1 कुरिंततोर 10:8 - माडिया गोंड पवित्र सास्त्रम

⁸ उच्वुर मोवब देसेमतविस्कना संगे साट्याल कबळ कींदुर. अदिनेनाह्‌क उंदिय दियाते वीसा मूंड अजर्क (23,000) मन्कलोर डोलतोर. ओर कीतप लेह्‌का, माट साट्याल कबळ कीयनद आयो.

1 कुरिंततोर 10:8 Iomraidhean Croise

मत्याल 5:32

नना मात्रम मीक वेहतह्‌नन, मुते दुस्रोन कववालेवा, बोग़ाय तना मुतेनु देहचीस्तोग़, तेला मति देवुळता मुनेह, अदु ओना मुते इंका मन्ह्‌ताये. अदिह्‌कु अदु दुस्रोन्क आतेके, ओर इर्वुर आसि देवुळता मुनेह सिंड्रि-साट्याल आतोरे. इद्रमि आंचाना मुनेतोग़ मुजो तान देहचीतस्के, तान सिंड्रि आनाह कीस्तोग़.

1 कुरिंततोर 6:18

देवुळि मियगा तना जीवातुन उदिह कीता, अद जीवा मियगा मन्ह्‌ता, पुनविरा? अद जीवा मनदनद मंदिर मीवा मेंदुलि. देवुळता मग़ि मियेनाह्‌क तना जीवा ईयलाह वातोग़, अचोटा कर्सा ईसि देवुळि मीक असता. इतेके मीवा मेंदुलि इंजेके मीवा कुदता आयो, इव सबे पोल्‍लोन माग़्ङमाट! अदिह्‌क साट्याल कबळतग्डाह जेक मन्ह्‌टु. बोग़ाय मन्कल तना कीतव सबे पापि कबस्कु, मेंदुदा पलते कीस्तोग़. मति साट्याल कबळता पापम कीतेके, तनाय मेंदुदा विरुदते पापम कीस्तोग़. इव सबे पोल्‍लोनेनाह्‌क, मेंदुलते बाताल बाताल कीकिर, अव सबे देवुळतुह्‌क मान दोर्कनाह कीम्ह्‌टु.

1 कुरिंततोर 6:9

देवुळतुह्‌क विचर वावाह ताकवालोर मन्कलोरु, अद राजेम कीयनगा मनदा पग़वोर इनजोर मीट पुतिर. मीट नाळेम आयमाटु. साट्याल कबस्क केवालोर, बोमान मोळ्कवालोर, दुस्रोराङ मुतेस्किन कवालोर, मुजोन विळ्सिसि दुस्रोन कवयनद आंचाळि, आंचाळ-कोय्तोना लेह्‌का कोय्तोग़ कोय्तोना संगे उंजवालोरु,

तोहचीतव पोल्‍लोङ 2:14

मति उचुक पोल्‍लोना लोप्पा नना मीवा अडम मह्‌नन, अद इद्रमि: वेल्‍लाय मुने बलामि पेदिरतोग़ गूनयाल, मोवब इनदनद देसेमतोग़ बलाकि इनवाल राजान इद्रम काग़्हतोग़: ‘निमा अन्जि, इस्रयेल मन्कलोरिन एग़्किह कीयलाह, ओरिन पेन-बोमानेनाह्‌क मोळ्कतविन तिनाह, ओसो साट्याल कबळ कीयनाह कीम,’ इनजोर काग़्हच मतोग़. इंजेके मीवा मुडोर उच्वुर मन्कलोर, बलामि काग़्हतप लेह्‌कान कीस्तोर. इद पोल्‍लो नाक विचर वावो.