1 कुरिंततोर 11:16 - माडिया गोंड पवित्र सास्त्रम

¹⁶ इद पोल्‍लोता लोप्पा बोग़ाय नावा संगे गिटोगटो आयना इतेके, ओग़ पुनेग़: नना इद्रमे काग़्हतह्‌नन, सबे नाह्‌कने देवुळता मुडोर वने इद्रमे कीस्तोर.

1 कुरिंततोर 11:16 Iomraidhean Croise

बळयिर 21:21

मति नीवा लोप्पा ओर इद्रम केंजतोर इतेके, निमा दुस्राङ जातिनोरगा मनवालोर यहुदिरिन, मोसानाङ अडोन विळ्साट, मीवा पेकोरेनाह्‌क डायना रिवज केमाट, यहुदिराङ उतुर्किन माग़्ङाट इनजोर काग़्हतिन अले; इद्रम ओर इग्डोर यहुदि विस्वसिर केंजतोर.

बळयिर 21:24

ओराय संगे निमा वने एडना रिवजतुन मारिह कीम. मारिह कीसि, मंदिरतगा ईयनव ओराङ पूरा मोकिना कर्सा निमाने कीसीम. अस्के ओर तमाङ तलाङ कोग़ियनुर. निमा इद्रम कीतिन इतेके, ‘माट पोलुना लोप्पा केंजतव पोल्‍लोङ उगसताङे, ओग़ वने मोसानाङ अडोन माळिह्‌तोग़,’ इनजोर सबेटोर यहुदिर पुनदनुर.

1 कुरिंततोर 16:1

कोताङ अर्हतनद पोल्‍लोतुन ताल्ह्‌किस मतिर, अदिन वेहतह्‌नन: येरुसलेम सहरतोर देवुळता मन्कलोरेनाह्‌क, कोताङ अर्हतनद पोल्‍लोता लोप्पा, गलाति पटटोरविस्वसिरा मुडुन नना बह वेहतन, अद्रम मीट वने कीम्ह्‌टु.

1 कुरिंततोर 4:5

अदिनेनाह्‌क मीट इंजेकेन बोने पर्ह्‌किस ऊळमाट. सामि वानाह केपाट. ईकळतगा मनदनविन वेह्‌चतगा ततना लेह्‌का, मन्कलोर तमा पोटालोप्पा मकिह कीस तासतव पोल्‍लोन, ओग़े पेसिह कीयनोग़. अस्के मन्कलोर तमा कीतद कबळता इसबते, निमा बेस कीतिन इनजोर, ओर्विन-ओर्विन देवुळि वेहतग़ा.

1 कुरिंततोर 7:17

सबेटोर विस्वसिरा मुडोरिन नना इद्रम काग़्हतह्‌नन: सामिनग्डाहि मीक बेद्रमता मनमुळ दोर्कता, अद्रमलेह्‌काने पिसाट. देवुळि मीक तना मन्कलोर आयलाहि आचता अस्के, मीट बेद्रम मतिर, अद्रमलेह्‌काने मन्ह्‌टु इह्‌नन.

1 कुरिंततोर 9:1

किर्स्तु मीक कीतप लेह्‌का, नाक वने उगसताङ अडोनाहि विळ्सिह केवोग़ा? नना किर्स्तुना बळयिनन आयोना? मावा येसुसामिन ऊळतोनन आयोना? सामि नावा मेटे कबळ कीताह्‌कु, मीट नयग्डाहि येसुना कबुर केंजिसि, विस्वसिर आतिर.

1 कुरिंततोर 9:6

कबळ केवालेवा मियगा उदिस तिनदलाह नना, बार्नबस, सिरप माक इर्वुरिह्‌के अदिकर इलेया? (मीक बेसता कबुरतुन पोकुर कीयलाहि, मावाङे कोताङ बाराह्‌क कर्सा केवेरोम?)

1 तिसलुनितोर 2:14

इतेके बेद्रम यहुदा पटटगा, किर्स्तु येसुना विस्वसिरा मुडुन, तमाय यहुदि मन्कलोर पकाय तिपल कीतोर, अद्रमे मीवा देसेमतोर वने मीक तिपल कीतोर. अदिनेनाह्‌क यहुदि विस्वसिरिह्‌क आतप लेह्‌कान, मीक वने आता.