1 कुरिंततोर 10:6 - माडिया गोंड पवित्र सास्त्रम

⁶ ओर लाग्वव पोल्‍लोन लालुस कीताह्‌कु, बूळेम आतोर. ओर कीतप लेह्‌का, माट वने कीयनद आयो इनजोर माक काग़्हतलाहि, अव पोल्‍लोङ आताङ.

1 कुरिंततोर 10:6 Iomraidhean Croise

रोम सहरतोर 5:14

अस्के वने आदमनग्डाह इतेके, मोसाना वेला एवनाह, लोकुर पापम कींदुर, अदिह्‌क डोलिंदुर. बेद्रम देवुळता तोडटाहि पेसतद अडोतुन आदम देहतोग़, ओना लेह्‌का ओर पोल्‍लोतुन देहोर. तेला मति ओर तमा कीतद पापमतेनाह्‌कु डोलिंदुर. वेग़ आदम इतेके, पेग़्के वावाल किर्स्तुना सीना मतोग़.

1 कुरिंततोर 10:11

दुस्रोरिह्‌क तेळियिह कीयनेनाह्‌क, इव पोल्‍लोङ मावाङ तादोर-बाबोरिह्‌क आताङ. माट इंजेके बूमता आक्रिता वेलाते पिसलाह आतल. अदिह्‌क माक बुद काग़्हतलाहि, इव पोल्‍लोङ रासतव मन्ह्‌ताङ.

इब्रितोर 4:11

अदिनेनाह्‌क माट वने अगा, आरम कीयनद जागातगा एवयलाहि जिद कीयिङ. मयग्डाहि बोग़े, मुनेतोर मन्कलोरा लेह्‌कान, देवुळता पोल्‍लो केंजवाह्‌क, बूळेम आयनद आयो.

इब्रितोर 9:24

अदिनेनाह्‌क मन्कलोर पंडटद सबेट्क पवित्र गूडटगा, किर्स्तु ओळियोग़. मन्कलोर पंडटद जागा, पोग़ोन मनदनद सबेट्क पवित्र गूडटा वेट दळ्मि, अचोने! निटमता सबेट्क पवित्र गूड इतेके देवुळदीपि, ओग़ अगाने ओळियतोग़. मयेनाह वेहतलाहि, देवुळता मुनेह नितलाहि ओळियतोग़.

1 पत्रु 3:21

अद पोल्‍लोता लेह्‌काने, इंजेके (मीटु विस्वसिर आतिर अस्के,) येसुना पेदिरते एग़ मीताह्‌कु, बेद लावते देवुळि येसु किर्स्तुनु हामुरताहि जीवा अर्ह्‌ता, अदे लावते मीट पिसिह्‌निर. इद बेद्रमता इतेके, मेंदुदा माच एडग़ा इनजोरे, मीयनद आयो; मति नावा जीवा कसुरलेवप आयि इन्जि, पूरा जीवाताहि देवुळतुन ताल्ह्‌कनद आंदु.

2 पत्रु 2:6

अद्रमे सोदोम-गोमोरा सहर्कने मतोरिन वने, अद विळ्सो; पूरा नेग़ आनाह, ओराङ सहर्किन बूळे कीसीता, अद्रम ओरिन सिक्सा ईता. ओसो तान पास्कवालोर इद्रमे आस्तोर इनजोर, इद पोल्‍लो तोहतह्‌ता.

यहुदाल 1:7

इद्रमलेह्‌काने सोदोम-गोमोरा, इव सहर्कनोर, अहे एरे-गूरे मतव नाह्‌कनोर मन्कलोर वने, अव देवतुल्क कीतप लेह्‌का कीतोर; इतेके मुर्तिय ओप्पवव साट्याल कबस्क कीसोर मंदुर. देवुळि ओरिन अमेसातेनाह्‌क मळ्गसोर मनदनद किसतगा वाटिस सिक्सा ईता. ओरिह्‌क अद्रम आतदिन ऊळिसि, सबेटोर मन्कलोर रेयिस मनदना इनजोर, इद पोल्‍लो तोहतह्‌ता.