके, बोर पवित्र जीवाता पेग़्के ताकवालोरिर मह्‌निर, मीट ओनगा अन्जि, कुलुल बुदते ओनु सेतेमता अग़दे ताटु. मति ततह्‌पा, मीट वने अद्रमता पापमते एग़्कनदायो इन्जि, उसरते मन्ह्‌टु.

इब्रितोर 5:13

इंजेके पाल उनवालोर पिलाङ-पेकोरा लेह्‌काडोर मन्कलोर, विस्वसताङ पोल्‍लोने कग़यवोरा लेह्‌कान मन्ह्‌तोर. अदिनेनाह्‌क ओरिह्‌क सेतेमते ताकनव पोल्‍लोङ तेळियोङ.

1 योहन 2:12

ए पेकोरिर, येसु किर्स्तुना मेटे, मीवा पापमता मापि आता इन्जि, मीक इव पोल्‍लोङ रासलाह आतन.