1 कुरिंततोर 2:6 - माडिया गोंड पवित्र सास्त्रम

⁶ आं! विस्वसते मेग़्कतोरगा बुदताङ पोल्‍लोन वेहतह्‌नोमे! मति देवुळतुन पुनवोरा लेह्‌काडा बुदि आयो, दुनियातोर मुक्यालोरा लेह्‌काडा बुदि आयो, ओरा राजेम कोनि इंजेके मायलाह आता!

1 कुरिंततोर 2:6 Iomraidhean Croise

मत्याल 13:22

कोये-जपिङ मतद जागा इहलेह्‌काडा आंदु. बोर कबुरतुन केंजिह्‌तोर, मति सम्सरमताङ आल्सुळ्क ओसो अनम-दनमता उळ्बे, इव कोयेनलेह्‌काडाङ देवुळता पोल्‍लोतुन ओरा जीवातगा मोन्ह्‌ट एवोङ, पया अद पोल्‍लो बातय पाय्दाता आयो.

मत्याल 19:21

“निमा पूराय तपवालेवा नेह्‌ना मनदकन इतेके अन, अन्जि नीवा मनदनद सबे मालसोमतुन वमिसि, लेवोरिह्‌क ईम. अद्रम कीसि, निमा नावा संगे मन्जि नावाङ कग़या. अद्रम कीतिन इतेके, पोग़ोन देवुळता जागातगा, नियेनाह्‌क निटमता मालसोम दोर्कग़ा,” इन्जि येसु ओन वेहतोग़.

मत्याल 5:48

अदिह्‌क बेद्रम मीवा देवुळदीपतोग़ बाबाल पूरा सेतेम मन्ह्‌तोग़, अद्रम मीट वने पूरा सेतेमते ताकाटु.

लूकाल 16:8

“पया ओग़ मुळ्हे मेटि, पका सत्रलते कबळ कीतदिन माल्काल ऊळिसि, ओन ‘पका उसर मह्‌निन रा!’ इन्जि इतोग़. इद्रमलेह्‌का देवुळतुन पुतोर लोकुरिह्‌काय एक्‍वा, देवुळतुन पुनवोर लोकुर, ओर्विह्‌क-ओर्वोग़ ईयना-एतनदिना लोप्पा, पका सत्रल मन्ह्‌तोर.

1 कुरिंततोर 1:28

दुनियातोर बोरिन-बोरिन उड्लोर इन्ह्‌तोर, बोरिन-बोरिन पास्किह्‌तोर, ओरिन देवुळि आचता. दुनियातोर बोरिन-बोरिन बेरोर इन्ह्‌तोर, ओरिन इळ्न रेहतना इन्जि, देवुळि कदरलेवोर, पोहचीतप ऊळतोरिन आचता.

1 कुरिंततोर 12:8

अद बेद्रम बुद ईस्ता इनजोर वेहतह्‌नन: देवुळता जीवा ओर्विह्‌क बुदताङ पोल्‍लोङ वळ्ह्‌कनद बुदि ईस्ता, अदे जीवा दुस्रोन्क, पुनवव पोल्‍लोन पुन्ज वेहतनद बुदि ईस्ता.

1 कुरिंततोर 14:20

मावोर विस्वसिरिर! मीट इद तेल्वता लोप्पा, उड्लोर पिलाङ-पेकोरा लेह्‌का विचर केमाट. लाग्वाङ पोल्‍लोना लोप्पा, पिलाङ-पेकोरा लेह्‌कान पुनवप मन्ह्‌टु. मति मीवा तेल्वते, मीट बेरोरा लेह्‌कान मन्ह्‌टु.

1 कुरिंततोर 2:1

मावोर विस्वसिरिर! नना मियगा देवुळता पोल्‍लोतुन पोकुर कीयलाहि वास मतन अस्के, नावा बुदतुन तोहतना लेह्‌कान, बामनाह वेहवा मतन; मति येसु किर्स्तु, ओसो हव्कनागुटाता ओना हामुरि, इवे पोल्‍लोन सीता कीय्ह्‌नन इनजोर, जिद कीस मतन.

1 कुरिंततोर 2:13

इदे देय्वाता लोप्पा मन्कलोरा बुदि माक काग़्हो, मति देवुळता जीवा काग़्हता. तानाङ विचर्किन माट अद काग़्हतव पोल्‍लोने, तेळियिह कीस वेहतह्‌नोम.

1 कुरिंततोर 2:8

अद ताना बुदता पोल्‍लोतुन, इद दुनियाता मुक्यालोर पुनोर. पुन्ज मतेके, बेरा डीसातोग़ सामिन हव्कनागुटातगा मोल्‍लाङ कोटिस हव्कोर आवेर.

1 कुरिंततोर 3:1

मावोर विस्वसिरिर! मुने नना मीवा संगे मनदह्‌पा, देवुळता जीवाते ताकवालोरिन वेहतना लेह्‌कान, मीक वेहता पग़वोन. मति मन्कना बुदते ताकवालोरिन,किर्स्तुन विस्वस कीयनद पोल्‍लोतुन, पूनाङ-पूनाङ कग़यवालोरिन वेहतना लेह्‌कान, मीक वेहमुळ आता.

2 कुरिंततोर 1:12

दुनियाते माट बाताल बाताल कीतोम, देवुळ ईतद सेतेम बुदते, नाळेह केवद बुदते कीतोम इन्जि, मावा जीवा वेहतह्‌ता, कासा इतेके मीवा संगे ताकिह्‌पा. इदिना लोप्पा माट पोग़यिह्‌नोम. मति अमेसा माट देवुळता देय्वाते कीतोम, मन्कना बुदते आयो.

2 कुरिंततोर 13:11

मावोर विस्वसिरिर! इव नावाङ आक्रिताङ पोल्‍लोङ आंदुङ: बेस गिर्दाते मन्ह्‌टु, सुद्रेम आसोर मन्ह्‌टु, सुकमते मन्ह्‌टु, उंदिय विचरते मन्ह्‌टु, ओर्विह्‌क-ओर्वोग़ कलियिस-मेलियिस मन्ह्‌टु. अस्के माक जीवा कीयनद, सुकम ईयनद देवुळि, मीवा ऐंगे मनदग़ा.

2 कुरिंततोर 4:3

माट पोकुर कीय्ह्‌नोम अद बेसता कबुरता पोल्‍लो, मिसतप लेह्‌का मतेके, अद सिरप देवुळतग्डाहि सिक्सा दोर्कवालोरिह्‌क अद्रम मन्ह्‌ता.

2 कुरिंततोर 4:4

ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु, देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो. अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.

इपिसुसतोर 2:2

देवुळतुन पुनवोर ताकिह्‌तोर, अदे अग़दे मीट मुने ताकिंदिर. पोग़ोन वळ्‍दे मनदनव देयह्‌कना मुक्याल बह ताकिह कींदु, अद्रमलेह्‌काने ताकिंदिर. इंजेक वने देवुळताङ पोल्‍लोङ केंजवोरिन, अवे देयह्‌कना मुक्याल ताकिह कीस्ता.

कुलुसितोर 1:28

ओग़े किर्स्तुन माट सबे जातिनोरिह्‌क, पोकुर कीयलाह आतोम. किर्स्तुना संगे तुंडिस मनवालोर सबेटोरिन किर्स्तुनगा बेस विस्वसते मेग़्किह कीसि, देवुळता मुनेह निल्पिह कीयना इनजोर, माटु देवुळ ईतद बुदते सबेटोरिन काग़्हतह्‌नोम, सुद्रे कीय्ह्‌नोम.

कुलुसितोर 4:12

मियग्डोग़ इपपरास, येसु किर्स्तुना सेवक आंदोग़, इंजेके नावा संगे मन्ह्‌तोग़. ओग़ वने मीक जय येसु इन्ह्‌तोग़. मीट विस्वसते मेग़्किस मनदना, देवुळि मियेनाह्‌क तासिस मतव पोल्‍लोन मीट बेस-नेह्‌ना पुनदना, देवुळताङ विचर्किन पूरा पुन्जि, अद्रमलेह्‌का ताकना इनजोर, अमेसा आरेम आयवा मियेनाह्‌क पार्तना कीस्तोग़.

इब्रितोर 5:14

मति विस्वसते बुद पुतोरे, गाटो तिनवालोरा लेह्‌कान मन्ह्‌तोर. ओर तमा विचरते बेसतल बेदु, लाग्वद बेदु इनजोर, पुनदनद कग़यतोर.

इब्रितोर 6:1

अदिनेनाह्‌क नना बह इह्‌नन: माट किर्स्तुना लोप्पाडाङ सुरुतव पोल्‍लोन विळ्सकल; इतेके अङ्ळमताङ पाय्दालेवव कबस्किन पोहचीयना, देवुळतुन विस्वस कीयना, एडिह कीयनव रिवज्क, कय्क तासिस बर्कत ईयना, डोलतोर ओसोवने जीवा अरयना,अमेसातुह्‌क ताकनदु देवुळता आक्रि नेयम, इव सबे पोल्‍लोङ माट सुरुते कग़यतव पोल्‍लोङ आंदुङ. (माट इविस्किने ओसो कग़यसोर मनवल;) इविन विळ्सिस अबर दाकल, ओसो विस्वसते बुद पुतोर कग़यनव पोल्‍लोन कग़यकल.

याकुब 3:15

इद्रमता बुदि देवुळतग्डाहि वावो, मति मन्कना बुदतग्डा, इद दुनियातग्डा, देयमदीपतग्डा आंदु.

याकुब 3:2

माट सबेटोरल ऊक-ऊके तपिह्‌नले. मति बोग़ मन्कल पोल्‍लो वळ्ह्‌कनेक तपोग़, ओग़ बेस बुदतोग़ मन्कल आंदोग़. ओसो ओग़ तना पूरा मेंदुदुन वने, आव्रे कीया पग़यह्‌तोग़.

1 पत्रु 5:10

माक कतम देय्वाङ ईयनद देवुळि, येसु किर्स्तुना संगे, मीकु बेस्केन मायवदु डीसाते कलियलाह केयता. इद रेंड दियाना मनमुळते, मीटु गय्क तिपल आतापया, देवुळ मीकु ओसोवने बेस कीसि तासग़ा. अद मीवा विस्वसतुन मेग़्किह कीसि, मीक लाव ईसि, निल्पिह कीयग़ा.