1 कुरिंततोर 13:1 - माडिया गोंड पवित्र सास्त्रम1 अद इद्रम मन्ह्ता: नाक दुनियातोर मन्कलोर वळ्ह्कनव सबे बासाङ, ओसो पोग़ोटाङ देवतुल्क वळ्ह्कनव सबे बासाङ वळ्ह्कनद बुदि मनालि. मति नना दुस्रोरिन जीवा केवोन इतेके, वेट किळिंगाळ इनाह, नेकनद गिनेता लेह्काडोनन, ओसो डेडेङ-डेडेङ नेकनद डपता लेह्काडोनन आवेनन. Faic an caibideil |
1 कुरिंततोर 13:1
22 Iomraidhean Croise
अदे जीवा ओर्विह्क बामिह कीयनाङ कबस्क कीयलाह लाव ईस्ता, दुस्रोना पोग़ोन बार दळ्म अर्सि वळ्ह्कनाह कीस्ता. ओर्विह्क बेव देवुळता जीवाताङ कबस्कु, बेव तानाङ आयोङ इनजोर पुनदनद बुदि ईस्ता. ओर्विह्क तन्क तेळियवव बासाने वळ्ह्कनद बुदि ईस्ता, दुस्रोन्क बार अव बासानाङ पोल्लोन पुन्जि, दुस्रोरिह्क तेळियिह कीसीयनद बुदि ईस्ता.
बाराह्क इतेके, देवुळता जीवाता दळ्मते वळ्ह्कवाल, विस्वसिरा विस्वसतुन बेस मेग़्किह कीयलाहि, ओरिह्क दीरा ईयलाहि, ओरा जीवातुन सितुर कीयलाहि वळ्ह्किह्तोग़. तेळियवद बासाते वळ्ह्कनद बुदतोग़ बारा, मन्कलोरा संगे आयो, मति देवुळता संगे वळ्ह्किह्तोग़. ओग़ देवुळता जीवा ईतद, पुनवद बासाते वळ्ह्कताह्कु, अद पोल्लो बोन्के तेळियो.
मीट सबेटोरिर वने तेळियवव बासाने वळ्ह्कतेके, नना गिर्दा आवेनन. मति तान्काय एक्वा, मीट देवुळता जीवाता दळ्मते वळ्ह्कना इनजोर, पका विचर कीय्ह्नन. बाराह्क इतेके, बोग़ाय तना तेळियवद बासाते वळ्ह्किह्पा, विस्वसिरा मुडा विस्वस बेस मेग़्कि इनजोर, तान मुडोरा बासाते तेळियिह कीस वेहवेक अचोन, ओरिह्क बाताले पाय्दा इले. अदिनेनाह्क तेळियवव बासाने वळ्ह्कवाह्काय, देवुळता जीवाता दळ्मते वळ्ह्कवाले बेरोग़.
देवुळता जीवा बारा, मावा जीवातगा मोन्ह्टटेके, मयगा इद्रमता पंटा पुटिह्ता: माट दुस्रोरिन जीवा कीय्ह्नल, माट गिर्दाते मह्नल, सुकमते मह्नल, बेदाय पोल्लोतुह्क चट्ने ओङ आयवा मह्नल, दुस्रोरिन जीवा वाटिह्नल, माट चिव्टमलेवा मह्नल, माट पोल्लो विळ्सतपे कीय्ह्नल, कुलुल बुदते ताकिह्नल, कुदतुन आव्रे कीय्ह्नल. इद्रम ताकतेके, माक यहुदिराङ अडोङ अडम आयोङ.
Sanasan