1 कुरिंततोर 14:2 - माडिया गोंड पवित्र सास्त्रम

^2-3 बाराह्‌क इतेके, देवुळता जीवाता दळ्मते वळ्ह्‌कवाल, विस्वसिरा विस्वसतुन बेस मेग़्किह कीयलाहि, ओरिह्‌क दीरा ईयलाहि, ओरा जीवातुन सितुर कीयलाहि वळ्ह्‌किह्‌तोग़. तेळियवद बासाते वळ्ह्‌कनद बुदतोग़ बारा, मन्कलोरा संगे आयो, मति देवुळता संगे वळ्ह्‌किह्‌तोग़. ओग़ देवुळता जीवा ईतद, पुनवद बासाते वळ्ह्‌कताह्‌कु, अद पोल्‍लो बोन्के तेळियो.

1 कुरिंततोर 14:2 Iomraidhean Croise

मत्याल 13:11

येसु पया ओरिन इतोग़ “मीक इतेके, देवुळि तना राजेमताङ मकतव पोल्‍लोन पुनदलाह बुद ईता, ओरिह्‌क बार एवो.

मार्कल 16:17

नावा पोल्‍लोतुन विस्वस केवालोर मन्कलोरा कयदे, देवुळता लावताङ इव सीनाङ आयनुङ: नावा पेदिरते देयह्‌किन पेसिह कीयनुर, तमा पुनवव बासाङ वळ्ह्‌कनुर.

मार्कल 4:11

येसु ओरिन इतोग़, “मीक इतेके, देवुळि तना राजेमताङ मकतव पोल्‍लोन पुनदलाह बुद ईता, मति तानाङ पोल्‍लोन नमवोरिह्‌क बार, इव पोल्‍लोन नना पुन्पिह कीयनव पीटोने वेहतह्‌नन.

बळयिर 19:6

मीतापया, पोलु तनाङ कय्किन ओरा पोग़ोन तासतस्के,देवुळता जीवा ओरा पोग़ोन रेगता. रेगतस्के ओर तमा कग़यवव बासाने वळ्ह्‌क बोटटोर. ओसो देवुळता कबुर वेहता बोटटोर.

बळयिर 22:9

नावा तोळतोर सिरप वेह्‌चतुन ऊळतोर, मति नावा संगे वळ्ह्‌कतद पोल्‍लो ओरिह्‌क तेळियो.

रोम सहरतोर 16:25

देवुळतुह्‌क जोहर आयि! नना काग़्हतनद येसु किर्स्तुना बेसता कबुर वेहतपु, देवुळतगा मीवा विस्वसतुन बेस मेग़्किह कीयनद लाव मन्ह्‌ता. इद कबुरता पोल्‍लो वेल्‍लाय जोम आनाह, मकिस मता.

1 कुरिंततोर 12:10

अदे जीवा ओर्विह्‌क बामिह कीयनाङ कबस्क कीयलाह लाव ईस्ता, दुस्रोना पोग़ोन बार दळ्म अर्सि वळ्ह्‌कनाह कीस्ता. ओर्विह्‌क बेव देवुळता जीवाताङ कबस्कु, बेव तानाङ आयोङ इनजोर पुनदनद बुदि ईस्ता. ओर्विह्‌क तन्क तेळियवव बासाने वळ्ह्‌कनद बुदि ईस्ता, दुस्रोन्क बार अव बासानाङ पोल्‍लोन पुन्जि, दुस्रोरिह्‌क तेळियिह कीसीयनद बुदि ईस्ता.

1 कुरिंततोर 12:28

विस्वसिरा मुडगा, देवुळि मुनेन किर्स्तुनाङ बळयिरिन निल्पिह कीता. ओरा पेग़्के देवुळता कबुरतोरिन निल्पिह कीता. ओरा पेग़्के देवुळता पोल्‍लोतुन काग़्हवालोरिन निल्पिह कीता. पया देवुळता लावताङ कबस्क कीयनद बुदतोरिन निल्पिह कीता. अहे ओसो दुकतोरिन सव्रे कीसीयनद बुदतोरिन निल्पिह कीता. अहे साय्ता कीयनद बुदतोरिन निल्पिह कीता. ओसो विस्वसिरा मुडुन ताकिह कीयनद बुदतोरिन निल्पिह कीता. ओसो तमा तेळियवव बासाने वळ्ह्‌कनद बुदतोरिन निल्पिह कीता.

1 कुरिंततोर 13:1

अद इद्रम मन्ह्‌ता: नाक दुनियातोर मन्कलोर वळ्ह्‌कनव सबे बासाङ, ओसो पोग़ोटाङ देवतुल्क वळ्ह्‌कनव सबे बासाङ वळ्ह्‌कनद बुदि मनालि. मति नना दुस्रोरिन जीवा केवोन इतेके, वेट किळिंगाळ इनाह, नेकनद गिनेता लेह्‌काडोनन, ओसो डेडेङ-डेडेङ नेकनद डपता लेह्‌काडोनन आवेनन.

1 कुरिंततोर 13:2

नना देवुळता जीवाता दळ्मते वळ्ह्‌क पग़वेनन, ओसो देवुळि इंजेक एवनाह पेसिह केवा तासतव सबे पोल्‍लोनु, अहे बुदताङ सबे पोल्‍लोन पुनेनन. मेटान इंका जर्गिह कीयनाह, अचोटा विस्वसते पार्तना केवेनन. मति नना दुस्रोरिन जीवा केवेक अचोन, देवुळता मुनेह बाताले कबळतोनन आयोन आवेनन.

1 कुरिंततोर 14:16

अद्रम केवालेवा, नावा जीवाते मोळ्किह्‌नन इनजोर, निमा तेळियवद बासाते देवुळतुन जोहर कीय्ह्‌निन. इतेके अगा उदतोग़ नीवा पोल्‍लोतुन पुनवोग़ मन्कल, नीवा संगे बह जोहर कीयनोग़? बह इतेके निमा बेद बासाते वळ्ह्‌कतिन, अदिन ओग़ पुनोग़ कोनि.

1 कुरिंततोर 14:26

मावोर विस्वसिरिर! इंजेके इदे पोल्‍लो मन्ह्‌ता: मीट देवुळतुन मोळ्कलाह जमा आतस्के, ओर्वोग़ पाटा ओयेग़, ओर्वोग़ काग़्हेग़, ओर्वोग़ मकतव पोल्‍लोन पेसिह कीसीयेग़, ओर्वोग़ तना तेळियवद बासाते वेहेग़, ओर्वोग़ तान तेळियिह कीसीयेग़, इव सबे विस्वसिरा मुडा विस्वसतुन बेस-नेह्‌ना मेग़्किह कीयलाह कीयनदु.

1 कुरिंततोर 15:51

इद केंजाट! इचानाह मन्कलोर पुनवद पोल्‍लोतुन मीक वेहतह्‌नन: माट मन्कलोरग्डाहि उच्वुर मन्कलोरल डोलवल, मति आक्रिता अकुम ऊरतस्के, माट सबेटोरल बद्लेम आयकल. आक्रिता अकुम केंज वायग़ा. अस्के देवुळि डोलतोर विस्वसिरिन, बेस्केन कळियवद मेंदुल अग़्के, अस्केडा अस्केन ओसोवने जीवा अर्हतग़ा. अस्के माट जीवात मनवालोरल बद्लेम आयकल.

1 कुरिंततोर 2:7

मति देवुळताये बुदता पोल्‍लोतुन वेहतह्‌नोम. आक्रिते माट ताना संगेन पिसना इन्जि, अद पोल्‍लोतुन देवुळि बूमतुन पुटिह केवस्केन, विचर कीस तासिस मता. इचानाह पुन्पिह केवा मता. मुनेता कालमते तना पोटातगा तासिस मता.

इपिसुसतोर 6:19

मन्कलोर मुने पुनवालेवा मंदुर, अद पोल्‍लोतुन बेसता कबुरते, देवुळि इंजेके पुन्पिह कीता. तान पोकुर कीयलाहि, किर्स्तु नाक लोहतोग़. अदिनेनाह्‌क कोनि इंजेके नना जेलतगा मह्‌नन. नना तान पोकुर कीयनाये, अद नावा कबळ आंदु. अद इसबते देवुळि नावा तोडटगा पोल्‍लोङ ईयि, नना रेयवालेवा वेहतलाहि, नयेनाह्‌क वने पार्तना कीम्ह्‌टु.

1 तिमोति 3:16

ओसो किर्स्तुना लोप्पा, देवुळ पङ्ने कीतव पोल्‍लोङ पका असलताङ मन्ह्‌ताङ, इद करलिये. “किर्स्तु मान्वल आसि माक दिसतोग़. ओग़ु देवुळता मग़ इन्जि, पवित्र जीवा तोहता. ओग़ हामुरताहि तेग़्कतस्के, देवतुल्क साक्सि मताङ. ओग़ तना डीसाते कलियनाहु, देवुळि ओन पोग़ोन ओता. ओना कबुर दुस्राङ जातिनोरगा आबुर आता. दुनियामेटोर लोकुर ओन नमतोर.”

1 तिमोति 3:9

ओरु किर्स्तुना लोप्पा देवुळ पुन्पिह कीतव पोल्‍लोन पोसि नमसोरे, जीवाताहि सेतेमते ताकना गावले.