1 कुरिंततोर 12:4 - माडिया गोंड पवित्र सास्त्रम

⁴ विस्वसिरगा अलग-अलग रीतताङ बुदिङ मन्ह्‌ताङ, मति अविस्किन ईयनद जीवा इतेके उंदिय मन्ह्‌ता.

1 कुरिंततोर 12:4 Iomraidhean Croise

1 कुरिंततोर 12:1

मावोर विस्वसिरिर! देवुळता जीवा ईयनव बुदिनाङ पोल्‍लोन ताल्ह्‌किस मतिर, अविस्किन मीट पुनदना इनजोर, मीक तेळियिह कीस वेहतह्‌नन.

1 कुरिंततोर 12:28

विस्वसिरा मुडगा, देवुळि मुनेन किर्स्तुनाङ बळयिरिन निल्पिह कीता. ओरा पेग़्के देवुळता कबुरतोरिन निल्पिह कीता. ओरा पेग़्के देवुळता पोल्‍लोतुन काग़्हवालोरिन निल्पिह कीता. पया देवुळता लावताङ कबस्क कीयनद बुदतोरिन निल्पिह कीता. अहे ओसो दुकतोरिन सव्रे कीसीयनद बुदतोरिन निल्पिह कीता. अहे साय्ता कीयनद बुदतोरिन निल्पिह कीता. ओसो विस्वसिरा मुडुन ताकिह कीयनद बुदतोरिन निल्पिह कीता. ओसो तमा तेळियवव बासाने वळ्ह्‌कनद बुदतोरिन निल्पिह कीता.

1 कुरिंततोर 12:5

विस्वसिर अलग-अलग रीतता सेवा कीस्तोर. मति सबेटोर ओर्विनाये सेवा कीस्तोर, इतेके येसुसामिना.

1 कुरिंततोर 7:7

मीट सबेटोरिर नावा लेह्‌कान, कुव्रा मन्ज वने गिर्दा आस मनदना इतेक, बेस ओप्पालि इनजोर, नना विचर कीय्ह्‌नन. मति देवुळि ओर्वोग़-ओर्वोग़ मन्कह्‌क अलग-अलग बुदि ईता: बोन्क-बोन्क कुव्रा मनदलाहि, बोन्क-बोन्क मर्मिङ आस मनदलाहि.

इपिसुसतोर 4:11

देवुळता मन्कलोरिन ताना सेवातेनाह्‌क ओप्पे कीयलाहि, किर्स्तुन विस्वस कीतोरा मुलु, विस्वसते बेस मेग़्किस मनदलाहि, अलग-अलग सेवातेनाह्‌कु, विस्वसिरिन निल्पिह कीतोग़. उच्वुरिन ओनाङ बळयिर आयलाह निल्पिह कीतोग़; उच्वुरिन देवुळता जीवाते वळ्ह्‌कवालोर आयलाह, उच्वुरिन बेसता कबुर पोकुर कीसोर तिरियलाह, उच्वुरिन विस्वसिरा मुडुन ऊळेवाळे कीसोर ओरिन काग़्हतलाह निल्पिह कीतोग़.

1 पत्रु 4:10

देवुळि ओर्विह्‌क-ओर्विह्‌क रीतरीतिनाङ कबस्क कीयलाह, बुद ईता. मीट देवुळ ईतव बुदिनु जबब्दरते काळ्ङवालोरा लेह्‌का मन्ह्‌टु. मन्जि, देवुळ तूसिसीतव बुदिनु, मीटु ओर्विह्‌क-ओर्वोग़ कबळ अरयलाह काळ्ङाटु.